لا والله ألا شاعر وطن يابن هذال

[نواف العصيمي]

بديت بما ابتداه المبتدي في نشرة الاخبار=من الموجز يفصل صاحب النشرة عناوينه
سلام الله سلام يشمل الغياب والحضار=على راس الزعيم اللي عساها تبطي سنينه

حضر كعادته شاعر الوطن اللواء خلف بن هذال العتيبي .. وأثبت تميزه .. وقصائده الوطنيه .. وبحثه لقضايا الامه العربيه والإسلاميه ..

والغريب والجديد في قصيدة خلف بن هذال أنه تطرق لكل ناعق وحاسد ..وكل نذل و نجس .. حاول أن يتطرق له أو يتطاول عليه ..


ابن هذال شاعر الوطن كما عرفه الجميع وأثبت لهم .. أثبت أن الميزان مايحمله الشاعر ومايقدمه ..

والصحف اليوميه يتصدرها شاعر الوطن خلف بن هذال العتيبي .. عنوانيها
ببحث قضايا أمته ووطنه بهذا يختلف عن كل متطاول ..

ليا حل الثعل بالفين أسد من شافهن يحتار= ثعالب لو عليهن من تواصيف الاسد عينه
وليا حل الاسد بالفين ثعلب غير المعيار=صنع منهن أسود ولونهن طابق ملاوينه
وأنا مانيب شاعر للوطن كل الوطن شعار=سلع بيع وشراء بالنقد لاسلفة ولادينه
وأنا ما أقول عالم يعلم الي سير الأقدار =أفراسه من خيالن ماارسن ماضاع تخمينه
عبرت من البحور أبحور مايعبر بها البحار=ولادورت للمحار وأغرتني مثامينه
شربت من القناعه والمناعه بالضمير الحار=والي نفس رضت بالوقت في عسره وفي لينه
لقيت الحقد ياكل صاحبه مثل الحطب والنار=يشوف من الغباين حي ويموت بطواعينه
اذا خاطبك عاقل صارحه يشبعك بالافكار= وإذا خاطبك جاهل قل يازين الهرج يازينه
وإذا مالت بك الكفه تخير بالرجال أخيار=على الكفه موازينك تعادلها موازينه

أي والله الحقد والغبن يحرق صاحبه
ماغرتك مثامينه
وإذا خاطبك الجاهل قل يازين الهرج يازينه !!

أختصر وأوجز بعبارة فديتك يابوهذال .. وأنت تستحق أكثر بكثير

جاء مانصه في الصحافه ((
شاعر الوطن خلف بن هذال:

ترقد أسود الغاب في ظل أسدنا =أسد أسد ما ينتهاجم عرينه

))1*

جاء مانصه في الصحافه ((
ويقول شاعر الوطن خلف بن هذال العتيبي:

قادنا فهد بن عبدالعزيز بن سعود =واقتنعنا بالقيادة واخذ منا الولا
الزعيم اللي عن العرب وأوطانه ينود =قايد للحرب والظفر يتلى ماتلا

))2*

جاء مانصه في الصحافه ((
شاعر الوطن والفضاء يغرس الحب في مدينة الشعر والشعراء
وتبقى قصائد شاعر الوطن لخلف بن هذال هي الأشهر والأبرز، فالكل لا يزال يردد قصيدته الوطنية الشهيرة التي يقول فيها:

يا وطنا يا وطن عمت عين الحسود =ما تهزك لا زوابع ولا غدر اعملا

ومن الملفت جاء تحت العنوان الكبير والكلام صوره شاعر الوطن مانصه ايضاً

هذه الليلة لن تكون عادية على كل حال التي سيكون ختامها مع أبرز نجوم القلطة، حيث إن الجمهور بعد هذا أمسية خلف بن هذال على موعد مع إثارة أخرى وإبداع متجدد مع نجوم المحاورة الذين يتقدمهم الخبير مستور العصيمي والنجوم زيد بن سلمى ومحمد بن مشيط وتركي الميزاني والتي ستشهد مواجهات من العيار الثقيل وعد بها الشعراء.
))3*




1- الأربعاء 23شعبان 1428هـ - 5سبتمبر 2007م - العدد 14317
2-الخميس 29 جمادى الآخرة 1426هـ - 4 أغسطس 2005م - العدد 13555
3-الجمعه 27 جمادى الأولى 1427هـ - 23 يونيو 2006م - العدد 13878

والقائمه تطول !!

إبداع أبو هذال بلاحدود شاعر وطن ولا قالها ولا طلبها أثبتها ورسمها كما يجب أن ترسم ..

أحلام ليل وللحروب أسرار .. وينك !!

نواف العصيمي

التوقيع