ديوان شعراء خامس الجوازي من الثبته(جمع واعداد عبدالله بن عبيد الثبيتي)

[(مہودع دنہيأهہ)]

إهداء

إلى والدي

عبيد بن عبدالله الجازي


بسم الله الرحمن الرحيم,والصلاة على أشرف الأنبياء والمرسلين سيدنا

محمد وعلى آله وصبحه أجمعين,وبعد.

فهذه الشوارد من الذهب المجمد والمندثر والتي جمعها الابن عبدالله عمل جليل يشكر عليه هذا الابن الشاب,وهي فالحقيقة قطرة من غيث سينهمر عمّا قريب بإذن الله.

تمنياتنا له بالتوفيق والنجاح الدائم.

عبيد بن عبدالله بن مصلح الجازي

المقدمة

بسم الله الرحمن الرحيم

الحمدلله خالق الإنسان ومعلمه البيان,والصلاة والسلام على رسوله العدنان,القائل:"إن من البيان لسحراً",و"إم من الشعر لحكمة",سيدنا محمد وعلى آله وصحبه أجمعين أولي البر والإحسان...أما بعد:


فمما يُحمد في التأليف ويُمجد في التاريخ تدوين أقوال الأسبقين ممن عُرف عنهم الحكمة والتجربة,وتدوين ماكانوا فيه من أحوال وأنماط حياة وسير وحكايات نعرف بها حياتهم وأخبارهم,حتى يحصّل القادم خير الماضي والحاضر,وتنضاف إ لى عمره أعمار من سبقوه خبرة ومعرفة وتجربة.

ولاشك في أن الشعر منذ الأزل هو ديوان العرب,يأتون فيه بأحوالهم,وفقاً لقيمهم ونزولاً على معتقداتهم,وقد كانت بلادنا إلى وقت قريب على نمط العرب الأقدمين في اعتماد المشافهة والحفض وسيلة لنقل حوادث التاريخ والأشعار وسائر صنوف العلوم ولآداب.


وهذا مادعاني للبحث والتنقيب عما أُثر عن بعض شعرائنا المعاصرين من لقي ربه منهم
مرحوماً-ان شاء الله-ومن يعيش منهم بيننا,بارك الله فيهم وفي اعمارهم وجعلها على الطاعة
بحولة وقوته،وذلك حفظاً لهذه الاشعار من الضياع والاندثار.

لذا فقد بيّتّ النية وعفدت العزم على إخراج كتاب يتضمن شعر هؤلاء الشعراء الذين كادت
قصائدهم تندثر بسب مرور الزمان عليها,فجمعت طرفاً منها,وأشير هنا إلى أن ماتبقى منا أعضم مما جُمع بالكتاب,على الرغم من أنني سخرت من وقتي الكثير, ولم أعرف أحداً مهتماً بها إلا زرته,ولكنه جهد المقلّ الذي أرجو أن يكون محفزاً لغيري ليقوموا بالعمل نفسه مع شعراء آخرين وفي أماكن أخرى وفترات مختلفه من تاريخ مملكتنا العزيزة.

كما أشير إلى أنني حاولت جاهداً في هذا البحث المتواضع أن أجمع مافي صدور الرجال من الشعر وشوارده,مع الحرص على التحقق من صحة النقل,وذالك بعرض القصائد والأبيات على أكثر من رواية للتأكد من سلامة النقل وسلامة نسبة الأبيات لصاحبها.

ومما ذكر سابقاً يتبين سبب تجميعي لهذا الديوان وهما أمران أساسيان أجملهما في الآتي:

. الأول:توثيق القصائد وحفضها من الضياع

. الثاني:تصدير هذه القصائد إلى المجتمع وإظهارها ونشرها بين أبنائه,فنتعرف على بعض من ثقفتنا وأساليب شعرنا في النظم غير المحاورة,والتي تميز فيها الشاعر العظيم مطلق بن حميد الثبيتي,رحمه الله.

وبعد عمل دام سنة تم تجميع هذا الكتاب والحمدلله.فجعلته أقساماً على أسماء الشعراء,فأوردت لكل شاعر قصائده اللتي حصلت عليها مجتمعه تحت القسم الذي يخص الشاعر,كما أدرجت أيضاً بعض القصائد المعروفة لشاعر مطلق الثبيتي,وذلك لأنه من أعظم شعراء الخليج,وإن كان لا حاجة للإشادة به,ولكن لأنه من قبيلة الجوازي والشيء بالشيء يُذكر.

وقد رأيت بعد تمام الكتاب أن أسميه(شوارد لبعض شعراء قبيلة الجوازي)حتى تكون التسميه معبرة عن مضمون الكتاب,فالشوارد هي الأبيات السائرة لما فيها من قوة وجودة,ويقال:ثافية شرود,أي:سائرة(عائرة)في البلاد,وقال أحدهم:

شرودٌ إذا الراؤون حلّو عقالها...محجّلةٌ فيها كلامٌ محجّلُ

وهنا أشير إلى أني أعلم أن بعض القصائد التي جمعتها ناقصة,فكما قلت إن زماناً طويلاً مضى عليها,ولاغرابة في ذلك:لأن الناس لا تتناقل هذه القصائد في الوقت الحالي,لكني عازم على أن أضيف مزيداً من القصائد في طبعات الكتاب التالية إذا توافر لي شيء جديد,كما أنه سيكون هناك ديوان صوتي من الشيلات,والقصائد الصوتية ستكون مختارة من هذا الديوان.

ولا أنسى في هذا المقام شكر كل من ساعدني من المهتمين بالكتاب وجمعه,وأخص بالشكر الأخ وابن العم أحمد بن عبدالرحمن بن مصلح الجازي,لما سخر من وقته في البحث معي عن الذين مازالوا محتفظين بهذا الموروث الجميل من القصائد النادرة التي كانت قبل وبعد الدولة السعودية,فبعض الشعراء قد عاصروا الحكمين,مثل: محمد بن عفين,وحميد بن أحمد.

وفي ختام المقدمة أرجو الله أن ينفع بهذا الكتاب,وأن يكون حلقة في سلسلة من الكتب والدواوين التي توثق للشعر النبطي المعاصر يقوم بجمعها كل غيور على تراثنا الأدبي عامة والشعر خاصة,إن الله ولي ذلك والقادر عليه.

والسلام عليكم ورحمة الله وبركاته

عبدالله بن عبيد بن عبدالله الجازي



عبدالله بن مصلح الجازي الثبيتي

هو الشاعر عبدالله بن مصلح بن ثلاب الجازي الثبيتي,وقد ولد في عام 1320هـ,وتوفي ـ رحمه الله ـ في مكة المكرمة عام 1392هـ.

قال الشاعر عبدالله بن مصلح هذه القصيدة عندما أشاروا عليه بشراء الغنم ولم يوفق في تربيتها.

شكر يابارق(ن) (فالشام) لاح....لاح برقه على (الريعانيه)

قمت أخيله وقلبي ما استراح....ما هوى النوم جوف أعيانيه

فوق مرباك يا الريم الضياح....يا عفر قايد الغزلانيه

مير حظي عرج وإن قام طاح....كل ما قام طاح الثاينيه

مثل طير(ن) مصوب بالجناح....ماقعه في أسفل العيدانيه

والغنم ماش لي فيها صلاح....كل أبوها عشا سرحانيه

فقرتني ورأس المال راح....وأحوجتني على العمانيه

1ـ يقصد بالشام أي اتجاه الشمالد

2ـ الريعان منطقة تقع بين السيل الكبير والسيل الصغير

وقد روى هذه القصيدة ـ عوض بن مبارك الجازي ـ وعبيد بن راضي الجازي



(أم الدود)

قال الشاعر عبدالله بن مصلح هذه القصيدة لشيخ محسل بن عبدالله الجازي الثبيتي


هاضني عصر في أم (الدود)....عصر في طايل الفيه

فــي ديـــار(ن) خــلا مـــارود....مـا يـجـيـنـا إخـبـاريـه

كود (مرضي) معه (مسعود)....فالـمـراكـز زكـرتـيـه

وأوجــوداه كـــل وجــود....راكب(ن) لي عمانيه

ناصـي الـلـي قـرونـه سـود....فوق الأمتان مثعيه

لازم الـظـهـر في (سـعـود)....طمعتي في بناخيه

قـلـت أذنــه يـعـذل الــعــود....لين يسمح لي النيه


1ـ هي أم الجود حالياً بمكة المكرمة

2ـ مرضي ومسعود هم أصحاب الشاعر ولا نعلم أي شي عنهم

3ـ هو سعود بن مسحل بن عبدالله بن الشيخ مسحل وهو ابن أخته وايضاً نسيبه

وقد روى هذه القصيدةـ عوض بن مبارك الجازي وعبيد بن راضي الجازي ومنصور بن مطلق الجازي


(يا ابو سعود)

وقال الشاعر عبدالله بن مصلح هذه القصيدة فالمعنى نفسه:

يا (أبو سعود) يكون فالبال معلوم....عـريـان ربـعـك كـن ثـوبـه جــديــدي

هذي ثلاث اسنين أنا اطيح وأقوم....أرسلت (نجم) وكل صقر(ن) سديدي

أبا مكان الصقر عن مسند الـبـوم....يأتي ولـدهـا قـبـل حـتـن الـوعـيـدي

وإن كان لي في داعج العين مقسوم....يأتي ولو دونه يصك الـحـديـدي

1ـ هو الشيخ مسحل بن عبدالله الجازي

2ـ نجم هو نجم بن عبدالله الجازي أخو الشيخ مسحل الجازي

وقد روى القصيدة ـ محمد بن سهل الجازي وأخيه صالح بن سهل الجازي وجابر بت وادع الجازي وعوض بن مبارك الجازي



