أكرم الغيـــــــم < صوتيه >

[محمد ^ العتيبي]

السلام عليكم و رحمة الله وبركاته

بعد طووول غياب .. أكرم الغيم .. هي آخر مانظمت .. وعسى أن ترتقي لذوقكم





ودي بعد فرقاك لو ألتقي فيك
وتروي ظما خافق من الشوق ذبلان

واسمع ترانيم الهوى من حكاويك
تعزف لي أنغامك على عذب الألحان

ياللي غيابك ( موت ) ياروح مغليك
ياللي البقى دونك من العمر نقصان

ياللي ليا مريت أو مر طاريك
أحيا و ينبض من طواريك شريان

يحمل لك الشوق الغزير لمعاليك
ويصب لك في بيتك الخاص فنجان

واشرب عوافي نبع طيبك وصافيك
واقدع من اخلاص و وفا قلب ولهان

ولاعاد تبعد يابعد من يعاديك
وامطر بوصلك يااكرم الغيم هتان

[عثمان الثبيتي]

الله الله روعه صح السانك مليون ولايكفون

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[رداد الروقي]

صح الساااانك