&& ^^ * قصة الطير و اللي صار بين الخوالـــــــد والعتبـــــــان * ^^ && - الهيـــــــــــــلا *** منتدى قبيلة عتيبة

الخالدي · 10-Sep-2003, 04:49 AM

كان للشيخ عبدالله بن فزاع المجدل الخالدي صقور نادره وكانت احد الصقور النادره يمتلكها احد ابنائه وقد ضاع الطير ووجده حجاب العتيبي فكان هناك اجتماع في مخيم عبدالله المجدل ودار نقاش حول من له الاحقيه بالطير وقد امتاز النقاش برجاحة العقل وحسن الاخلاق والصفات الطيبه فقدم ابناء الشيخ عبدالله بن فزاع المجدل كافة البراهين والدلائل على ان الطير لهم واقتنع حجاب العتيبي ومن معه من كبار عتيبه
فأنتهى الاجتماع على العلم الغانم وفلة الحجاج واعجب الشاعر صالح الروقي احد الاشخاص الذين كانوا موجدين بكرم الشيخ عبدالله المجدل الخالدي وهبة الريح والعلم الغانم فأسترجل والقى هذه القصيده الذي يمتدح بها الخوالد وعبدالله بن فزاع المجدل ويواسي حجاب بالطير

[poet font="Simplified Arabic,4,black,normal,normal" bkcolor="burlywood" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله يعوضك في المتاعيب يا " حجاب" = خله يروح الطير تلقى بداله
ربك كريم وللجزيلات وهاب = واللي طلب ربه لشياً يناله
وراك تظرس حامي الناب بالناب = مشهاب قلبك زايد بشتعاله
الطير للي يزهمه بسمه اذياب =قدر شعوره واعرف اللي جراله
جاب لك برهانه وجاب لك ماطاب =ووضح لك الحجه وهذا حلاله
وانته فهيم ولوعة الطير مشهاب = في قلب من طيره عزيز او غداله
وحلفنا من " المجدل " ترى فك الانشاب = حلف عليه ولالك انته وماله
ولاهو حسوفه و " الخوالد " لنا اصحاب=خصوصا " المجدل " رجال الشكاله
يرخص لبن " فزاع " ياعريب الانساب =نعز "عبدالله " ونغلي عياله
شيخا طلع صيته الى دار الاجناب = والله ونعم ٍ به الى جا مجاله
انشهد انه قرم فكاك الاطلاب = اليا صعب علما نخوه وارتكاله
له في طريق المجد مغزا ومهذاب = للعز والنوماس تاصل احباله
الطيب ساسه يافهيمين الالباب=من ساس جدانه ومجنا خواله
زين النبا في كل ساعه برحاب = رجل الكرم والهيل يزها دلاله
من دون ضيف ٍ جاه ماسكر الباب =ولاولف الاعذار للي لفاله
وختامها طالبك يارب الالباب = انك توفقنا لكسب الجماله
[/poet]

الشاعر صالح بن سعد الروقي العتيبي

هذه القصيده تتدل على عمق العلاقه بين قبيلة بني خالد وقبيلة عتيبه
وماازيد الا ومليون نعم بعتيبه ولايكفون

ابو فراس · 10-Sep-2003, 05:34 AM

ونعم ابك و ببني خالد قبيله عريقه ومعروفه

ولاهنت على هاالمشاركه الجميله

تقبل تحياتي

ابن فرحان · 10-Sep-2003, 12:04 PM

الاخ الخالدي المحترم ..

حياك الله يا الطيب , وحيا الله هذه المشاركه المتميزه التي تدل على شخصيتك
والخوالد يستاهلون المدح كابر عن كابر ,,,

الخنفري · 11-Sep-2003, 02:04 AM

الاخ الخالدي
حياك الله بين ربعك
والخوالد طال عمرك ونعمين مافيهم شكه رجال ومن نسل رجال

ابن غلاب · 11-Sep-2003, 02:23 AM

الاخ الخالدي
السلام عليكم .....
قبيلة بني خالد تستاهل النعم وبفعل رجالها

اود ان أسأل عن صلتكم بقبيلة الشلاوى وذلك للاهميه شاكرا تعاونك

لــيــل · 11-Sep-2003, 02:26 AM

هلا بهباس

هلا ومرحبا ..........

ويكفيكم قول الشاعر:

[poet font="Simplified Arabic,4,black,normal,normal" bkcolor="transparent" bkimage="" border="none,9,gray" type=0 line=200% align=center use=ex length=0 char="" num="0,black" filter=""]

جباه المعالي قد سجدنا لعزهم

اذا ما تجلوا في اجل المظـاهر

توسطوا من شم المكارم منزلاً

تقاصـر عنه كل باد وحاضـر

واخمدوا نار الفقر عمن لهيبها

اضـر به بالجائزات المواطـر

[/poet]