هام للاداره وبقيه الاعضاء (ابناء قبيلة عتيبه الهيلا)

[ابو محمد الدعجاني]

السلام عليكم ورحمة الله وبركاته

اللهم صلى على محمد وعلى اله الطيبين الطاهرين واصحابه الغز الميامين واحشرنا معهم ليوم الدين اللهم امين.


اسعد الله صباحكم بالخيرات والمسرات اخواني الاداره من مشرفين ومراقبين واعضاء هذا المنتدى الذي نسال الله ان يجمعنا به على الخير والصلاح .


بصراحه هناك موضوع لابد ان يحسم الا وهو قسم انساب القبيله .

بما ان القبيله تتعرض لهجمه شرسه من بعد المزاين الى الان وخصوصا من اثارت النعرات القبليه بينها وبين القبائل ومرورا الان في انساب القبيله .

هذه مطالبه منا كابناء القبيله واعضاء في هذا المنتدى (منتديات عتيبه الهيلا) ان كل من يشارك في قسم انساب القبيله من طرح موضوع او مشاركه او مناقشه في نسب للقبيله ان يضع اسمه الثلاثي ايضا .

اسوة بقسم المحاوره .


وانساب القبيله اولى واهم من السنت الشعراء مع احترامي للاعضاء الموجودين . ولافي قصور بحقهم.


واتمنى ان نرا تجاوب من الاداره وهذا للضروره .

والله لا اخفيكم انني عندما قرات اعلان الاداره على وضع الاسم الصريح لكل شاعر يشارك بقسم المحاوره .


ورايت قسم الانساب من المهم ان يكون من يكتب فيه يكون بأاسمه الصريح

وجزاكم الله خيرا .

[ابو محمد الدعجاني]

السلام عليكم ورحمة الله وبركاته

مدري اخواني اظن ان المقترح مهوب في محله الشعر ابدى

يرفع بارك الله فيكم

[@ـايل]

لاوالله المقترح في محله ونص يابن غزاي ..

اقتراحك طيب من وجهٍ طيب

وهناك توجه للعمل بهذا الاقتراح

أبيض وجه

..

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[ابو محمد الدعجاني]

الله يبيض وجهك انت والاداره يالخال

والله الاقتراح ضروري ومن زمان يصير المفروض لكن قدر الله ومشاء فعل

لاهنت يالغالي

[علاي الحافي]

شاكرين لك

جهدك وقتراحك

[ألعتيبي فالح]

قسم انساب القبيله ..و تاريخ قبائل الجزيره العربيه ..قسم فرسان وامراء ..قسم معارك وبطولات

ولا ننسى قسم مشاهير القبيله في الوقت الحاضر ..هاذي الاقسام حساسه جدا ويجب على الاداره اتخاذ اجراء ...لقد شاهدت بنفسي في احد منتديات القبائل لا يسمحون لاي عضو المشاركه في ها الاقسام اللي ذكرتها الا بعد ان يرسل للاداره اسمه بالكامل وارقام تلفوناته ثابت وجوال ويتأكدون من شخصيته وبعدها يسمحون له بالمشاركه فيها..
فيه اشخاص يكتبون في ها الاقسام بهدف الشوشره على القبيله والتشكيك في انساب القبائل ..والبعض الاخر يأتي ليفرض كذبه ويجيب اسم عائله ليست من عتيبه ويقول انها من عتيبه لكي يضلل وقرات كم مره موضوع من هالنوع ...ولا فيه عضو الله يهديه ماني قايل اسمه يدعي انه يقرا في الانساب ومهتم بها وله فتره ينسخ من النت مواضيع مزوره وينقلها عندنا ويجيب كتب من النت الله يهديه .

انا مع اقتراحك ومؤيد بقوه بارك الله فيك وفي غيرتك على القبيله يا ابن غزاي

[مرزوق حمدان العتيبي]

..

.

اقتراح مفيد ومؤيد له

لاهنت
وان شاء الله يؤخذ من الاخوان القائمين على هذه الاقسام
مأخذ الجد...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابو محمد الدعجاني]

اشكركم اخواني وماتقصرون على كلامكم الطيب والاداره مهيب مقصره باذن الله


اخوي العتيبي فالح بيض الله وجهك على اطرائك الجميل

[خلف الروقي]

الله الله

اقتراح طيب من وجه طيب ان اشهد وهذا هو الأجدر والمهم فالاقسام القبلية هي قلب المنتدى

ومحل أنضار الزوار والقراء !


وهذا يعني من باب الحرص والاهتمام بها حتى نحفظ للموقع مصداقيته وكونها تمثل القبيلة


والله يافيه منتديات قبلية فيها من الخلط واللغط الشيء الكثير وكل من جاء كتب ومشى ومعرفات مجهولة!

لكن نلاحظ هنا في منتدانا فيه الكفاء الذاتية والحرص على تجنب المواضيع المخلوطه والمشتبه فيها

وهذا دليل على الأدارة الناجحة والتعاون بين الجميع


فمثل هذا الاقتراح ناجح وسليم لسمعة المنتدى والمحافظه عليها


بيض الله وجهك يابن غزاي الطيب ما يجي منه غير طيب

[ابو محمد الدعجاني]

الطيب وجودك يالغالي

لاهنت على كلامك الطيب