قصيده في شيخ العبادل بن جبرين

[مطر العبدلي المطيري]

ياهاجس الشعر جاوقتك وحـان اللـزوم
عطني جزيل الكلام وخل عنـك الهـزال

اليوم انا من كثير الناس جتنـي علـوم
سوالف(ن)من رداهـا تافهـه ماتقـال

والي يروج لها شلة ضعوف(ن)رخـوم
يالله اناطالبـك تصيبـهـم بـالـزوال

والا رجـال الوفاءماينكـرون السلـوم
يحرمـون الحـرام ويعرفـون الحـلال

لايابن جبرين ياشيـخ العبـادل عمـوم
شيختـك بالماضيـات وباقيـه لاتـزال

اخذتها غصب بالشلفـا وزرق السهـوم
غصب(ن) على الي يدور للفتن والضلال

فعلك ورايك تفاخر بـه ثـلاث الجـذوم
وضربتك منها يطيرن الكلـى والطحـال

يوم ان غيرك ينصّب بالرتب والختـوم
انتم بالامجاد اخذتوها علـى كـل حـال

انتم شيـوخ العبـادل لوتطـول العلـوم
والشك زايل وغير العلـم هـذا محـال

وحنا على جنبك الايمن سوات الحـزوم
حنا العبادل رجالك مـن خيـار الرجـال

نفخر بكم من هنا ليـن القيامـه تقـوم
ياعيال مبلش هل الطاله كـرام السبـال

والـي يحـاول يفرقنـا عسامايـقـوم
عساه يفداك ياشيـخ الهمـم والخصـال

الشله الـي دعاويهـم عليهـم شئـوم
رويبضه مالهم بالمجـد فعـل(ن) يقـال

والقافله سايـره لـو الحوايـم تحـوم
ماهمها كلمـة التافـه قصيـر الحبـال

العلم واضح وضوح الشمس مابه غيوم
وبعض التخبط ترا ياناس مالـه مجـال

والي تحلـم يـزور مفسريـن الحلـوم
ويصحى من الغفوه الي توصله للهبـال

يانايم اصحا وطالـع للسمـاء والنجـوم
اسلك طريق الصحيح وخل مشيك عدال

ماانته مغير حقايـق لوتطيـح وتقـوم
لكن فـي هالسوالـف لايطـول الجـدال

والله يطول عمار اهل الهمـم والعـزوم
الي ذراهـم يـذري مـن قديـم الليـال



عبدالرحمن بن غلاب

[محمد ابن رووق]

ونعم يستاهل الطيب



لاهنت

[مطر العبدلي المطيري]

معليك زود تشرفت بمروك

[عطاوي مطنوخ]

صح السان الشاعر وشيخ عبدلة بن جبرين يستاهل كل علم غانم

[محمد الذيابـــي]

ونعم بالعبادل وبشيخها ابن جبرين

التوقيع

التوقيع محمد الذيابـــي

[مشاري الحبردي]

ونعم في الجبارية من روس قوم شهدت لهم العرب .....

وصح لسان الشاعر بن غلاب

[مطر العبدلي المطيري]

لاهنتم على ردود لجميع

[مطر العبدلي المطيري]

معليكم زود

[ثنيان المطيري]

صح لسانك .......

[سلمان المرشدي]

«®°·.¸.•°°·.¸¸.•°°·.¸.•°®»والله ومليون نعم يابن جبرين وخوالنا العبادل انتم اهل الاوله حاظر وماضي

وصح لسانك يابن عباد«®°·.¸.•°°·.¸¸.•°°·.¸.•°®»