مرثية شالح بن هدلان في ابنه ذيب

[(ابن مفلح)]

هذه المرثيه للفارس شالح بن حطاب بن هدلان شيخ الخنافره من قحطان في ابنه ذيب الذي اشتهر ببره العجيب بوالده وبفروسيته النادره التي سأذكرها بإذن الله في المشاركات القادمه

وقد قتله فتى من برقا عندما رأى ذيب ورفاقه نازلين على بئرا لعتيبه ليستقو منها فما كان منه الا ان رماه رمية اردته قتيلا.......... فكان من شالح هذه القصيده:

ياربعنا ياللي على الفطر الشيب @ عز الله انه ضاع منكم وداعه


رحتو على الطوعات مثل العياسيب @ وجيتو وخليتو لقلبي بضاعه


خليتو النادر بدار الاجانيب @ وضاقت بي الآفاق عقب اتساعه


تكدرن لي صافيات المشاريب @ وبالعون شفت الذل عقب الشجاعه


ياذيب انا بوصيك لا تاكل الذيب @ كم ليلة عشاك عقب المجاعه


كم ليلة عشاك حرش العراقيب @ وكم شيخ قوم كزته لك ذراعه


كفه بعدوانه شنيع المضاريب @ ويسقي عدوه بالوغى سم ساعه


ويضحك ليا صكت عليه المغاليب @ ويلكد على جمع العدو باندفاعه


وبيته لجيرانه يشيد على الطيب @ وللضيف يبني في طويل الرفاعه


جرحي عطيب ولا بقا لي مقاضيب @ وافخت حبل الوصل عقب انقطاعه


كني عقب فقده بحامي اللواهيب @ وكني غريب الدار مالي جماعه


من عقب ذيب الخيل عرج مهاليب @ ياهل الرمك ماعاد فيهن طماعه


قالو تطيب قلت وشلون اباطيـب @ وطلبت من عند الكريم الشفاعه

[ابن مشيب]

رحمهم الله جميعاً , ورحم الله اموات المسلمين.

الف شكر ياخوي (ابن مفلح) , على هذة القصة والقصيدة الحزنة والمعبرة في نفس الوقت , لهذان البطلان.



تحياتي.

[نجم شامي]

ياربعنا ياللي على الفطر الشــــــيب = عز الله أنه ضاع منكم وداعه
رحتوا على الطوعات مثل العياسيب = وجيتوا وخليتوا لقلبي بضاعة
خـلــيـــتوا النــادر بــدار الاجـــانيب =وضاقت بي الآفاق عقب أتساعه
تـكـدرن لي صــــافــــيات المشاريب = وبالعون شفت الذل عقب الشجاعة
يا ذيـــــب انا بوصيك لاتاكل الذيب =كم ليلة عشاك عقب المجاعة
كم ليلة عشـــاك حرش العـــراقيب = وكم شيخ قوم كزته لك ذراعه
كفه بعدوانه شـــنيـع المـضــاريب = ويسقي عدوه بالوغى سم ساعه
وبيته لجيرانه يشيد على الطيب = وللضيف يبنى في طويل الرفاعه
جرحي عطيب ولا بقى لي مقاضيب = وافختّ حبل الوصل عقب انقطاعه
كني بعد فقده بحــــامي اللواهيب = وكني غريب الدار ما لي جماعه
من عقب ذيب الخيل عرج مهاليب =يا هل الرمك ماعاد فيهن طماعه
قالوا تطيب قلت : وش لون ابا الطيب = وطلبت من عند الكريم الشفاعة

[فهد علي العازمي]

قصيدة جمعت الحزن بإكمله

معبرررررررة