 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
18-Sep-2007, 02:48 AM
|
رقم المشاركة : 1 | |||||
|
(بيض الله وجة العتيبي)رجال ينادي بأهل مكة
عالي بن مذكر بن طماح الفجري الكريزي المقاطي العتيبي
يقولون العرب من أول ماتجتر الخيل إلا ليله القدر وفي ليله من ليالي رمضان صحا أبو عالي إلا خيله تجتر وجاه وحط يده اليمنى على ضهر الخيل ويساره على ذكره ودعى يقول يالله باركلي في ماشديت وبفضل من الله عقب عالي و شجاع و علي و فارس وشجعان وعليان و شعوان وبنت اسمها جوزا وهي عزوتهم ..... صفاتهم عرفو بالشجاعه والفروسيه وتسابقهم على تلبيه الصايح وعدم اهابه المنيه ويضربون الموت بنحورهم دون ربعهم ومحبه ربعهم لهم ..... الشيخ عالي الفجري شجاع ومقدام عرف بقوه الباس ورباطه الجاش والشكيمه منذو نعومه اضافره وقد مكنته هذي الصفات ان يكون عقيد قوم ...... بدايتة كانو الفجور يجهزون يبون يغزون وطلب عالي مرافقتهم ورفضوه لصغرسنه وكان شديد البياض وكانو ما يتباشرون فيه قالو والله مايتبعنا الورع هذى وانكم ماترزقون والورع الحمر معكم وهو يجنب عنهم وهو يروح يبرالهم لحاله وهو توه ورع حتى وصلو القوم الي بيغزونهم وينوخون الفجور على راسهم ابن بقيران وكان عالي عجل مانوخ وتجي عينه على ثنتين على حوار واحد وهو يرقع الحوار ويحزمه على شداده وهن يدهبدنه وهو يسري يوم اصبحو رادين لاهلهم الفجور جاين ماكسبو من مغزاهم شي وهذى عالي كاسب ثنتين على حوار قالو ياعالي من بعد اليوم الوكيل الله ثم انت ....... مغازية غزى على ابل الدواسر وهي الشرفا وكسبه وجابه وعند الرويضه نوخ هو وربعه عند اميره ابن وهق وهم تعابا وقهواهم وراح عالي وجاب ناقه من الي كسبه وهو ينوخه قال يابن وهق هذي ذكها وقسمها على الأرامل وعجز الرويضه ومادرى الا الحرمه جايتهم تعدي قالت ياعالي خلافك اخويا قال لا ما خلافي أحد قالت اهل البل لحقوك قال ابن وهق ياعالي رد نياق الدواسر عليهم لاتذبح ولا يذبح واحد من ر بعك قال عالي انت تحّرز تفتك ناقتك البارك ولا ما تحرز ويركب هو واخوياه ودارت المعركه عند مكان سمي بعد ذالك باسمه وهو هضيبه وريع الفجري فانطلقت النيران من الطرفين وجا للرصاص رغوه هذي بالسما وهذي بالارض وهذي بالناقه واستمر القتال بين كر وفرحتى كسرت رجل شيخهم ابن حفاظ وصكو عليه ربعه وشالوه وانكفو واخذ عالي وربعه البل وجو اهلهم وقامت العرضات عند البل يقول عالي خيال الشرفا عالي تفرحبنا لا ضيعت حيرانه ........ بيض الله وجة عالي الفجري كان عالي وربعه راحلين في مغزى واضلم الليل ونامو واصبحو ومع شروق الشمس قال عالي يالهوم عد ويش تشوف والهوم هوالفارس نايم بن حمدي معروف انه سبر عالي ويستعين فيه لنضره الحاد لدرجه ان لون عيونه صفرمهيبه وركب وأواق وشاف البل وفي طريق رجعته عارضوه قوم عرفو انه سبر عالي قالو ويش شفت يالهوم قال اشوف شويبيرات وهو يكذب عليهم وهو يجي عند عالي قال يا عالي اركب والله ان كنها الحره ويركب عالي يوم جاها وهو يحوم عليها وصك عليها وجا من دونه اليا ماعندها اللي يثور الناروالراعي ينكف ويطرده عالي يوم الزمه عرف الراعي انه عالي قال الراعي تكفى يا عالي والله ماعند امي غير انا ولا عندي