(ياشريم)

كان لدى الشاعر عبدالله بن مصلح الجازي فنجال دام معه أكثر من عشرين عاماً وأسماه(شريم)لتشرمه, وعندما انكسر الفنجال قال هذين البيتين:

ياشريم تسوى لك ثلاثين فنجال....لولا العدم ياشريم ما منك طيبي

لولا العدم ياشريم معاد تنشال....مير العدم ياشريم حطك صحيبي

وقد روى هذه القصيدةـ عبدالمحسن وعبدالرحمن أبناء عبيد بن عبدالله بن مصلح الجازي وصالح بن سهل الجازي


(عديت في برقه)

في أثناء حراسة الشاعر عبدالله بن مصلح الجازي لجيش الشريف قال قصيده لم يبق منها سوى هذين البيتين:

عـديـت فـي بـرقـه وبأم راس ربيَّه....ب(مشوك الروس كـلـه صب عصملي)

وإن كان ماجاني اللي فيه أماريَّه....ظبي(ن)يقود الضبى ماهو من التلي


1ـ المقصود هو البندق العثمانيه وكان يقال في مامضى عند ابنا الباديه البندق العصملي او الريال العصملي نسبة للعثمانين

2 ـ المقصود بجيش الشريف هو حلاله(البل) وكان يطلق عليها سابقا على البل الكثيره (جيش)
روى القصيدةـ عوض بن مبارك الجازي



(أهل الوفا والسلومي)

وقعت مشاكل لإبن ناصر الشريف على أرض يمكلها بسبب نزاعه مع أبنا عمومته عليها.وشهد عليها الشاعر عبدالله بن مصلح بالأبيات التالية:

عديت في مرقاب في رأس (مشذاب)....في رأس ضلعها الطويل الزمومي

ســيــرتـها ولـيـنـهـا أضـلاع وأشـعـاب....الأولـيـن أهـل الـوفـا والـسـلـومـي

(مـن يـمـهـم تـحـدهـا بــرقــة أذنــاب....ويحدها درب الـرحـا والـخـشـومـي)

وذياب تظهر من ســراحـيـن وذيــاب....تاكل عـشـاهـا يـوم كـل(ن) يـنـومـي

في ديرة إبـن ناصر امـغـلـق الـبـاب....الـديـره اللي ماحــووهـا الـرخـومـي

وعــز الله...إنـه...حط للـنـار شــبــاب....وعـيـالـه اللي فـي طـرفـهـا قـرومي

ياكـثـر مـا ودا....ويـاكـثـر مـا جــاب....وياما ذبح من راس كبش(ن) شحومي

وأعد هرج الصدق..مـاني بـكـذاب....ويـشـهـد لي الله...والـقـمـر والـنـومـي

1ـ هي منقطة بعد مكه

2ـ برقة اذناب ـ الرحاء والخشومي ـ مناطق قريبه من مكة وهي حدود لأرض ابن ناصر الشريف

وقد روى هذه القصيدة فالح بن ضيف الله الجازي وعبيد بن راضي الجازي وروى بيتين منها عوض بن مبارك الجازي



(راعي الغنم)

أتى الشاعر مطلق بن حميد الجازي إلى الشاعر عبدالله بن مصلح الجازي وكان بالطايف,وعندما أقبل مطلق قال: (وان طرق البوري وجابت لها ضيف يا أبو عبيد),
فقال عبدالله(رحب بهم عداد مدرج عجلها).

يالله من نو(ن) سرى له رفاريف....عساه يسقي كل دار(ن) لهلها

راع الغنم مبسوط زاين له الكيف....مبسوط راعي عشر فيها فحلها

وإن طرّق البوري وجابت لها ضيف....رحب بهم عداد مدرج عجلها

مستد عن سمن البحر والمغاريف....عنده عطايا الله ليا الله قبلها


روى القصيدة ـ عبيد بن عبدالله بن مصلح الجازي



(فرخ العمانيه)

ياشعيل فرخ العمانيّه....إقطع بي المخرم الخالي

دار الضما مالها ابقيّه....نــهــارك...الـيـوم بـالالـي

تطا النهد كسرت الفيّه....شـلـيـل ومـرار زرفـالـي

والأصل تشرب من الطيّه....من قاع مطويه الجالي

ذكرت ربعي وأهــالــيّــه....ذكرت حــمــايــة التالي

لوكان ماجا حفوفيّه....في ذر ربـع(ن)...لـهـم والي

مدري متى تبدي النيّه....وأروح وأســنــع أحــوالي

إما يجا الحبل في أيديّه....ولا قـطـعـتـه ولــه والي


روى القصيدة صالح بن سهل الجازي



(شديد الراس)

عندما مرض الشاعر عبدالله بن مصلح مرض موته وانقطع عن زيارته الرفاق الذين كانوا مل يوم يزورونه ويجلسون بجانبه.حزن حزناً شديداً وقال قصيدة طويلة لم يبق منها إلا هذه الأبيات الثلاثة,فلما سمعها وادع بن عبدالله ـ رحه الله ـ ذرفت عيناه من الدمع وأصبح من بعدها لايفارقه حتى توفاه الله.

يالله يا عالم بـخـصـات الـعـرب والـنـاس....تـعـافـيـنـي...إن كــان لــي حــبــل مــدود

وأنا أحمد الله دامت إني شديد الراس....وأنا جوف ربعي والنسم في جثتي ماجود

تعيين يامحسين للرفاقه والمجي نوماس....على فنجان قهوه والسوالف فالمريض اتزود



روى هذه القصيدة عبدالله بن ساري الجازي



(الوصيه)

أراد الشاعر عبدالله بن مصلح أن ينصح ابن أخيه صالح بن محمد الجازي فخاطبه بهذه القصيدة.

وانا هيض عليه يوم عديت....بعد ماهاجت هجوسي عليه

تصاف في وادي يوم لديت....كما صفق السيول اللي قويه

ولايا صالح أسمع يوم وصيت....وخلك لازم(ن) حبل الوصيه

ترا الأجناب لو فيهم تـمـريـت....نهار(ن) مر ولا لك قابــلـيـه

تصبر في ديارك ولو تجفيت....وربعك لا أوقفو كلهم حميه

روى هذه القصيدة حماد بن حمود الجازي


(ياراكب اللي)

أرسل الشاعر عبدالله بن مصلح عندما كان بالقطانية هذه القصيدة لمحمد بن عفين الذي كان بالعرج وقتها.

ياراكب اللي طلوع الناب....امصيف(ن)بالقطانيّه

ركـابـهـا ما يـبـا مـشـعـاب....اتنشط...البال عمليّه

تنصا (محمد) و(ابن ثلاث)....ربع(ن) يعقلون مثنيّه

تلقى الشحم عنده أول باب....ودلال,,,والبن بريّه

عطهم علومك بغير كــتــاب....وخص عنهم بـرديّـه


أما رد محمد بن عفين فلم أجد منه إلا بيتاً واحداً وهو:

العرج منزل رجال اعراب....منزل ابويه واهاليّه


1ـ محمد هو الشاعر محمد بن عفين الجازي وابن ثلاب هو عبدالله بن ثلاب الجازي


2ـ روى القصيدة عوض بن مبارك الجازي ـ عبيد بن راضي الجازي ـ جابر بن وادع الجازي


ياسابحة من عندنا بالجناحين

بعث الشاعر مطلق بن حميد الجازي بقصيدة عندما كان يدرس في بريطانيا,فرد عليه الشاعر عبدالله بن مصلح بهذه القصيدة يطمئنه فيها على أحوال قبيلته ويوصيه.


ياراكب اللي سابحه بالجناحين....تطوي بعيد اللال في سرع تطويه

مسراحها من عندنا يوم الاثنين....الساعة أربع يم لندن وأهاليه

ود الخطوط ل(مطلق)بعلمه الزين....تبشره بالخير وتكثر تهانيه

حنا بخير وفي سرور امتعافين....والله يتمه فوق خلقه ويضفيه

خطك وصلنا زايد البسط بسطين....مستر كتابه ومستر قاريه

تمم دروسك واشرح الصدر والعين....والصبر مكسب راعي الصبر لاقيه

هرج العرب خله سواة الهبابين....لاجايب المركب ولاهو موديه

الناس قدامك على قسوة ولين....ومن لا صبر للمر ما ذاق حاليه

والصقر فالميكار عقّب شياهين....(محسين)و(تركي) رياجيل تكفيه

يحمون ميقافه وصف العتابين....عان الجربتي حلّقوا فوق أذانيه

وأدعي لك التوفيق والربع داعين....الكل منهم جا سلامه ويهديه


1ـ المقصود بمطلق هو الشاعر مطلق بن حميد الجازي شاعر المحاروة المعروف.

2_هو عبدالمحسن بن عبيد حفيد الشاعر.

3_وتركي هو تركي بن مطلق ابن الشاعر مطلق.

القصيده مأخوذه من رساله للشاعر وهو بلندن,ويهو مصدر الرساله,وتجدون الرسالة في اخر الكتاب .



(طاوي الجبل)

كتب الشاعر عبدالله بن مصلح هذه القصيدة رداً على قصيدة أخرى للشاعر مطلق الثبيتي معبراً فيها عن أشواقه,ويدعو له متمنياً له التوفيق.

