اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
23-Mar-2008, 12:57 AM | رقم المشاركة : 1 | |||
|
قصائد لشاعر حرب ساجي التويجري الحربي
مساء الخير اعضاء منتدى الهيلا
كما وعدتكم هذة بعض من قصائد الشاعر الاسطورةساجي عبد الله التويجري الحربي ويقول احد ابناء عمه ان الشيخ حجاب بن نحيت اطلق عليه شاعر حرب وهي حصريا بهذا المنتدى الغالي : الشعر يالشعار مـازال فـي خيـر هـذي مجلاتـه تصـدق كـلامـي اغلافها معرض صـور للمشاهيـر وصفحاتها من كل عامـي وطامـي ما دام به صورة ومدح وجماهيـر تشرى البيوت وتستعـار الاسامـي وتنشر قصايد مرخصيـن الدنانيـر لوهم دبـش ويلبسـون الوسامـي في كـل يـوم يطالعونـك بتقريـر عن سيرة العشاق وهـل الغرامـي هذا حبيبه فـي خليـج الخنازيـر وهذاك يبكي صاحبـه فـي ميامـي وهذا يصيح يقـول مافيـه تقديـر قصيدتي تنسـب لواحـد حرامـي كتبتهـا باسلـوب راقـي وتعبيـر تشـرح قضيـة حبنـا بالتمامـي شرحٍ يصور واقع الحـال تصويـر كنك معايـش بلسمـه والسهامـي يـوم النهـار يطارداليـل ويغيـر على ظلامـه مـار هـج الظلامـي هج وترك ذيك النجـوم الزواهيـر تحجب بوهاج من الشمـس حامـي وحمي الوطيس وثار عج ومعاصير وغارت على جيش الاسود النعامي والبوم ساد بهيبتـه باقـي الطيـر والنمر من خوف السّمق ما ينامـي ويوم الجمل يركض على ساقته عير قال افزعولي يبـي ياخـذ سنامـي يبـي ليـا جـا طـاري للمغاتيـر عـدوه باولهـن لعيـن الرسامـي اثره صحيـح ان الليالـي مدابيـر عليك ياعصـر الجـدود السلامـي قلت استمع يامصخر القاف تصخير ياللي تميز بيـن جـزل وهلامـي اما ان فهمي حاصل فيـه تقصيـر والا على الشعر الجديـد الملامـي تم الكـلام وزايـد الهـرج تبذيـر وجهة نظر ترمـز لغايـة مرامـي .................................................. ................................................. يا بوي ذقت من الليالي غرابيل_ ضاقت بي الدنيا الوسيعه بليله خيم علي الهم عقب التهاليل_ وشربت من عقب الحلى حنظليله وأظلم سماي وصار كل الدهر ليل_ والناس دنياهم عليهم جميله واصبحت هرجة راعي القال والقيل_ اللي يدوج وهرجته هي حصيله ما نلت في ماضي زماني محاصيل_ أركض ورا دنياي لكن محيله سعيت ماكفى نهاري عن الليل_ وبذلت جهدي ماورا الجهد حيله دنيا يقسمها الولي بالتفاصيل_ الكل يسعى والمقدر يجيله ما تنوخذ بالعفرته والتحاييل_ الله قسمها والمساعي وسيله ياما شبع فيها رعاع مهابيل_ وكم جاع فيها من مشايخ قبيله لكن رجايه بالليال المقابيل_ تعوضني صبر السنين الطويله ويبدل الله مايل الحال ويزيل_ عوق النصيب وتنعدل كل ميله |
|||
|
|
23-Mar-2008, 02:17 AM | رقم المشاركة : 2 | |||
|
سلم الله بنانك . وصح السان قايلها
كثير شعار حرب وشاعر حرب معروف. الله يعطيك العافيه |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|