واقلبي

[محمد القوس]

السلام عليكم ورحمة الله وبركاته

هذي ابيات مسندهاا على اخي الشاعر محسن بدر القوس

واقلبي اللي علي المزيون مشتاقي=مشتاق للي تفوق كل مزيونه
عزالله انه يهيم وجاه خفاقي=وعزالله انه بعدها تكثر اغبونه
قفت مطاياها عني والفضا ضاقي=وجدي علي شوفته ومشاهد اعيونه
يابو مهند عليه القلب حراقي=ودي بقربه وحال البعد من دونه
اي والله اشفق عليه وصرت مشفاقي=ااشفق من ام الصغير يوم يطرونه
يادره" مامشت في وسط الاسواقي=مصيونتن بالشرف والعز مصيونه
الجادل اللي وهبها الزين خلاقي=سلمت الروح بين اديه مرهونه
عطيتها الحب والاخلاص وشواقي=و ملكتها مملكه لو مايعدونه


رد الشاعر محسن القوس

يامحمدان كان عقلك صار تواقي=للي تقول ان غيره مايساوونه
من حرمافيك تكتب فوق الاوراقي=وتجاذب الصوت والطاروق ولحونه
صابك عذاب وحصل لك بعدوفراقي=واصبحت في وضع مدري وش يسمونه
مدري جنون الهوا ولا الهوا الراقي=ولامشاعرك فيها خف ومرونه
اصبر ولابد ماتأتيك الارزاقي= واطلب من اللي خلقك اليسر والعونه
تابع صدوق الحيا مع كل براقي=واضغط على القلب قبل يبيح مكنونه
ياشارب النبع لاترد على الساقي=صبرك وتشرب من الهمال ومزونه
واللي ذكرته ترى أخوك له سباقي=ذاق الفراق وعرف دوره ومضمونه
اصبر ودربك طويل ولزمن باقي=والوقت لاتأمنه لوتضحك سنونه &
يابومرام المراره صعب تنذاقي=ولا الحلا كل خلق الله يحبونه
تشكي عليه وانا اعبرمن أعماقي=ويالله عسى رحلتك سهله وميمونه