اشتقت من خط(ن)وصل بالعلاوين....بعد قريته قمت والليل محييه

وأخذت من معناه تسعه وتسعين....وأبيع في صدري من العرف وأشريه

وانا من أول طاوي الحبل طيين....ما أمد حبلي للشعاعير طاويه

لكن جاني قول مكتوب ذلحين....ذكرني الي كنت غافل وناسيه

ترى البهيته دار ربع متعافين....اسمي وقسمي قبل شي(ن)تسميه

واللي مضى قدام مثل السكاكين....لانوم في ليله ولانوم ضاحيه

والحمد لله عوض الله بثنتين....راحه ودين لمن يحقق مساعيه

وإن جبت مكسب رحت مثل السلاطين....واللي سواتك ما يبانا نوصيه

وأنا ليا صليت جوف المصلين....أدعيلك التوفيق من عند باريه

وترى (جويبر)منفتل بالذراعين....خاله(محمد)بادي الريع باديه

1ـ هو الشيخ جويبر بن وادع الجازي شيخ شمل قبيلة الجوازي.

2ـ هو الشاعر محمد بن عفين الجازي.

رواية القصيدة من رسالة مرسلة للشاعر مطلق الجازي وهو في لندن,وتجدونها في آخر الكتاب.


(ذوي ثلاب)

لم أجد قصة هذه القصيدة وهي ليست كاملة

يا راكب اللي يدحم الحزم بخطاه....وإن حثه الركاب ماهو رغاوي

ملفاك ربعي والبيوت المبناه....ربع(ن)يسرونك نهار النخاوي

حنا (ذوي ثلاب) والعز بالله....ولاقط ربعي يأكلون الرشاوي

عطهم علومك عقب ما تأكل الشاه....في ذيلها مركوز سكين (ضاوي)


1ـ ثلاب:وهو جد لكل من ذوي راضي وذوي مصلح وذوي عبدالله من قبيلة الجوازي

2ـ ضاوي:هو ضاوي بن صالح بن دخيل الله الجازي.

القصيدة مروية من عبدالمحسن وعبدالرحمن ابني عبيد بن عبدالله الجازي.


(دول مستعده)

كحال الشعراء في ذالك الوقت يصف فيها بداية الركاب.

يا راكب اللي صلبت بالأشده....محملات(ن)بالكلايف وصيلات

ضهورهن قيس حشو الأبده....لاهي سمان ولا عليها تخلاتد

تلفي على حي(ن) عيوني توده....قوم(ن)ترحب بالركايب ليا جات

اللي لهم عن ناضر العين مده....ودي بهم مير الزمن له ولايات

ترا(محمد)صحبته مستمده....مثل العسل جوف الخلايا والأبيات

ودي بشي(ن) مثل ماهو بوده....مير المعاني ماتطاوع صعيبات

علي فاتح باب وازريت أسده....مير الكرم لله وأهل المروات

والناس تحسبنا دول مستعده....تحسب ركايبنا تدمن جنيهات

1ـ هو الشاعر محمد بن عفين الجازي.

والقصيدة مروية عن عبدالمحسن وعبدالرحمن ابني عبيد بن عبدالله الجازي,وعبد المقصود بن عايض الجازي


ــــــــــــــــــــــــــــــــــــــــــــــــــ ـــــــــــ
عبيد بن عبدالله ابن مصلح الجازي الثبيتي

هذه القصيدة قالها عبيد بن عبدالله الجازي عندما ذهب إبناه عبدالمحسن ومحمد إلى باكستان في رحلة علاجية يصف فيها معاناته حيال ذلك متذكراً والده ومواقفه الشهيرة تجاه ربه وربعه شاكراً كل موقف بجانبه تجاه هذا الحدث:

يوم الأحد عيّت عيوني تنومي....مدري عن المكتوب واللي ورى الناس

أدعيك ياربي تزيل الهمومي....يا الله تنجيني من الهام والياس

ذكرت أبويه والوفا والسلومي....الله يرحم من بنا وأثبت الساس

وصيتي يا أبوي بأربع علومي....أربع وصايا ما لهن وصف أجناس

وصيتني بالدين لازم يقومي....وصيتني بالصدق في كل مجلاس

وصيتني بالرحم وأنته رحومي....وصيتني بالصبر مكسب ونوماس

قائم بها يا ابو في كل يومي....وصيّتك يا أبوي تاج(ن)على الراس

أشكر لمن هو واقف(ن) فاللزومي....من غير ماتدعيه فاطن وحساس

ماهو كما اللي سابح(ن)فالنجومي....لا يعرف الكهرب ولا يعرف الماس

ولنساك يا أخويه قوي العزومي....يادرع جنبي ليا دقن الأجراس

والحمدلله يوم ماني محرومي....الله عطاني رزق من غير مقياس

الله رزقني بالعيال القرومي....يحمون ماقفهم في كل مرياس

يالله ترفع شأنهم يارحومي....وتشافي المرضان لا باس لا باس

ــــــــــــــــــــــــــــــــــــــــــــــــــ ــــــ

حميد بن أحمد الجازي الثبيتي

حميد بن أحمد بن عنيزان الجازي الثبيتي,وهو شاعر محاورة وقد أندثر من قصيده ومحاوراته الكثير,وقد توفي سنة1372هـ,وهو والد شاعر المحاوره مطلق الثبيتي.


كتب الشاعر حميد بن أحمد الجازي هذه القصيدة الرائعه ذكره فيها من الحكم والمواعظ,فجاءت أبياتها معبرة عن حكمة وموهبة شاعر خبير في أمور الحياة.


قال من غنا وهجرس بالمثل....حالي وذوقه كما ذوب العسل

من غصون(ن)ييوم يجناه النحل....يوم عجات الثمر في كل عود

أتفكر فالمعاني والسنين....وأخبر اللي فالمعاني غافلين

واستمع فالقول يالقلب الفطين....من هجوس(ن)دوب ماجتني ورود

يالبيب أوصيك في خمس خيار....خلهن نصب عينك كل نهار

لايجي فالقلب عنهن أفتكار....إننهن فيد من يبغا الفيود

الصلاة الخمس كون الها حفوض....لاتوانى في تراتيب الفروض

والصلاة الها لزم والها نقوض....هي عمود الدين ماحيه النكود

والزكاه اليا وجب مظهارها....لاتبقيها بعد محكارها

واعط من كل الدبوش اخيرها....من عشور المال فيها مايزود

الشهر صومه على تقوى ودين....فيه لاتقفي جميع المسلمين

واذكر الله كل ساع وكل حين....حيثما يطربك ذكره فالوجود

وان نويت الحج حجه بالمطاعه....ولاتناظر بيعة ولا بضاعه

واذكر الله كل حين وكل ساعه....وان ربك مطلع(ن)ما فالكنود

ثم بعدها اوصيك في درب الشكاله....اعدل العوجا ليا شفت العداله

روح راعي صادقه في كل قاله....وإن راع الصادقه يرقا سنود

وان لفاك الضيف وره وسع بال....شب له نارك ودن اله الدلال

لاتوانا عنه في كل الحوال....أعطه الماجود والمولى يجود

الطم العايل ليا شفته يعيل....لاتظلي دون ميقافك ذليل

لا توانا يوم يزبنك الدخيل....روح دون عسرات الحيود

القطير إن جاك نازح من ديار....وأقره ان القطير اله الوقار

أشركه في كل علم وكل شار....بالوجوب وكون في جارك حشود

والعرب مثل الزراعه فالركيب....شي إبه سنبله وشي(ن)مايجيب

أكثره يطلع وينزل ما يثيب....طايله وقصاره آخره الحصود


المصدر:كتاب ديوان ومحاورات شعبية.

(ذم البخل وعواقبه)

