وشيخ بلا عانه ترى ماله حساب

[ابن منيع الزلامي]

[size=6]°ˆ~*¤®§(*§*)§®¤*~ˆ°يا ما حلى الفنجان بحضور الأصحاب
في مجلس والكل شره على الطيب
في مجلس ما به تفاريق وأحزاب
هذا ولد عمك وهذا لك اصحيب
ربع ليامنه غشى الزمل ضبضاب
قطاعة الفرجه على الفطر الشيب
ضياغم لامن بدا حزم كلاب
مركاضهم يشبع به الطير والذيب
لا حولوا لعيون وضاح الأنياب
الكل منهم وافياً بالتجاريب
ما حسِّبوا لمصرف القول بحساب
اللي مراجلهم بشذب العراقيب
يتلون أبوهايف ليا كلّح الناب
هو درعنا لا غيّصن الكلاليب
لنا كما عنتر وأبازيد وذياب
نبا نماريبه جميع الأجانيب
وشيخ بلا عانه ترى ماله حساب
وقوم بليا شيخ فيهم عذاريب
والبيت ما ينفع بلا أوتاد واطناب
ولا يقضب المحزم بليا مقاضب
يا هن يا اللي توصل العلم بكتاب
اذكر سلامي عند هاك الأصاحيب
لطامة العايل ليا ما الردي هاب
ما هم من اللي هوشهم بالمغاريب
يا لايمي لعل ترمى بالأسباب
ترميك خطلان العيال المعاطيب
من لامني في حبهم جعله إيصاب
في حب ربع ينطحون المواجيب
لا حولوا بنحور دقلات الأجناب
توادعوا ما عاد عنها تجانيب
تحاولوا في سهلة ماحدٍ غاب
والمنع يرفع ماحدٍ له مطاليب
والشيخ طاح وعديَّة عنه الاقراب
وقامت ترادي سابقه عقب ما صيب
من أيمان ربعي طاح فكاك الأنشاب
فكاك بالضيقات زمل الرعابيب
صاحوا عليهم لابتي والسعد طاب
احد ذبيح ومنهم احد مصاويب
هذا وصلى الله على سيد الأحباب
على النبي ما خط حرف المكاتيب°ˆ~*¤®§(*§*)§®¤*~ˆ°[/size]

آخر تعديل ابن منيع الزلامي يوم 24-Jul-2011 في 05:15 AM.

[محمد الذيابـــي]

صح لسااااااااااااانه

التوقيع

التوقيع محمد الذيابـــي

[الناصر العالي]

صح لسانك يالزلامي والله يبيض وجهك