برقا مخابيط العدا وربوعي .. قصه وأبيات

[سلطان روق]

حصلت قبل 20 سنه هذي القصه لوالدي

كان فيه محطة بنزين في ظلم وكان الذين يعملون فيها

من الجنسيه اليمنيه(زيود) وكانو واجد وكان والدي ماسك سرى على

المحطه وكان معه أيضاً يمانيه ماسكين سرى واللي يعبي بنزين يماني

قام اليماني اللي يعبي بنزين بتسقيط احد اليمانيه على والدي وهو ماهو

سراه نزل والدي من السياره واخذ المسدس حق البنزين وضرب اليماني

على راسه وقال ((عتابه يارفاقه)) قام يماني ثاني وتماسك هو ووالدي

ومسكه والدي بشوشته وطاحو على الارض وامر الله ان يدخل اصبع

اليماني هذا في فم والدي وقرط فيه يقول والدي اطعمت الدم من اصبع

اليماني وصياح اليماني طنوب يقول الباقين ماأدري عنهم يقول

يوم اخذت الليا الرجال يقول قم ويجرني عنه يقول واقوم الليا هو واقف

لليمانيه لحاله عني يقول والدي وفيه رياجيل اثنين وقوف غير الرجال هذا

قال واحد منهم نخا عتابه وافتك بذراعه يقول قام الرجال هذا وعبا

سيارتي بنزين وقدمها هناك وقال اركب توكل على الله يقول قلت له انت

وش انت قال اقول روح ماني معلمك روح روح لا تجي الشرطه الحين راح

والدي وبعد فتره سئل عنه قالو له هذا اسمه شديد القثامي وله محل

جنب المحطه راح ابوي وبدع هالابيات وعطاها ولده في المحل حقهم

وكان ابوه ماهو موجود قال عطها ابوك الليا جاك

الابيات تقول:

عز الله انك ياشديد جيد ### ثنيت يومني نخيت عتابه

البيض مني تقنعك ياشديد ### من شبتك حتى تجيك الشابه

غمرً نشاء من شجرة العبودي ### وأيضاً يرد في شجرة الصحابه

لولا عضودي شدهن شديد ### غديت عند الكلاب نهابه

برقا مخابيط العدا وربوعي ### يانعنبو من قال فيهم جابه

الشاعر : فالح بن خلف الغنامي

فيه بيتين او ثلاثه ناسيها


تقبلو تحياتي : سلطان روق


بيض الله وجه القثامي

آخر تعديل سلطان روق يوم 24-Aug-2007 في 06:38 AM.

[الهضيباني]

لاهنت على القصه والقصيد وتقبل مروري

مع تحيات زياد بن سعود الهضيباني

[الرأي الآخر]

لاهنت على إيراد هذه القصة وقصيدتها ..


وعتــــــــــــــــــــــــــــــابة ...كلهم .. رفاقه


والله .. ماتغير حمياهم وفزوعهم .. سواء لبعضهم ولا لغيرهم

[ابوبجاد الرويس]

لاهنت اخوي سطام روق

ولاهنت على القصة والقصيدة ,,,,,,,,,,,,,,,

[سلطان روق]

زياد بن سعود الهضيباني ونعم والله

ومن قال لا هان اخوي

ولا هنت على مرورك العطر

اخواني : الراي الاخر و أبو بجاد الرويس ونعم والله

ومن قال لا هان اخواني

ومشكــــورين على مروركم العطر

[سلطان روق]

أشكركم مرة أخرى أخواني الكرام

على ردودكم التي أعتز بها جدا




سلطان روق

[راجح النفيعي]

سلطان روق

لا هنت يا الغالي على نقل القصه والقصيد

[فهد النفيعي]

العتيبي يمكن يغفل او يسج لان يسمع واحدن ينخاه وبيض الله وجه ابوك ووجه القثامي ويا ليتني معهم واللله لالعن ابو الزيود لا ابوهم لا بوعلي صالح

[نبض عتيبه]

مشكور
وعتيبه واحد اعيال عم

[سلطان روق]

المشاركة الأصلية كتبت بواسطة راجح النفيعي

سلطان روق

لا هنت يا الغالي على نقل القصه والقصيد

ومن قال لاهان اخوي راجح النفيعي

ومرحبا بك