لا صحت في برقا فزع لي ولد روق = ولا صاح روقي فزت عيال برقا

[وارث الطيب]

لا صحت في برقا فزع لي ولد روق = ولا صاح روقي فزت عيال برقا
عرقين من عرقٍ ولا غيرها عروق = والدم واحد لو فصايله فرقا
عتيبه الهيلا دوا كل مصفوق =عيالة العايل كمد كل خرقا
الله وهبنا شي ماهوب ملحوق =منه كبود اهل الهراطيق حرقا
الفزعه الي وسعة كل مخنوق =واليا رقة من فوق هامات ترقا
ماحنا بالي نعطي الطاق مطبوق = ولا حنا بالي ناخذ القل سرقا
حنا عطانا فوق الاطباق بطبوق = والا خذينا ناخذ الكل طرقا
تشهد مياسمنا على عاتق النوق = ورماحنا الي تزرق الكبد زرقا
حنا عتيبه لا بلا الله وجا عوق = من غرب والا من جنوبٍ وشرقا
ماهمنا لو خيلهم طوقها طوق = انشد وتعرف طرقا ويش طرقا
ماهوب قصور فالقبايل ولا بوق = في حق ناس طيبها شمس شرقا
حنا ترا عرقين ماحنا بعروق =الاد روق فعرق وفعرق برقا

الشاعر ماجد بن ضيف الله المقاطي

[خلف القثامي]

تشهد مياسمنا على عاتق النوق
ورماحنا الي تزرق الكبد زرقا


صح لسان ع الابيات الجزله والوافيه في عتيبه الهيلا ومخلفت الهقاوي



وابدعت في الوصف الشعري




ولاتحرمنا من جديدك

[أمير الجعادين]

مشكوووووووووووور وأنا خوك الله يطول بعمرك

[الذيب الثبيتي]

صح لسانك

قصيده جزله

[وارث الطيب]

اخواني:
خلف القثامي
امير الجعادين
الذيب الثبيتي

صحت ابدانكم بالنيابه ع اخوي ماجد وقريبا سينضم للمنتدى بأذن لله

[ابو ضيف الله]

صح لسانك يا وارث والطيب وصح لسان اخوك

ويسعدنا ان ينضم للمنتدى شاعر فحل اجتمعت فيه الحميا والشاعرية

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[أبو حمدان الهذلي]

أخوي ماجد
أنا أشهد بالله إنك نوماس
بيض الله وجهك
والله والسبعة أنعام بعتيبة الهيلا جميعهم برقا وروق
قصيدة تستحق عليها المدح والثناء
بل تستحق عليها جائزة بارك الله فيك وصح لسانك

[فهد العطاوي555]

السلام عليكم ورحمة الله وبركاته
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
بارك الله بك , شكراً أخي الكريم