قالو رفيقك قلت مشتم رفيقي

[خالدالعصيمي]

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قالوا رفيقك قلت ما اشتم رفيقي "=
ولاني على الزلة متابع وشمات
ولاني من اللي يزعلون الصديقي "=
رفيق عمري فالرخا والمهمات
هذاك أعزه وله قلبي شفيقي "=
فالنايبه صاحب شجاعه وفزعات
ولا الردي ماله عليّه طريقي "=
ابعد عنه واقطع جميع العلاقات
نمام ومنافق بكذب عميقي "=
هذاه أبو وجهين مدح وذمات
عقله سقيم وللخباثه عشيقي "=
دايم حياته بين عثره ونكسات
بافعالهم كم دمروا من فريقي "=
كم اسرة باسبابهم راحت اشتات
يا وين أبالقالي رفيقاً حقيقي "=
أجيه لو دونه بحور ومحيطات


عيسى بن مدله الروقي
[/poet]

[ذيب عتيبة]

اة تكفى ((( يا وين ابالقالى رفيقاًً حقيقي ....اجية لو دونة بحور ومحيطات )))



تسلم يمينك يالعصيمي ........ وصح لسان الشاعر الروقي ........



والصديق الوفي نادر هذة الايام .........



وبالنسبة لصديقي انا والله ونعم الصداقة واحداً عاطفي من قحطان


والله فية الخوة الحقيقية ......... سبع سنين الله يديمها على العز .......


اخوكم / دغش الدعجاني ((( ذيب عتيبة )))

[خالدالعصيمي]

ذيب عتيبه

الله يدوم صداقتكم على عز ومعزه

تمنياتي لك بالسعاده الدايمه

في حلك وترحالك

أخوك / خالد العصيمي

[حسان]

ولا الردي ماله عليه طريقي --- أبعد عنه وأقطع جميع العلاقات

مشكور يا خالد على هذا النقل المميز0

وصح لسان الشاعر0

أخيك/ حســـــــــــــان

[شيباني نت]

قالوا رفيقك قلت ما اشتم رفيقي
ولاني على الزلة متابع وشمـات

قصيده ممتازه
يا خالد

انتقاء موفق

اخوك شيباني نت

[خالدالعصيمي]

حسان

حياك الله من ممشاك اليا ملفاك

تمنياتي لك بالتوفيق الدايم

[خالدالعصيمي]

شيباني نت

مشكور على مرورك الغير مستغرب منك

لك خالص تحياتي