ديـــوان الأبــيــات الــمــمـــــتــازة,,

[عبدالمجيد النفيعي]

وتـرى تفاصيـل الرياجيـل واجـد=يتعـب مغنيـن المثايـل عـدودهـا
عرفت لـي منهـا معانـي كثيـره=خابـر ثعالبهـا وخابـر فهـودهـا
تـرى الثعالـب مـا تغيـر عيالهـا=لو كـان تنقـش بالزمـرد جلودهـا
والحر الاشقر ما سكن فوق عرفجـه=لو كـان مالـت بالثمـاري فنودهـا
ومن لاتنقـى فـي المناسـب تنـدم=وروح الفتى تزهيدهـا مـا يزودهـا
واناعتيبـي مـن سلالـة هــوازن=ربعي عوايدها الفخر مـن جدودهـا
ما نوشي الفتنه ولا نحـرث الـردى=ولا نهـاب اليـا تسامـت وقودهـا

هاذي المعاني التي أعجبتني كثيراً من القصيده حسب ذائفتي

مع العلم إن مجمع أبيات القصيده ومعانيها في محل الأعجاب

وهي موجوده على هذا الرابط



http://www.otaibah.net/m/showthread.php?t=5158

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

آخر تعديل عبدالمجيد النفيعي يوم 06-Jul-2009 في 09:06 PM.

[عبدالمجيد النفيعي]

وان هوّد اليل واشعل همي سراجه=ايمم الروح قبله وارفع يديني
واقول يارب انا المحــــــتاج والحاجـــــة=أنك تجــــــمّل حياتي باقـــــي سنـــيـــني

الشاعر / راشد بن خميس النفيعي ،، كلاش

[عبدالمجيد النفيعي]

العّي عّي لين يبلش وهو عّي=وليابلش بالحيل كب التعاياه

الشيخ/مناحي الهيضل يرحمه الله

[عبدالله الجـــذع]

خلوني اسج عن موضوعه احسن لي !
ولا الغلا ! والله ان يبطي وهو غااالي

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الكريزي]

رعاك الله يا بيتٍ ليا مني بغيت أجيك ..
توقفني تقاليد القبايل دون بيبانك ..

يا ليتك ليلٍ أسود كان أسجك بالقدم و أسريك ..
لكنك بيت طين و حاجتي من بين جدرانك ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[ابن عقاب الشمري]

الشاعر .. / فيصل بن طواله


وش عشاك وأنت ماتلقى غـدا
.......... لا تقول إن الغداء تالي عشـاك


إنحلال المجتمـع مالـه مـدى
........... ناظر أصحابك قبل تنظر عـداك

[عبدالله الجـــذع]

((ان توجهت قبلة عطـرك يفـوح شـام
خافوا الله فينا عـاد وامشـوا جميـع ))

من افضل ابيات الشعر

لشاعرنا الرائع هلال العتيبي

[* نـسـنـاس *]

الســلام عليـكم


بيت دايم يردده عمي الله يطول بعمره

ولاسألته من صاحبه قال مدري

ولاقلت له كمل القصيدة قال ما اعرف



][ ياخلــيف سنّــد يم بيتي واقهويك
ياخليــف ماعقـب الرفاقـه صداقـه ][



ابغى عن هـالبيت القائل او التكمله او اي شي

لاهنــتــوا ومشكورين مقدماً



ادري ان الموضوع مو للاستفسارات لكن قلت ما يستاهل انزل موضوع عشانه

سلااااااااااااااااااااااااام

[الطود]

ياعين عن سكب الدموع استقري ........ اللي خلق ساره خلق غير ساره

بيت دائما ما اردده ولااعرف قايله

[ابو محمد الدعجاني]

كم صبي يسوي الهوايل= في المجالس ووقت الرخا
ويوم سرنا وصارت صمايل=ضيع المرجله وارتخا