الف ولفت الأمثالي....من هاجوس(ن)عرفه قالي

وانقد هرجي نقد أريالي....وغنى بزين اردود

كم من الهاجس اللي ما غوى في ردودها

البا ابدع زين القيفان....مثل الذوب فالأغصان

وزنه يرجح الميزان....في ميزان ايزود

يادوي العليل وكل روح يزودها

قال احميّد رد إنشادي....من هاجوس(ن)عرفه زادي

ما ليمها فالرقادي....جاته صادره وورود

يصدر صوادرها ويورد ورودها

يالله يا منهو نصلي له الفرض....يارفع سمك السما ياباسط الارض

انت الذي علام بالطول والعرض....تعلم بما فيها وتعلم حدودها

فرد الصمد لا ابو له ولا له ولد وأم....يوحي دبيب النمل فوق الصفا الصم

سبحانه اللي بالغيب يعلم....غيب القلوب وما دخل في كنودها

الأرض كاسيها بالأشجار زينه....والناس صورهم بصوره حسينه

يمشون فأرض الله وكلن بدينه....وأنت الذي علام عدة جنودها

سبحانه عضيم الشان....رافع العرش ابلا عمدان

ابا أرجي العفو والغفران....من راع الكرم والجود

يمد العطايا ما يحسب ردودها

سبحانه الله الخلاق....مدير جملة الأرزاق

تجي للعبد بالأوفاق....يعطيها بغير اعدود

وسبحانه معطيها ومحصي عدودها

ويل ابن آدم مكثر همه....يعدي في رزقه ويلمه

والموت أقرب له من كمه....ويناظر يومه الموعد

لابد روح ما تعدى حدودها

ويل اللي ما ينفق من ماله....يا ويله مما يعباله

لابــده يــواجـــه فـالـه....ليله يمسي بين اللحود

ليا اطبقوا تحت النثايل لحودها

جوه اثنين(ن)جنزاريه....جباره للجباريخ

كلن في يده ناريه....ويقولون للميت عود

كما كنت تمشي في حياتك تعودها

تنبه وليا القبر مظلم....قالوا منهو ربك علم

والكل منهم جاه امولم....كلِّ في يده عامود

عواميد من نار تلهب وقودها

قالوا له قوم اخذ كتابك....ياجامع مال(ن)ما ثابك

لابـدك تـشـوف احـسـابك....وش مقرور ووش مجحود

ولاتنجحد حسبة وعندك شهودها

ماتقدر تجحد من دينك....تشهد رجلينك وأيدينك

حتى فيما شافت عينك....وأنت اللي عنه منشود

على النفس والجثه طعام لدودها

الأرض اتعصره واتقول....ماتخشى نهار الهول

ياعدو الله والرسول....ماتعطي من الماجود

تباها تزود وكل عام(ن) تزودها

يوم أفكر فالعربان....مثل الزرع فالركبان

شي(ن) ظامي وشي مليان....وشي(ن)فالجرن محصود

ولاسنبله تبقا ليا جا حصودها

ماكل رجال(ن) رجال....فيهم فقرى وراع أموال

وفيهم دون وفيهم عال....وفيهم حصاني وفهود

وأنا أعرف حصانيها وأنا أعرف فهودها

ماكل رجال(ن)رجال....فيهم دون وفيهم عال

والله يستر الأحوال....ولاني ببحاث اسدود

ولالي ببعض الناس ابحث سدودها

أختم قولي ياحضار....ابذكر محمد المختار

عدد منهو حج وزار....ومنهو بالبيت ايرود

ومن طاف بالكعبه ومنهو يرودها


(قال حميد يشكو من رجله)

أصاب الشاعر حميد بن أحمد الجازي مرض,فقال بعد ثمانية أيام قصيدة يشكو فيها ما ألم به,ولم نجد من هذه القصيدة إلا هذين البيتين:

ولا يارجلي اللي ما تبا التاعه وأنا ماتوع....مجندها عن دروب الخطا ومجند الساني

ثمان أيام ساهر من وجعها والعباد اهجوع....ولاعندي يحوم إلا معزبتي وورعاني


روى القصيدة..عبيد بن راضي الجازي


ــــــــــــــــــــــــــــــــــــــــــــــ

مطلق بن حميد الجازي الثبيتي

هو الشاعر مطلق بن حميد بن أحمد الجازي الثبيتي,من مواليد عام 1358هـ,واشتهر بنضم الفصيح وبساحة المحاورة,وله قصائد في الشعر النبطي,وتم استخراج بعض القصائد منها لوجودها في فترة قصائد هذا الكتاب,وله عدة كتب منها:

1ـ جراح الأمس

2ـ قصائد ومحاورات شعبية

3ـ أندلسيات

4ـ المغتره ـ بعد وفاته,وتكفل به ابنه فيصل,رحمهما الله.

كما كانت له عدة ألقاب منها:شاعرب الحلبتين,وراعي الباكور,وشاعر الأندلسيات.

توفي ـ رحمه الله ـ إثر مرضه في بريطانيا عام 1416هـ ,



(دروب المراجل)

هذه القصيدة(دروب المراجل) من الشاعر مطلق الثبيتي تعتبر من قصائد النصح الجميلة,وتدعو إلى التمسك بالأخلاق الكريمة.

أختـار سمحـات الـدروب النظيفـة....اللي غسلها رايـح المـزن برشـاش

يمشونهـا قـوم النفـوس الشريـفـة....اللي ضمايرهـم نقيـة كمـا الشـاش

ابيوتهـم مثـل الحصـون المنيـفـة....ما هي لطير البوم غيران وأعشـاش

وإحلالهـم للضيـف دايـم مريـفـه....لو رجلهم يسرح ويضوي على مـاش

والرجـل منهـم مـا يخلـي رديفـه....إن مات مثله مات وان عاش له عاش

وان مات منهم رجـل عقـب خليفـه....يطعن نحور القـوم ويـرد الأدبـاش

يعرف هدف روحه ويعـرف وليفـه....ما يعرف الخونـة ولا هـو بغشـاش

وليـا رزقـه الله بعـذراء عفيـفـة....يحطها مـا بيـن نونـه والأرمـاش

ماهو علـى الخفـرات يستـل سيفـه....وان طالعوا فيه الرجاجيـل ينحـاش

حلـو النبـا سمـح المحيـا لضيفـه....ويصير لـه خـادم مسخـر وفـرّاش

وان مـد مـا مـدت يمينـه قصيفـة....مدت يمينـه تبهـر الخبـل والـلآش

واليا هـرج تلقـى علومـه طريفـه....ما هـو لهفـوات المناعيـر منقـاش

وان شبت النيـران مـا هـو بليفـه....في ساعة الكربـة سـواري ورشـاش

سده بعيد ولا أحـد يعـرف غريفـه....ولا هو لعرض المكرم العرض نهاش

والشوك في جنبـه سـوات القطيفـه....إن كان ما له بيت مأمـون وافـراش

ما يرتكـي فـوق الخبـول الضعيفـه....اللـي ليـا حركتهـا قدرهـا طـاش

وان جـا نهـار كـل قـرم يعيـفـه....ما هو ليا ثارت على القـوم رمـاش

وصحيفته يـا طيبهـا مـن صحيفـة....إلهـا مـن العقـال كاتـب ونقـاش

حـاز المراجـل والمراجـل كليفـة....ألا على اللي كل مـا رامهـا هـاش

وان شاف له من جانب القـوم خيفـة....تلقـاه للخيفـة مهـاجـم وبـطـاش

الصـدق والمعـروف والطيـب كيفـه....يغبش لها مع طلعة الفجـر مغبـاش

للحمـل مـا تلقـى جنوبـه صخيفـة....حوله بروق تبهر العيـن وإفـلاش

يصبر على جرحـه ويمسـح نزيفـه....طبه بشبه خير مـن طـب الأحبـاش

ولا هو كمـا سبـع سنونـه ضعيفـة....دايـم يلحسهـا وللعظـم عــراش

وان شاف له في غيبة النـاس شيفـة....ما هو بخبل لأخضر العـود قـراش

دنيـاه لـن صـارت ذلـول عسيفـة....طوع علهـا كـل عاصـي ونفـاش

وان كان قفـت مـا عليهـا حسيفـة....ولا هو ورا هوج المعاصيـر قشـاش

وان جاع ما وقع كمـا طيـر جيفـة....وان عري ما يلبس سماليل وإخيـاش

وان جا نهار كـل قـرم يـعـيـفـه....ماهو ليا ثارت على القوم رمـاش

المصدر:يدوان المغتره



(حورية الخليج)



يانـاقـش الحـنـا عـلــى صـفـحـة الـيــد....حـبــك نقـشـتـه فـــي حـنـايـا فــــؤادي

عـلـي قـفــا يـمـنـاك حـانــى ومـســود....وانــا عـلـى عيـنـي ســواة الـسـوادي

ويفـوح مــن ردنــك كماالـعـود والـنـد....ولاَّ شــــذا ورد عــلــى جـــــال وادي

قـض الشعـر خلـه علـى المتـن يمـتـد....حــتـــى يـقـيـدنــي ويـحــكــم قــيـــادي

تمـزح وتلعـب بـي وهـمـي عـلـى جــد....مـثـل الـزمـان الـلــي يـــدور عـنــادي

من كثر لعبك مااعرف الوصل والصد....ولا اعــرف ان الــوعــد وعـــد(ن) وكـــادي

تحكـم بـلـد ماتـاخـذ الـشـور مــن حــد....تـحـكـم بـلــد ربـعــك وتـحـكـم بـــلادي

تـاخـذ مــع العـشـاق مـشــوار وتـــرد....مـثـل الكحيـلـه فــي نـهــار الـطــرادي

انا احسـب ان القلـب تايـب عـن الـود....واثــره مــع العـشـاق تـايـه وغـــادي

قفـيـت واثــر الـطـرف مشـغـول ويـلـد....يــمــك مـفـرقـتـه دمــــوع جـــــدادي

المصدر: ديوان المغتره


(رثائية)

يقول مطلق بن حميد في كتاب(ديوان ومحاورات شعبية)عن هذه القصيدة:
(كان اخاً ومرشداً, أحبه وأحترمه وأعتز به, عرفته عشرين عاماً لم اسمع منه إلا حلو المنطق,ولم أرَ منه إلا بجهة الناضر,توفي وأنا في الغربة,وبكيته بالدمع وبالشعر,وماهذه إلا رثائية من ابن لأبيه,إنه فقيد عشيرته وفقيدي أنا شخصياً,إنه المرحوم عبدالله مصلح الثبيتي).


