 |
|
|
 |
 |
 |
29-Jul-2013, 10:46 PM
|
رقم المشاركة : 1 | |||||
|
مرثيه
مــرثــيــة
الشاعر مـقـعـد الـدغـيـلـبـي فــي ( عــمـي) (المـرحـوم لـه باّذن الله) مــتـعـب بن حـمـود الشيباني مهما شبكنا الاه والاّ كضمناه الاّه يبقى فالصدور الكضيمه صبح العناء مازاح ليل المعاناه بين الحنايا والنوايا سليمه مايكتبه ربي علينا رضيناه محمد رسول الله وموسى كليمه واللي عن الدنيا تنحت مطاياه ذكراه تبقى فالحنايا مقيمه قولوا لـ ابو وسام ما والله انساه نسيان متعب في نظامي جريمه وشلون ابنسى الي طروقه مخلاه الصارم النادر قوي العزيمه يرفع لـه اجباه ًويرخي له اجباه ذو الفعول النادره و العديمه تلبد تحت سوطت مخاليبه اعداه له في وجيه اعداه رسم وسيمه والغدر طبع الي يمينه محناه ماله بصرح المجد قدر وحشيمه يالله انا طالبك يالله يالله عساه في قبره يحوفه نعيمه ويالله انا طالبك تدمح خطاياه وتجنبه نارك ولاهب جحيمه : ومــجــاراة : (ولــد عــمـي) الشاعر عياد بن شليل الشيباني للشاعر مقعد الدغيلبي مهما كضمنا الاه والاّ شبكناه الٌم ويبقى فالصدور الاليمه الاّدمي يصبر على كل ماجاه صبره على المكتوب اجر وغنيمه الله من علمٌ على القلب ماقساه عواقبه وسط الحنايا وخيمه علمٌ لعب فالقلب كله من اقصاه واخلف مجار الاورده في صميمه قامت تبخ الدم مع غير مجراه وانا اشهد ان النفس عقبه سقيمه بان الخطر من عقب علمٌ سمعناه علمٌ يغير بالعقول السليمه لاوالله الى راح حرً بيمناه حاز المراجل ماضرا بالهزيمه ارثه يابوفيصل وانا مثلك ارثاه ارث الشجاع الي يدينه كريمه ونهاية الغدار سيفّ بعلباه ومربوط في شبكة سوات البهيمه عاداتنا مانقبل السوق والجاه نموت نحيا والغريم بغريمه |
|||||
|
 |
 |
 |
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
