طلب خاص من ابو فايح وبقيه الاعضاء

[خـال ـد]

اطلب محاوره بين الشاعر المرحوم صياف السحيمي والشاعر الكبير مستور العصيمي

من حفلات الجامعه ( الرضا والغضب ) هذا اسم المحاوره معروفه بهذا الاسم

ارجو من توجد لديه تزويدنا بها صوتيه كانت او كتابيه ،،، يزودنا بها هنا او خاص واكون له من الشاكرين ،،،،

[ابو فايح]

اولا الموضوع سينقل لـموضوع بعد المشاهده

ثانيا المحاوره حسب ما نسمع عنها من اقوى المحاورات

ولكن لم يتبين منها الا ماذكره اخواننا سعود البرقاوي وسعود العصيمي في موضوع سابق وهو التالي

السحيمي

سلام ردية(ن) تدخل بنـوك الذهـب
مادام بعض البنـوك تفتـح ابوابهـا
اشوف مستور مابين الرضا والغضب
واصل السبب من يميناَ ماتقهوابهـا



وقال العصيمي رداً عليه



يامرحبا من ضمير الي يسد الطلب
عندي خبر فالعلوم وحاسب احسابها
ياصاحبي لاتجنب عن دروب العرب
عان الاصايل بروك وتضرس انيابها




ومن ضمن الابيات ايضاً



جهزت لك قنبلة فالبيت يابو شنب
لكن ابو زيـد وداهـا ولاجابهـا






و اخرهاقوووي قووي بالمره

عندما قال صياف :

عرضت موترك مع سطح الجبل وانقلب ،،،، ياقصةٍ تزعل العتبان واصحابها.

ورد عليه مستور:

بقوله:

يالحربي افهق عن القلطات خلك0000 ،،، قدم الضويمر توقع فيك بانصابها.
حنا عتيبه شيوخٍ من شيوخ العرب ،، عزوة تهز الرواسي وانتعزوابها.

لكن يمكن تحصلها في مكتب القصير فالطااائف

[محمدالنفيلي الحربي]

اخوي ابو فايح انت حرفت فيها شوي الله يجزاك خير راجع شريطها لكن مدري عمد او جهل

آخر تعديل محمدالنفيلي الحربي يوم 02-Apr-2011 في 01:18 AM.

[ابن طامي]

^
^
^


عطنا الصحيح طيّب !




لاهنت ، يابو فايح

[الكاايد]

كم عندنا خــالد

صياف=

سلام رديةً تدخل بنوك الذهب=مادام بعض البنوك اتفتح ابوابها
اشوف مستور مابين الرضى والغضب=واصل السبب من يميناً ماتقهوابها

مستور=

يامرحبا من ضمير اللي يسد الطلب=عندي خبر فالعلوم وحاسب احسابها
ياصاحبي لاتجنب عن سلوم العرب=عان الاصايل بروك وتضرس انيابها

صياف=

لو معك سيفً حديد وفيك حكمه وادب=يمديك كل السباع اتقطع ارقابها
ماكل مجنون من جنه يطش السلب=ياضاحك ابلوة الاجواد تبلى بها

مستور=

هذي ليال السعد يانجم يابو ذنب=ماعاد باقي معك حيله تلهابها
لكن جنب واجنب عن دروب النشب=لاتبخس الناس جاء للخيل ركابها

صياف=

اصبر يالين الشداد ايصير فوق الحجب=وتصفرك حسبةً ماتحسب احسابها
من كف يمناك لاحطيتها فالشبب=يقدر يهد القصور اللي تعشابها

مستور=

هذا السنه صرت ياصياف نار وحطب=اللي يشيل العصى لازم يربى بها
لكن ماني مسمي من غلب وانغلب=الناس بعقولها والموت في رقابها

صياف=

خلفت لك قنبله فالبيت يابو شنب=لكن ابو زيد وداها ولاجابها
اعرضت موترك في راس الجبل وانقلب=ياقصةً تزعل العتبان واصحابها

مستور=

شبيت لك نار دون البيت يابو لهب=واخاف قدام مبدا الصبح تهوابها
جبت الخبر من طرف عمان ولا حلب=اللي تغني بها صاحبك غنابها

صياف=

اتبع طريق السلامه كب درب السبب=مافيه ناسً تحب الشر لجنابها

غير الطاروق مطلق الثبيتي=

سلامي سلاماً كنه الصبح ينقاد=على روس عسرات الجبال السوامي

تحياتي

[الشخص العاقل]

الله الله الله


معنى مغزاه بعيد لكن مالنا غير الذكريات القديمه مع شعراء المحاوره



خالد شكرا لك ذكرتني بمحاوره تسجل بماء من الذهب


كايد بيض الله وجهك على أيراد المحاوره

[ابو فايح]

لاهنت يالكايد أبيض وجه كأن المعنى عن أحداث حرب الخليج


لكن البيتين هذه وينها مشهوره جدا هل هي من هذا الطاروق أو لا أو محذوفه من الشريط

يالحربي افهق عن القلطات خلك ذنب=قدم الضويمر توقع فيك بانصابها.
حنا عتيبه شيوخٍ من شيوخ العرب =عزوة تهز الرواسي وانتعزوابها.

[خـال ـد]

الف شكر للجميع

الكايد جمل الله حالك

ابوفايح شكر خاص لاهتمامك

اما المعنى حسب ماسمعت من الي عاصروا وقت المحاوره وتناقشوا فيها

انها معنى قبلي ماهو سياسي وكان تبي اوضح اكثر يابو فايح ارسلت لك تحت الهوا ماهو لايف

[جبل]

ارسل المعنى ياخالد لاهنت . . المحاورة ذي يعلموننا فيها الشياب يقولون مستور بغى يتعدى الخطوط الحمرا فيها وكان من الحضور شخصيات من الدولة

[(مہودع دنہيأهہ)]

بيض الله وجهك يا ابو فايح على النقل ولاهنت

الكايد أنت كتبت بيت لصياف اله يرحمه ولا وش العلم؟لأني قريت صياف ومافي شي تحته