ماتنفع الشكوى ولا ينفع البكاء....ولا تنفع الونات والأحزان

كنيتها حتى ضلوعي تحطمت....وشرهو علي الربع والخلان

أكنها عنهم ولا أحد(ن) بها درى....والقلب كنه في لظى نيران

والعين تسكب دمعها كل ساعه....حتى اشتكت من حرة الأجفان

ابكي على فرقا صديق(ن) فقدته....بين اللحود وطية الأكفان

الصاحب اللي كل يوم(ن) يعزني....ريف الصديق ومكرم الضيفان

عشرين عام(ن) والهوى يتبع الهوى....أكثر من الخلان والإخوان

مامر يوم(ن) ما ذكرته بخاطري....ابن وصديق وخيرة الجيران

من نشوته زين الرفاقة وعزهم....حصن حصين وعالي البنيان

(يابو عبيد)ابكيك ما يشرق الضحى....وما تزهر الأوراق فالأغصان

أبكيك لوني عنود(ن) على البكا.....حتى الممات وتنقضي الأشوان

كنت أتمنى لو بعينك بكيتني....لكن هاذي دبرة الرحمن

مالي جدا غير البكا والتوجد....وأرجي من المولى لك الغفران




ابو عبيد: الشاعر عبدالله بن مصلح الجازي وله قسم في هذا الكتاب

المصدر:كتاب ديوان ومحاورات شعبية


(ساهر الليل)

هذه القصيدة تعدّ من فن الغزل والوصف الحسي,وتتميز بصفات جمال فاقت حد الخيال,وقد صاغها الشاعر مطلق بن حميد في عبارات رائعه وجميلة.


قال الثبيتي رد قاف يغنيه.... مثل العسل صافي وعقله يصفيه

يازن محاريفه وينقد معانيه... والعقل ميزان

وأغنيه لآصحاب العقول الرزاني

يامل قلب ساهر الليل مابات.... سامر على نور النجوم المطلات

يفتل وينقض فالمعاني بعد جات... لؤلؤ ومرجان

يهجرس بها قلبي ويفصح لساني

أبيع وأشري فالتماثيل وأختار.... ولي مع الهاجوس ورده ومصدار

لوكان يصلاني كما شعلة النار.... والحال تعبان

بسرور اعوج الضلوع الحواني

أدري على عيني وأهون سهرها......كم ليلة فاحت وهلت عبرها

وأنا ضنين أبها ولا أبغا كدرها.....وأرد الالحان

طوتني عبايرها وهمي طواني

شافت جمال عابر السوق ممشوق... قده وعناها وعنا هل السوق

وامسى الحشاء من لوعة الحب محروق...عاشق وولهان

يتيه العقل في وصف سيد الحناني

أدعج غنج واقصير اللبس يزهاه... ياكن من لبنان شنحه ومرباه

سبحان من صور رسومه وسواه.... مدعوج الاعيان

براني هوى قلبي وحبه براني

كن الصواريخ اطلقت من نهوده.... والا الكهارب ولعت في خدوده

والا الذهب ميع ولبس جعوده.... والعود ريان

كما عود موز في رياض غواني

ربي عطاه عيون خدرات وأوساع... والها سهوم وقعت بين الأضلاع

وجبينه اللي كنه البرق لماع.... في غر الأمزان

يشادي البدر والا سهيل اليماني

ماظن في باريس غرويحاكيه.....والمانيا والغرب واللي سكن فيه

والشعر يعجز لايوصف تحاليه.... واتضيع الأوزان

ليا جيت باأوصف حبيب سباني

لديت لي يم الحبيب بلده... ورد السلام وفاح عطره ونده

والله رماني بالهوا والموده.... وما قدره كان

وحار القدم وازريت أبارح مكاني

وقلت بالله وينن دارك ومرباك .....ياللي شبكت القلب باحبال الاشراك

القلب تايه في غرامك ويهواك.... لك فيه مسكان

على عرش قلبي مامعك شخص ثاني

وقال أنا ساكن حديقة وفله..... وادار جيده واشقر الشعر فله

ونشر علينا عطر ورده وفله...من لدن الأغصان

وهب النسيم وداعبته الغصاني

يانور يامجلي ظلام المحبين... الدمع الأزرق شب بي وأحرق العين

قسمت قلبي يا أدعج العين قسمين....وأمسيت حيران

ليا طاعني نصفه فنصفه عصاني

أنت ربيع القلب يازين الاوصاف...ياغصن في روضه تعطف تعطاف

يسهر على ودك وفالحب ميلاف......عاشق وشفقان

وهذا اللسان عن الحشا مكلماني

فيما مضى بأمري وذلحين بأمرك..... رماه حبه في جحيمك وجمرك

بعد وليته أرحمه طال عمرك....... ترا الخفا بان

وخفف عذابي حل بي ماكفاني

والطرف يسبر كل ساعة قدومك..... صابر على حبك وسعدك وشومك

لوكان غا بت عن حياته نجومك ... أمسي الأكفان

وعذر من الدنيا وحب والغواني

أنا أحسب العشاق في سعد وافروح..... وأثر الهوى نار على الجسم والروح

راعيه يبدي الضحك والقلب مجروح....... وأيبات سهران

يجاذب ونينه من زمان الوزمان

أختم بذكر الله كلامي ومعناي....... وما هاض به صدري وقالت شفاتياي

يارب تجعل جنة الخلد مأوي...... ياعالي الشأن

وتصلح في الدنيا مصيري وشاني



المصدر:كتاب ديوان ومحاورات شعبية



(ياعين لا تبكين)

يقول الشاعر مطلق الثبيتي عن هذه القصيدة مع الرسالة المرسلة:

(لقد كتبت هذه القصيدة قبل نصف شهر تقريباً,وترددت كيراً في إرسلها,ولكنها ظلت تجذبني إليها كل ساعة منها,وتلح عليّ بالإرسال,فلم أجد مفراً من إرسلها لكم, آملا أن تجدوا فيها أبياتا تجعلني قريباً منكم دائماً ومن كل فرد من أفراد عائلتنا الكريمة).



ياعين لاتبكيـن نـاس مساكيـن....ابكي على شيخ(ن) قليله مثيله

هلي علي الدمـع عشـرن بعـد سبـع....شيخـ(ن) عزيز النفس حصن القبيله

شيخـ(ن) عزيز الساس من ناس ونوماس....ومنهـو كـان مـن ربعـه ومنهـو يجيلـه

ولــو بكـيـت اعــوام مـانــي بـمـنـلام....شيخـ(ن) بـدى فعـلـه وبـيـن حصيـلـه

وانــا بكيـتـه قـبـل عشـريـن يـاعـيـن....يــوم الشـديـد يــوم وقــت الحفـيـلـه

يامـا عـطـف عطـفـه ويالـيـن لطـفـه....جــواد يـشـدي جــود وبــل المخيـلـه

انــا الـوحـيـد الـــي تنـاحـيـت لبـعـيـد....واتــرك كثـيـر الـهــرج واخـــذ قلـيـلـه

يــامــا تـصـافـانـي وعــــلا مـكـانــي....ويامـا مشـى لجلـي دروب الجملـيـه

فـرقـاك (يــاوادع) لـهـا القـلـب صـــادع....يـصــدع بقـلـبـ(ن) مـاتـصــدع مـثـيـلـه

ويامـا بكيتـك وانـت فـي جـوف بيـتـك....والـمــوت يـاتــي للـفـتـى او يجـيـلـه

ابكيـك وانتـه حــي يامشـعـل الـحـي....وابكيـك بعـد المـوت فــي كــل ليـلـه

وابكـي (حمـيـد) كــان قـصـرن مشـيـد....وبكيـت (بركـي) واديــن فــاض سيـلـه

وبكيت (مسحل) راعي السيف الاصقل.....شيـخـ(ن) يـدلـل كــل شيـخـ(ن) دليـلـه

وبكيـت (نجـم) الـي يعلـم هــل العـلـم....شيخ(ن) كمـا سيفـ(ن) وينشـط صقيلـه

وبكـيـت (عـبـدالله) لــه الـدمــع اهـلــه....شـاعـر وشـيــخ ولانـحـصـل مثـيـلـه

(ابــو عبـيـد) الشـيـخ عــذب الـمـواريـد....في حشمتـه تثنـى الرقـاب الطويلـه

وبـكـيـت (كـلـيـب) ذيـــب ولـــد ذيـــب....لـكــن مــافــي دبــــرت الله حـيـلــه

وبكيـت (حمـدان) اللـذي يصلـح الشـان....خلـى عضـام اهـل المشاكـل هزيلـه

ولادري مـتـى يبـكـي علـيـه بقـبـري....ولاادري متـى تفـرش عـلـي النثيـلـه

ولادري متى تشفـى همومـن بصـدري....ولاادري متى تشفـى الكبـود العليلـه

بكيـت ربـعـي والـحـزن كــان طبـعـي....والـهـم يـصـلانـي ســـوات الملـيـلـه



ـــــــــــــــــــــــــــــــــــــــــــــــــ


محمد بن عفين الجازي الثبيتي

هو الشاعر محمد بن عفين بن عانز الجازي الثبيتي,وقد عاصر عهد الاشراف,ولا نعلم تاريخ وفاته


(ياصليح)

خاطب الشاعر محمد بن عفين بقصيده طويله صليح بن مصلح عندمنا ذهبا طالباً للعمل,ولم أجد منها غير هذين البيتين:

ولاياصليح اركي الفاس ثم انحاش....وتلقا ديار(ن)رزق أهلها يباريها

اتكحل في حاله كما حالة القرّاش....ليا شفت صنعة لد في وجه راعيها

صليح بن مصلح بن ثلاب الجازي الثبيتي

روى القصيدة عبيد بن راضي الثبيتي


(عبد البقوم)

عندما سافر محمد بن عفين إلى الخرج مع صليح بن مصلح قال هذي القصيده في مجلس يذكر فيها شوقه إلى أهله وديرته.