غير هالنياق هذي قال له عالي روح انت و نياقك وعارضوه ربع عالي قال خلوه هذى في وجهي شعره من شعر وجهي والله من حاه مايعين خير وهم يتركونه وهو يجي في مكه وهوينادي بعلى صوته تسمعو يلي فيه الاجنبي والاهليه بيض الله وجه عالي الفجري بيض الله وجه عالي الفجري يمشي بشوارع مكه ويرددها وكانت غبشه بنت حسن من ذوي سلمان من روسان المقطه من سكان مكه هي واهله وسمعته وهو يبيض على وجه عالي وضلت السالفه تردده حتى توفت ....... داهيه عتيبه وأنذهاله دارت معركه وكان القائد داهيه عتيبه الأمير محمد ابن هندي حاضريقولون بوم تنا طحو القوم وقامت الخيل تعتلج وفرس عالي تذبح تحته وهو وسط القوم ويصكون عليه ما غير يتحومى برمحه قالو اخوك يافارس اخوك احجر وهويقرب الحصان ويضرب القوم من المثناه وهم ماعرفوه قال حط رجلك وهو يحط رجله وهو يشقح اليا هو وراه وصا حو القوم في بعض المردوفه ياهل الخيل المردوفه ياهل الخيل والحصان راح يعا شربهم وانتهى الطراد قال محمد ابن هندي هو فارس لحق ولا ما لحق قالو الى لحق قال جاب اخوه قالو جاب اخوه قال لارحم ابوه على ابوه اخوه ......... بعد زاوج عالي من بنت ابن جامع امير الروسان وكان غبيطه يبرى لعالي وجيشه وانكسر الشداد عليه وقلت مكاسبه فالبل يقول واحد من ربعه من قميزي يطوي يطوي من غليله يابنت سوي عليه هذى سوات من حلت عليه الدبيله ومن طاح شانت عليه يقول الأخر على ان القميزيه حرمته الأولى هي الي قالت اخذته يوم انه شباب واليوم محني الظهر مبغاة يقول الأخر حامي في عالي لاهوب شايب ولابه عيب كم مسراح ذود ثعاة ترك الجامعيه وردوه ربعه على هلا القميزيه يقولون قبوله زين عليهم ومسمينه رغــوه يقول قميزي ساكن بالحساء يذكر ربعه ويتوجد ليتني مع ابن حميد ولا سمارى ،،، ولا مع الفجري على الفطر الشيب هذي بيتين من قصيده ماينعرف مصدره يقال انها حرمه ياهل النضا ون وطيتو عالي الفجري ردو سلامي تراكم تاتمرونه قلبي علي يلادي دنه النجري ولاجرس جهاهيل يدنونه ........... وفاتة ذكر ابن بليهد في صحيح الأخبار عمافي بلاد العرب , وابن خميس في المجاز بين اليمامة والحجاز من اثار ان عالي الفجري قتل في مناخ عرجا بوادي الرشا مع ولد جهجاه ابن حميد وكانت بين عتيبه ضد مطير وحرب في سنه1327 ه وذكره ابن جنيدل ان هذا المناخ في ربيع عام 1238ه قتل اثناء الطراد رماه بواردي بالبندق اصابته بجنبه ولم يعرف قاتله وكان الفارس جازي الفجري (ابوطايره) من أوائل الرجال الي وقفو على صواب عالي وشالوه وجابوه عند بيته يقول جازي حطيت يدي على الصواب وعصبه وقصبانه ضاهر من بين اصابعي وتوفى عند بيته قال الأمير محمد ابن هندي قولو للحريم لا ينبزن عالي لا يوعضنه بأسمه مانبي القوم يدرون انه مذبوح ............ الملك عبدالعزيز و عالي الفجري بعد وفاه عالي وانتشار خبره بنجد والجزير العربيه ولم يعقب عالي سوى بنت اسمه عمشه قال الملك عبدالعزيز للأمير محمد ابن هندي زوجني بنت عالي قال محمد ابن هندي بنت عالي صغيره وعلمها ماهو عندي وكانت عند عمها شجعان وتوفت عنده وهي صغيره يذكر ان عمشه بنت عالي طلعت مع عمها شجعان للسوق بعد وفاه ابوه وشافت ثوب اعجبه وكان كبير وهي صغيره قالت ياعمي اشتر الي الثوب قال شجعان انتي توك صغيره و منتي بعاقل حتى اني اشتريه الك قالت والله ياعمي ان شريته الي اني لجي اعقل من الموت ....... حلم الصانع يقول الصانع بعد وفاه عالي شفته بالمنام قلت ياعالي عساك من اهل الخير قال عالي انا انشاءالله اني من أهل الخير مير مقهور عنه عشر سنين ذبحتني البل اردده على اهله ,,,,,,,,,,,,,,,,,,,,,,,, الفارس شجاع بن مذكر كان يسمونه ابو قلفه لأنه كان مايلبس الا الثياب الي اكمامه عريضه ويدينه طوال تقول حرمه ترد فيه ياليتني عند ابوقلفه واجي حماتا" لشجعاني ياحبه الغمريالهبه من غبه اصبحت وجعاني شجاع وابن عمر غزت قحطان وكان قائدهم شيخهم ابن عمر ودارت بينهم معركه عند البل ولما احتدم القتال تبارز شجاع مع ابن عمر واصابه فسقط جريح وانكفو ربعه هاربين ولم يجهز شجاع عليه وشالوه وجابوه عند مناره عالي مقربينه عند النار قال ابن عمر ماجور ياشجاع قال شجاع الله يجيرك يابن عمر ليته تلحق لتبشربها وانه ماتصيبك قال ابن عمر في ماقفك ياشجاع وكان الموت اسبق رغم محاولاتهم انقاذه وتوفى عندهم ............... وفاتة كان شجاع مصطبح وجاي من البل ويلا عب بنيته وغزوهم القوم وهم يركبون الخيل عيال مذكر واو ل ثايره في شجاع وسقط من خيله شافه عالي وهو يعكر الفرس يعودعليه قال شجاع انا طيب مابي لون مير الحق البل لاتروح وهم يلحقون البل يوم ردوه وجوه وهو قد توفى ,,,,,,,,,,,,,,,,,,, الفارس علي بن مذكر عرف عنه كرمه الشديد كان اذا راحو اخوانه فالبل راح وجاب شاه وذكاه من غنمهم وجوه اخوانه وهو يطبخه قالو علامك على الشاه قال يالله اني لحقت الذكاه فيه وهو يكذب ماغير يبي يعشيهم منها ........ وفاتة غارت قحطان على ابل ابن حماضان ورقوه الضلع ولحقوهم عيال مذكر ومن معهم وكانت قحطان في راس الضلع رابضين ومتحامين بالضلع قال علي بن مذكر قال ابي ارقالهم قالو ياعلي لا ترقى قحطان بالضلع اول ثايره فيك قال والله ماخلي البواضات تسبرني وانا اسبره وهو ينطل ثوبه وهو يرقالهم حتى زان مرما ه واول ثايره فيه و وصابوه وتوفى ,,,,,,,,,,,,,,, مذكر وهروب الغازين بلغ مذكر ابو عالي من العمر عتيا" وكان في احد الليالي ينادي ليله كله على عياله يقول ياعالي ماتعليت البل خذوها القوم يافارس فرسك الذيب البل خذوها القوم ياشجعان جعلك دايم وجعان البل خذوها القوم يوم اصبحو الى هذي جراير القوم مع ايمنهم ومع ايسرهم يسمعون ينادي بعياله يهربون يضنون انه صاحي وشايفهم وهو ماغير يهذري ,,,,,,,,,,,,,, |
|||||
|
|
|
|
|
|
|
|
|
|
20-Sep-2007, 03:10 AM
|
رقم المشاركة : 2 | |||||
|
والله والنعم بكم يالفجور يا ابني عمنا
|
|||||
|
|
|
|
|
|
|
|
|
|
|
22-Sep-2007, 03:10 PM
|
رقم المشاركة : 6 | |||||||
|
أفعال ربعنا عتيبه تنومس ولــــد برقا بيض الله وجهك على ذا القصة
|
|||||||
|
|
|
|
|
|
|
|
|
|
|
23-Sep-2007, 12:45 AM
|
رقم المشاركة : 7 | |||||
|
ووجهك ابيض يابومرحبا
واسعدني وجودك |
|||||
|
|
|
|
|
|
|
|
|
|
|
07-Oct-2007, 05:38 AM
|
رقم المشاركة : 8 | |||||
|
تصحيح الخطا الاملائي
ذكر ابن جنيدل ان عالي الفجري قتل في ربيع عام 1338ه |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
