إهداء أبيات متوضعه الي المهندس /غازي الحمادي العتيبي شعر نايف المطيري 👇👇

[الــعــالــى]

البارحة والشعر نجمٍ سماوي
يدعيه هاجوسٍ تبدّد هدوّه
واخترت ما حرّك شعور الهواوي
ما هو بريمٍ مرّ بالبال توّه
لا والله الا بالعديم النداوي
غازي نعم غازي نديم المرّوة
ريفٍ لربعه مثل عدٍّ رهاوي
وسيفٍ يجندل بالمواقف عدوه
جبل تذرا به دخيلٍ جناوي
الفخر ظله والشهامة علوه
ربعه عتيبه محتمين البلاوي
خوال من هو فيه ختم النبوة
يوم الحرايب والفخر والعزاوي
في موقفٍ رهج الرمك عمّ جوه
من صفهم مطلاع قرمٍ فداوي
في راس جده يعتزي ويتفوّه
ثم غطرفنّ الغيد ذات الغطاوي
في فعل من فعله ينومس سموّه
ومنهم طلع غازي بعيد الهقاوي
فداه من ماتت مع الناس ضوه