ميقاف اهل عمهوج محد تناساه

[مشعل م المقاطي]

بسم الله الرحمن الرحيم

مـيـقـاف اهـل عـمـهـوج مـحـد تـنـاسـاه
إهــداء إلـى الـشـيخ / بـدر بـن نـايـف الـضـيـط

في مدح شيخ ٍ من شيـوخ ٍ مسمـاه *** بـدر ولـد نايـف رفيـع المقـامي
تسمو بيوت الشـعر ويطـيب معنــاه *** ويصير للشعر الفصيح احترامي
واما مدحـت اللي نهـج منـهـج ابــاه *** لاخير في شعري وكثر اهتمامي
بـدر بـدر بـدر السـعد طـيـب الـجــاه *** المدح في شرواه يبني سنامـي
الـضـيـط والـلـه مـا تـعـدد مــزايــاه *** نخوه وطيب ٍ شـاع بيـن الانـامي
والمرجله مــا طـاعت إلا للــشرواه *** كنه يقـود الـمرجلـه بالـخطـامـي
من طيب راسه تكسب الطيب يمناه***ومن طيب ساسه ما يجيه الملامي
هـداج تـيـما يــوم وقـتـه عـرفـنــاه***عد ٍ يبشر بالـروى كـل ظـامـي
والـيــوم هــداج المسمى لقـيـنـاه***بدر زبون الطيب نسل الكرامي
تفخر عـتـيـبه كــل مـاحل طـريـاه ***وتشوش لسمه بين كل الاسامي
واللـي لـياحـده زمـانــه تـنـاصــاه ***يلقا أبـلـج ٍ بالفـعـل والكـلامـي
وقفات بـدر الضيط من طيب مجناه*** من روس قوم ٍ يكسبون الجهامي
عـضيان يـوم الـوقت تـدرج رحـايـاه*** يحمون غيبة جارهم مايظامي
كم جندلو من شيخ وخذو رعاياه *** وخلوه فالماقف كسير العظامي
ميقاف اهل عمهوج محد ٍ تناساه*** لاكبرت الهيجاء وثار العسامي
حمايه البل فأول الوقت وأتلاه *** بالسيف والا بالفشق والحزامي
لعل بيت ٍ ماتذري ذراياه *** يجيه مع سود الليال الهدامي
وحنا قبيله نوصل العلم لقصاه*** هيلاً تهايل والنظر لأمامي
اسمن يشرفنا والبطل يوم سماه***عبدالعزيز اللي له الحكم دامي
اسيوفنا من ضرب الأعدى محنـاه*** في ماقف ماهوب برد وسلامي
لاجاء نهار ٍ ماتعدد ضحاياه *** ميقافنا واحد ما فيه انقسامي
برقا وروق ودرب الأخطار دسناه *** عوق الخصيم اللي بخشمه عرامي
الرجل منا مايخلي حمياه *** ميراث جدان وخوال وعمامي
وباق القبائل نعم محد ٍ جحدناه***كل ٍ بطيبه يستحق الوسامي
والله ما يجحد هل الطيب والله *** كود الردي اللي يسمى خمامي
واليوم في حكم ٍ علينا رضيناه ***في ظل حكام مشو بالنظامي
وتقبلو ما قاله معيض جهجاه *** والمعذره لن كان قصر كلامي

[فيصل الناشر]

اسيوفنا من ضرب الأعدى محنـاه*** في ماقف ماهوب برد وسلامي
لاجاء نهار ٍ ماتعدد ضحاياه *** ميقافنا واحد ما فيه انقسامي

ياسلاااام عليك يامشعل


صح السااااانك عدد بلا مدد

[مشعل م المقاطي]

ماعليش القصيده لم تنظم وناقصها ابيات الرجو العذر والسموحه سوف اعيد كتابتها وتنزيلها ومشكورين