الأولـه يـالله زيّـــن عـمـلـنـا....وتــردنــا لـديـارنـا فــي وطــنــا

بالعافيه والعفو ننكف لهلنا....ياالله ياللي كل من كان يرجيه

طالبك في درب الهدى والسعاده....ياللي فرضت الحق ويا العباده

وليا وفت بالخاتمه والشهاده....تغفر ذنوب العبد ليلة تلاقيه

اتعوضنا في هجرنا اللي وطانا....راحت مراجلنا ومافي يدانا

عبد البقوم استل سيفه علانا....ياربي انك تنزعه لاتخليه

رحنا جلاويه وعفنا ديرنا....بعد حلال القوم جاء واحتسرنا

واللي ورانا كن ماهو نضرنا....كم واحد(ن)ضيع هجوسه وطاريه

خلا هّل الطالات ويا المدوحي....واللي من اول كان ماهو شحوحي

اليوم كل(ن) قال يارب روحي....وإن كان يملك قرش معاد يعطيه

عوّض علانا ياعزيز الجلالي....يامطلّع يارب في كل حالي

عوّض على أهل الشرق وأهل المعالي....كلِ(ن) تسده في دياره وتغنيه

ان كان يقلاني كما شعلة النار....من حيّنا اللي مايجي عنه مخبار

بيني وبين اديارهم قطعة اديار....لامن يجيب اكتاب ولامن يوديه

آنست فالاخبار ما جاني اكتاب....لاراح سياره ولا راح نجاب

وأنا بعيد الدار في جوف الأجناب....واللي كمايه كنهم عذروا فيه

في جوف وادي الخرج كني لحالي....لا شفت لامكسب ولا راس مالي

ما غير اعد ايامها والليالي....لاشيِّ اخذ به ولا شيِّ أعطيه

عشرين في دلة وخمسة فناجيل ....قد ايش تاقا من حساب الرياجيل

واللي كمانا له فراش ومعاميل....وشراع ياقانا عن الشمس نبنيه

أرجي من الله ثم من راعي الـود....الحاكم الي من مناعيروافهود

أبو محــمد زبن من كان مظهود....الله من أسباب المنايا يناجيه

يا أميرنا شاكي عليك الزماني....وانتبه لبيب وفاهم فالمعاني

عبد البــــقوم اغّتزني من مكاني....وازريت لاأهوشه عسى الله يكافيه

لقاني الصفره ولقاني اللــــيل....اسرع من اهل الجيش واسرع من الخيل

واليوم يوم أصبحت ماعاد لي حيل....جلاني الله من دياره يجيله

اختم كلامي عد وَبْل السحابي....وعداد ماخط القلم في الكتابي

- - - - - - - - - - - -....وعداد من طاف الرحم والتزم فيه


عبد البقوم..المقصود به الفقر

روى القصيدة: مطلق بن منصور الجازي الثبيتي

الشطر الأول من البيت الاخير مفقود

ــــــــــــــــــــــــــــــــــــــــــــــــــ ــ

الشاعر عوض بن مبارك الجازي الثبيتي


هو عوض بن مبارك الجازي الثبيتي ـ أطال الله في عمره ـ اشتهر عنه حبه للصيد والصقاره,وعلى الرغم من أنه شاعر قديم إلا أنه احتفظ فيما يكتبه من شعر إلى وقت جمع هذا الديوان الذي فاجأنا فيه بجزالة قصائده والحكم الرائعه التي تحويها.


(يالله يامعطي)

قال الشاعر عوض بن مبارك هذه القصيدة في رحلة صيد الصقور مع صالح بن محمد الجازي.

يالله يامعطي عباده من الخير....ياللي جميع الناس من تحت ضله

تجعل سعدنا في الليال المناصير....رزق(ن)جزيل وبالعطا نستحله

الرزق ياتي للوجيه المسافير....وليا نوانا الله برزق(ن) ندله

ما ألوم صالح لو يجيب المعاذير....شوره على راسي وأنا صايع(ن)له

نشمي مسيّرنا حِسيّن التدابير....والدرب سمح وجعدنا ما نمله

عشرين ليله قالصباخي مداوير....ندور اللي يذبح الجيل كله

أبو كنفوف(ن) كنهن الشناكير....طير السعد خلا الحباري مذله

يا أبو حمد جعل قسمك من الطير....حر(ن) على وكره بكفك تشله

ولا أشقر(ن) أبو ثنادي مزابير....وشيهانةٍ فوق الّوكر مستقله

تهدي على سمو الشيوخ المشاهير....اهل الكرم والجود والطيب كله

وخص أبو فيصل زبون المناعير....زبن الدخيل اليا دخل في محله

الجد الأول صخر السيف تصخير....بسيوف هدب(ن) كنهن الأهله



(البارحه دقت هجوسي عليه)

البارحه دقت هجوسي عليّه....وسريت أهوجس والعباد ارقود

وأمسيت أداير حيلتي من بصيرتي....وازريت لاأسري والدروب اسنود

من لايحسب للعواقب بليبها....ولايقطع الحسنى يقع ملدود

من يضمن الدنيا وصفقات جورها....وحبل السلف مابيننا ممدود

وذكرت ربعي يوم حارت بصايري....أهل الشهامه والكرم والجود

وتليمو ربعي عسى الله يديمهم....اللي طوال اخطاه والموجود

ماذم ربعي جعل ربي يعزهم....قضوا على ديني وزاد الزود

ربعي هل الطالات من عصر جدهم....الله يبارك في عيال العود

مافيه رجل(ن) مغتني عن ربعه....من شذ عن ربعه هذا مقرود

لانافع(ن) ربعه ولا من غنيمه....ولاقصر خامس ولا مفقود

لاجرب الدنيا ولا ذاق كيدها....ولا ذاق لوعات الليال السود

ربعك لاحفت عليك الليالي....حصن(ن) مشيد من صليب احيود

ربعك لاحفت عليك الليالي....من دون رأسك يبذل المجهود

اتذود في ضله عن الشمس والضماء....عمست رياه وفيده المنقود

ومن لايهين النفس من دون واجبه....حصن(ن) مشيد من صليب احيود

يقوله اللي جرب الليل والقسى....يوم(ن) كما الحنظل ويوم امهود

يالله ياللي كلنا تحت ضله....ياغـافـر الـزلات يامـعـبـود

ياللي خلق الكون والمزن والمطر....وانشيت من وسط السحاب ارعود

محيي خميد القشع واعشب الثرى....ومسير الماء في صليب العود

تغفر ذنوبي يوم الاقي حسابي....نهار ياتي يومي الموعود

تغفر ذنوب أمواتنا تحت ضلك....يا واسع الغفران يامعبود

وصلوا على سـيـد الـبـريه....تبيعنا يوم الحموع اتقود


(يامجيب المنادي)

اشتهر الشاعر عوض بن مبارك بحبه للصيد,وعندما علم العميد عبيد الخماش أنه قد كسر شداد النطيه:أي أنه ترك الصيد:أنشد عدداً من الأبيات,لكني لم أجدها,وهذه الأبيات قالها شاعرنا عوض بن مبارك رداً عليها.

يالله يا عالم سراير عباده....تلطف بحالي يامجيب المنادي

يا زين شب النار بوسط الحماده....في جو هادي ماش بوري ورادي

وجيب(ن) جديد مقطبينه عتاده....يقطع عراقيب العروق الخمادي

سواقه اللي ماهر(ن) بالقياده....بنزيمه الممتاز ماهوب عادي

من وراد اليابان غاية مراده....وراعيه مرهي بالديار البعادي

مع لابت(ن) سارين باول هداده....ونسري على ضوء النجوم البوادي

يا ما سرينا ليل مضلم سواده....وياما وطينا الحنش فوق الجمادي

وياما غزينا الصيد باقصى بلاده...وياما ذبحنا من جفيل الحمادي

واليوم راح الصيد فيدة براده....ويا ما حلا المرقاب في رجم بادي

البر طيب والتنزه فياده....ويا كيف أبو ماجد يقلي عنادي

ليا نوا المطراش قرب جواده....وليا نوا المقعاد قال أنت غادي

فيما مضى فالبر يلقى السعاده....واليوم طبق مرهفات الهنادي


(يالله ياوالي)

بعد أن أصبح الشاعر عوض بن مبارك شيخاً كبيراً فالسن جرّب الدنيا واختبرها.قال بعد وفاة ابنه هذه القصيدة ينصح فيها.


يالله ياوالي على كل والي...يا خالق الدنيا ومحصي سنينها

تغفر ذنوبي يوم الاقي حسابي....ورحي على طاعتك يالله تعينها

ما دبر الخالق على العبد ماضي....واللي خلقنا فعلته مرتضينها

(ياسعود) جربت الليالي وكيدها....جربت قاسيها وجربت لينها

إليا أقبلت تخدع هل المال والطمع....وإليا أدبرت تحصد وتملا جرينها

الله يكافي شر بقعا وسوها....تصفق وصفقات البلا في كمينها

ياما خذت من شيخ قوم(ن) محنك....وياما خذت من حضن مضني جنينها

وأمست تجر الصوت من غبن مابها....مثل خلوج(ن) ذابحين ضنينها

وحتا على درب المقفين ننتظر....وايامنا تحكم علانا بحنيها

الي خطاه طوال واللي قصيره....ساعاتهم عند الولي محترينها

(ياسعود)اقيم الدين وأسجد لربك....واطلب من الله جنتةٍ مرتجينها

وابوك اطيعه واكسب البر والرضا....ويسراك ما تفعل بليا يمينها

وامك علاك امن المواجيب برها.....تسهر علاك ولا يغمض جفينها

واعطف علاها واطرد الهم عنها....ولاربتك الا ترجا حضينها

والنفس شرفها عن الغي والدنس....عن ماقف(ن)يا(سعود)نفسك يهينها

واخذ جزيل العلم واترك هزيله....يغينك عن بعض المسايل سمينها

هذي نصيحه للمحبين قلتها....واختار من بين المجالس حصينها

وما قل دل وزبدة الهرج خيرته....والصمت حكمه لاتبيح كنينها

ورزقك على اللي ينبت الحب والنوى....اللي رزق عمي الدواب بعرينها

الله على درب العساده يدلك....ويجعلك من قوم(ن)تمتع بدينها


(ياراكب من عندنا)

أرسل العميد عبيد الخماش هذه الأبيات إلى الشاعر عوض بن مبارك,وهي تتكلم عن الظبي والمقناص.

