صحيح قشر الوقت من قشر ناسه

[((الدلبحي))]

الاخوان الاعزاء القصيد كما تعرفون ويعرف الجميع هوتعبير عما يحس به الشخص او مواقف تحصل لشخص يعز عليك :
في احد الايام كنت انا واحد الزملاء وقد اكثر من شكواه للوقت فقلت هذه الابيات :
ياوقت ليش الناس تشكيك وتقول
صحيح وضع الوقت فيه التباسه
ياوقت ماتنفع مشاريه واحلول
دام السنع مافيه وين الوناسه
ياوقت ياحظ من عاش مبدول
ماشال هم الوقت مع كثر ناسه
ياوقت خذها صح بالعرض والطول
الذيب في دنياه راعي اعساسه
ياوقت قل لطير لاجاك لايجول
نرقى ومن يرقى رقى لرياسه
ياوقت ياطرباق طق طاق وطبول
الراس راس ومنبع الطيب ساسه
ياوقت لحول ولحول ولحول
شايب يقيس قياس واخطى قياسه
ياوقت لاتقنع ولاانته بمجمول
بس الفلك دوار وتشوف باسه
ياوقت عفت الوقت والناس والظول
ومجلس سفيه وهرج خبث وخساسه
ياوقت ياوقت شف كيف بهلول
يشرب فناجيل الندم جوف كاسه
ياوقت ماميز تجاريب هذلول
يشرب مشاريب السعد وسط طاسه
ياوقت بين الناس صاحي ومشلول
صحيح قشر الوقت من قشر ناسه
ياوقت وصلها على السان مرسول
لاواهني من عاش مرفوع راسه

وسلامتكم
اخوكم مناحي حمود العتيبي

[الازوري]

ونعم يا مناحي

صح السانك

مليون ولا هنت

[((الدلبحي))]

الازوري

ماعليك زود وبيض الله وجهك

تحيااااااااااااااتي

[الفراهيدي]

ونعم يا مناحي

صح السانك

قصيدة رائعة و جميلة

التوقيع

AL-frahedi@hotmail.com

[الغيث]

صح لسانك

يالدلبحي قصيده جميله ما قصرت

[ابـن نـعـيـس]

صح لسانك
قصيدة رائعة
ولا هنت
ياوقت ياحظ من عاش مبدول
ماشال هم الوقت مع كثر ناسه
ياوقت خذها صح بالعرض والطول
الذيب في دنياه راعي اعساسه

التوقيع

[اخطار برقاوي]

يا لد لبحي (ف)الوقت يمكن ومعقول*****************ويمكن يجيك الوقت كله عكاسه

انــاشهد انك تنضم الشــــعر مفـــــتول**************طالع وجيه الناس عندك الفراسه

الدلبحي
الله مروعك ياولد العم

حبيت اجاريك في القصيده ولاكن من اجاري الدلبحي

لايمكن ان اصف ماوصف
تقبل تحياتي واحترامي

[((الدلبحي))]

الفراهيدي

ماعليك زود وصح بدنك

تحيااااااااااااااتي

[((الدلبحي))]

الغيث

صح بدنك واسعدني تواجدك

تحياااااااااااااتي

[((الدلبحي))]

ابـن نـعـيـس

مشكورعلى الزياره ولاهنت وصح بدنك

تحيااااااااااااااااتي