ياركب(ن) من أحسن درمبيل....جمس(ن) من الهافات مافيه نقصان

شغل الخواجه قطبه بالصواميل....يقضى اللزوم إن كان راعيه عجلان

مناصك أبو مطلق ليا هود الليل....تراه يفرح كل ما جوه ضيفان

رد السلام وبشر السيل بالسيل....سيل الكرم سند على سيل الأوطان

سلم علاه وخبره بالتفاصيل....وقوله حياك يالذيب سرحان

والك البقا مردود يا بادع القيل....من صاحب(ن) يازن كلامه بميزان

نجم الدليل اليا اختفا الجدي وسهيل....وعز الله إنه فالمقانيص فتان

راع الكرم والجود جيل(ن) بعد جيل....الاد ثابت عند ذربين الايمان

ذكرتني بأم العيوم المكاحيل....اللي عليها دايم الدوم ولهان

من ضلها تجفل ودايم مجافيل....في ربع خالي ماسكن فيه الإنسان

كان الدقاقه تدعج العين بالحيل....أنا غرامي عند مدعوج الأعيان

ابو قرون(ن) فوق راسه مخاليل....ورموش عينه عنيه كنها رموش غربان

أطوى الحصا والرمل ميل(ن) بعد ميل....وأنشد عوض وأنشد بناخيه فلحان

لعلهم شافوه لو بالدرابيل....يرعى زهور النبت والخبت ريان

طرد المها للي مولع بها ذيل....واللي يحب الصيد ماهو بخسران

قله خويك كم مضت له غرابيل....من دومة الجندل ليا سد جيزان

عزيت نفسي من خبول الرياجيل....والواسطه ينقل بها افلان وفلان

لو كان ميرادي على غبت النيل....اما شربت بعز أو مت عطشان

وختمها صلاة ربي بترتيل....على النبي المصطفى نسل عدنان

(رد الشاعر عوض بن مبارك على القصيده)


يامرحبا ترحيب هيل(ن) بلا كيل....للي لفا خطه مزخرف بعنوان

وسلام مني عد ما ينبت السيل....وعداد ما ينبت ورقها بالأغصان

راعي دلال(ن)زادها البن والهيل....أقولها بالصدق مانيب بغلطان

وياما ذبح من راس كوم(ن) حيل....يجيبها لو كان غاليت الاثمان

ذباح صيد وفاللوازيم حلحيل....وعز الله إنه من طويلين الإيمان

معروف أبو ماجد كما يعرف اسهيل....الله يظبين شدنا يم الأوطان

ياعبيد دزيت الك خط(ن) بتسجيل....موضح الك كل ما عندنا كان

يبون قفرا للوضاحي مداهيل....وقله على مايقسم الرب قنعان

ولقيو غرضك أم القرون المفاتيل....جمايل(ن) لحقوه يوم الشعف بان

في خبت فيها للزبيدي مزاويل.....وفيها النفل ريحه كما ريح ريحان

ترا الدقاقه كاثرات ومطافيل....تقطف زهور العشب من كل الافنان

في ديرةٍ ياعبيد ماقولك وقيل....علم(ن) وكادن خابره بس نسيان

ليتك على جنبي مقيم(ن) وترحيل....وتشوف ماشافه خويك بالأعيان

هاذي علوش كبودها بالتفاصيل....مرسولةٍ مني بزينات الألحان

يا الله يا مسير عبادك بترتيل....تعزنا بالدين ياقاظ الأشوان

في ضل الاد سعود عد التلاليل....اهل الشهامه والعداله والإحسان

قرر لهم تاريخ جيل(ن) بعد جيل....بحكم الشريعه بعدو كل شيطان



(طويلات الاوكار)

رجع الشاعر عوض بن مبارك من الخرج إلى الطائف,وهو مولع بالصيد هناك,فقال هذه القصيدة متذكراً فيها أيامه الطائف,ومعبراً في الوقت نفسه عن خبية أمله لأنه لم يجد ما تمناه من الصيد بالطائف,مع ذكره شعوره بالاعتزاز بقبيلته.


عديت في عالي طويلات الأوكار....بمسلب(ن) للصيف تخلف نويه

مسلوبةٍ تسمع ندبها ليا ثار....مثل الصواعق تنطلق من يديه

ياما ذبحنا الصيد من جل وكبار....وياما فردنا مولف(ن) عن خويه

وياما حلا جيل الحباري ليا طار....وهد أشقر الجنحان والشمس حيه

ويا زين ظالتهم ليا شبو النار....وكلِّ لفا بأخبار هاك العشيه

واليوم باح الصيد من كل الأقطار....وراحت مراتعها القديمه خليه

احب طرد الصيد وامسيت محتار....وحلفت لااكسر شداد المطيه

ويا عاشق الدنيا كثيرات الأضرار....إن صَفت عامين ولا عشيه

مثل الربيع اللي تباها بالأزهار....وإن حل حتى الصيف يغدا شويه

وين الرجال اللي منول لهم كار....أهل الدلال الصفر والشاذليه

ذباحت الحايل صليبين الأفكار....كسابة الناموس في كل هيه

الاد جازي عزوتي نجب الأحرار....أهل الكرم وأهل البيوت الذريه

ربعي هل الطالات وافين الاشبار....اللي فنو والحي حق عليه

يقولها اللي ما تنقد مع الجار....ولا مشى كل الدروب الرديه

ويا رزاق(ن) عبده بحلوات الأثمار....ومحيي خميد القشع بأرض(ن)سنيه

عبدك تحت حكمك ليا جن الأقدار....ليا اطبقو فوقه لحدو(ن) ثنيه

طالبك يالمعبود وسع لي الدار....ليا قضى يومي وجات المنيه

وصلاة ربي عد همال الأمطار....على نبيِّ جاهد الجاهليه








(عالي الطور)

قال الشاعر عوض بن مبارك هذه القصيدة بعد أن قابل مطلق بن منصور الجازي,وقد كان الشاعر في رحلة مقناص مع مقبول بن صليح الجازي.

اليوم أنا عديت في عالي الطور....طورن تعلاه الصقور الحرارا

حرّ(ن) شهر بالذكر والفعل مشهور....ماهوب من لحم الفطح والفقارا

وانا اتوطا الشوك بالرجل وادور....ورجلي ترفع بالقطف والحبارا

عز الله ان البال ما هو بمسرور....من يوم دورت الحجل والوبارا

انته قبالي(ياابو ناصر ومنصور)....ابعدت عن دار الضبي والحبارا

الله على جيب(ن) جديد(ن) وغندور....يقطع حبال العرق ويا السمارا

يسرح من الطايف ليا شعشع النور....وثاني نهار مع القنوص انتبارا

مع لابةٍ ماتعرف الغيب والزور....وخوت هل الطالات ما هي خسارا

خويهم بالشور ماهوب بمحقور....وذباحة الريم الجفيل العفارا

معقبين ابريل والصيد مخبور....في ديرةٍ يرعى النفل والمرارا

في ربع خالي ما نزل فيه مضهور....ولاسيّرن فيه البنات العذارا

قفر(ن) خلا ما سيره كل مخبور....غير القنوص اللي سوات النمارا

موسعين البال والصيد مافور....وعط الرقاب تهج مثل المهارا

هذا يذكونه وهذاك مكسور....وهذاك عاود للرمي واستقارا

هذه ربيع القلب والعرض مستور....مع طاعة الرحمن هذي خيارا


(بحور التهاليك)

قال الشاعر عوض بن مبارك هذه الأبيات عندما هو ورفيقه إلى الربع الخالي وكانو قد شارفو على الهلاك.



يالله يا منشي مزون الخيالي....يا واحد(ن) كل المخاليف تدعيك

أحمدك يامسيّر هبوب العوالي....ياللي برج لي من بحور التهاليك

ياجيب شفتك مندفن فالرمالي....ثلاثة أيام(ن) وأنا أحفر ولاويك

في رأس مدروب طويل الهيالي....اتبعت (أبو صيته) وتعبت راعيك

هبت عليك اللي تسمى الشمالي....وردت نـويـك هـجـوسـك وطاريك

عز الله انك في قديم الليالي....توصل خويك غايته يوم احليك

واليوم طبعك شان لا شان فالي....وأنا من البنزين والزيت مرهيك

هذا وانا شاريك من حر مالي....بغيتأروح من مكانك واخليك

ياوارد اليابان ياعز تالي....أشوف عفشك طايح عند تاليك

ولو لا كريم الوجه لاطبق حالي....وقعت انا وياك في حرفت ابريك

غلطان ياماشي دروب الطواالي....ولا بموتر للنشاما يخاويك

لا تامنه لو هو جديد(ن) وغالي....ليا خرب قطعه لزوم(ن) يخليك

(فلحان)ياراع الوفا والكمالي....دايم تسليني وأنا دوم اسليك

كفيت يا فرحان شر الهوالي....واشب النياق القشر ما تلفت فيك

بعد طلعنا من رمال(ن) ثقالي....يالله من أسباب المنايا يناجيك

هات الدلال وسو كيف(ن) زلالي....ورزقك على الخلاق ماف يه تشكيك

اما عطاك من ابيض الريم والي....ولا على جيل الحباري يوريك

ــــــــــــــــــــــــــــــــــــــــــــــــــ ــــــــــــــ

الشاعر سليمان بن عوض الجازي الثبيتي

هو سليمان بن عوض بن مبارك الجازي,ولا ذرية له, وقد ساهم في شراء منطقة الجبلة ولا نعلم عن حياته ووفاته أي تاريخ.


(البندق الروم)

خطب الشاعر سلمان الجازي فطلبوا سلاحه مهراً للزواج,وكان الشاعر ـ رحمه الله ـ طراد صيد,فخاطبه حضيض بن رماح الجازي بالبيت التالي:

يا ابو سليم فدتك البندق الروم....اللي على صيدها جارك تناديه

فقال سليمان:

البندق أعطيتها في غالي السوم....واللي عطى يمناه كيف ما أعطيه

ابا جزاها من الصبيان شغموم....ولا لفتكم براي ما تعاصيه


روى القصيدة مطلق بن منصور الجازي


(هاضني صبح)

قال الشاعر سليمان بن عوض هذه القصيدة عندما اقترضوا منه الثبته مالاً لتكميل ثمن شراء منطقة الجبلة ولكنهم نسوه,فقال هذه الأبيات وأعادوا له ماله.


هاضني صبح وصلاة الصبح غاره....قفل(ن) قب(ن) تحت الأرسناتي

فوقها المومي ويومي بالاشاره....ماهقيت إلا يبا ياخذ عباتي

من يدور سلك خيط(ن) عند فاره....روحتها في زلاقيط اللواتي

والجميله لو تسوا بالحجاره....درجاتها مقفيات ومقبلاتي


:الزلاقيط :هي بيوت الفئران

روى القصيدة صالح بن سهل الجازي ـ عوض بن مبارك الجازي ـ مطلق بن منصور الجازي ـ عبيد بن راضي الجازي.


ــــــــــــــــــــــــــــــــــــــــــــــــــ ـــــــــــــــــــ

الشاعر جابر بن أحمد الجازي الثبيتي

هو جابر بن بن أحمد الجازي,وهو أبو جويبر الذي ذهب مع إلى الأردن مع الشريف ولا نعلم عن مولده ووفاته أي تاريخ.

(هاضني ياجويبر)

قال الشاعر جابر بن أحمد هذه الأبيات لابنه جويبر بعد أن سُرقت ناقة خويدم.


هاضني يا جويبر مرقدي فرع أهلنا....في شفا نيس بادي في علاوي متونه

واتعين حـيـن شـدو اللمات عـنـا....نيته بينه في نهار قفض ضعونـه

والله إني على مـر الـرفاقه مـعـنا....كل ما جاب حبيب(ن)خاطري يفرحونه

والعشيه سليم في ديركم نـزلـنـا....والحذر ياسليم جاركم تسرقونه

ليتني حاضر(ن) والشر ما ينتمنا....يوم جاكم خويدم والجمل تجحدونه


نيس: جبل في منقطة الريعان بين السيل الكبير والصغير

روى القصيدة ـ عوض بن مبارك الجازي ـ عبيد بن راضي الجازي


ــــــــــــــــــــــــــــــــــــــــــــــــــ ــــــــــــــ

الشاعر منصور بن حمدان الجازي الثبيتي

قال الشاعر هذه القصيدة بعد ما قال له أحد أصحابه إن قبيلة الجوازي قليلون:فرد عليه بهذه الأبيات


ياللي تقول إن الجوازي قليل(ن)....رجالهم يسوى جموع وملايين

ربعي الجوازي كل أبوهم سلاطين....يا جاهل انشد ومن بغا العلم يلقاه

ترى الذهب نادر على كل الأحوال....ويحسب على ما قيل من روس الأموال

ولا الحديد أصناف وألوان وأشكال....والسيل ما يجري على غير مجراه

يكفيك ضيف الله ويكفيك حمدان....وسعود بن مسحل ليا جوه ضيفان

وصليح الجازي سلايل كحيلان....وكلاً من العربان يعرف بطرياه

وحمدان بن مسلم ليا جوك خطار....نعمين فالجيره ونعمين فالجار

يرسي سوات الضلع لو شبت النار....معرباً من خيرة الناس مجناه

حميد ولد مطلق وحماد وحمود....ومحمد الجازي ليا ثار بارود

وجابر ولد وادع به العز موجود....وما صفقت يمناه من فوق يسراه

وهليل اللي مجسله للرياجيل....ينصونه العربان جيل(ن) بعد جيل

تلقى به الترحيب والبن والهيل....كل العرب في مجلس الطيب تنصاه

وإن كان تنشد عن شيوخ القبيله....تسمع بوادع منت والله قبيّله

شعيل شيال الحمول الثقيله....يا جعل فالجنه عضامه ومثواه

عقبه جويبر للجماعه ذراهم....ذرا يذريهم ليا امطر سماهم

عيناً على أولهم وعيناً وراهم....وحنى معه مثل العصى جوف يمناه

نبذه بسيطه عن حياة الرجالي....اللي عزايمهم تهد الجبالي

تفخر بهم دنياك أول وتالي....واللي جهل فالدين وشلون دنياه

هذا هو الماضي وهذي علومه....والحاضر ابعطيك سوقه وسومه

منصور بن حمدان لاحد(ن) يلومه....ما قلتها واطلب وراها مجزاه

فيهم شيوخ وفيهم الطيب زادي....وفيهم عوارف ما لحقهم نقادي

وسيوفهم وقت الملاقا حدادي....كلاً سواة الذيب يدري بمسراه

وعبيد بن راضي عسى عمره ايطول....معروف بين الربع ماهو بمجهول

سيف(ن) ليا جات المواجيب مسلوم....وفالح ولد ضيف الله ليا ضقت تنصاه

وبوفهد راعي سلوم ومواجيب....ليا نصيته شفت زين التراحيب

والدين زود راي الطيب بالطيب....يفدونه شيوخ القبايل ونفداه

ومطلق ولد منصور وش عاد اقولي....ابهر بطيبه راجحات العقولي

طيب لربعه قول غيري وقولي....يا جعلنا في كل الأيام نلقاه

ظباطهم قادوا رجال وطوابير....وميرداهم دايم على جمة البير

فالعلم والتعليم مافيه تقصير....فيهم دكاتر والمرض يعرف ادواه

جبتلك نقطة من بحر يابن الأجواد....وتر العلوم الها عوارف ونقاد

احذر تدخل في عريبين الأجداد....وترا البحر طامي ولا تحلق أقصاه

وصلوا على اللي جابه الله بالهدين....عداد ما تطلع به الشمس وتبين

محمد شفيع الخلق يوم الموازين....واللي خسر من باع دينه بدنياه

[(مہودع دنہيأهہ)]

وهذه رابط فيه بعض قصايد الشاعر عوض بن مبارك الجازي الثبيتي بصوته

http://www.4shared.com/mp3/7TG98HBz/_______.html

وفيه قصيده لم تذكر فالديوان وفيه أختلاف في بعض مصطلحات بعض القصايد



والديوان من جمع وتوثيق الأخ (عبدالله بن عبيد بن عبدالله بن مصلح الجازي الثبيتي)

واتمنى أن ينال إعجابكم



اخوكم

[وصل الشهيب]

الله يعطيك العافيه على هالجهد الرائع

والله يرحم الأموات ويبقي الأحياء

ونعم والله بربعنا الجوازي

أهل ماضي وحاضر

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[(مہودع دنہيأهہ)]

الشاعر وصل::اللهم أمين والله يعافيك ويخليك..ولاعليك زود بالنيابه عن بني عمنا الجوازي وتسلم والله على المرور العطر ولاهنت

[ولـد الـهـيـلا]

الله الله ..
بحور شعر ..
ولاهي غريبه على الثبته أهل الشعر .. وأشعر الجزيره هم
مودع دنياه الحمد لله على السلامه وصدق من قال ( من طول الغيبات جاب الغنايم )

[(مہودع دنہيأهہ)]

ولد الهيلا الله يسلمك ويرحم ولدينك والغنيمه وانا أخوك شوفت شرواك عسانا ما ننحرم منها وتسلم والله يالذيب على المرور العطر ولاهنت

[البتّار]

موضوع يستحق الوقوف امامه طويلا لانه يحكي تاريخ وليس شعرا فقط فلك الشكر اخي..
ولكن الجوازي هل هم الذي من هم الشاعر الكبير / مطلق الثبيتي رحمه الله.
كأنيي سمعت في احدى محاوراته بهذا الاسم من احد الشعار؟؟؟

[(مہودع دنہيأهہ)]

البتار


الله الله هو منهم الله يرحمه وهذه الكلام مذكور فوق في نفس قسمه والله يعطيك العافيه على المرور العطر ولاهنت

[الكرمان]

مودع دنياه



الله يعطيك العافيه يالغالي