عايض بن سعود بن سعد العليجي العصيمي الملقب بـ(عايض أبو جنيه ). وكان والده يلقب بـ(سعود الطويل).
كان يعمل عايض أبو جنيه ضابطا في مباحث الرياض, عندما أشدد عليه المرض ذهب للعلاج في ألمانيا فعندما أشتاق لوطنه وذكر من خلفه من الصغار قال هذه القصيدة:
يالله يافـارج همـوم ٍ ليـا جــن=ياواحد ٍ فـوق السمـاوات عالـي
يارافـع سبعـا وسبعـا بسطـهـن=ومرسى الجبال الشامخات العوالي
يامحصي ٍ خلقه من الانس والجـن=وأخرجت يوسف من جبا جو خالي
واصبح بريّ ٍ مـن خطايـا يكـادن=الأولـه واللاحـقـات التـوالـي
افرج لمن كنّه علـى اللـي يقالـن=جمر الغضـا لازاد فيـه اشتعالـي
وادموع عيني فوق حجري يصبّـن=تشدي غروب تحت هجف المحالي
دايـم علـى خـدّه وعينـه يكفّـن=مثل المطر مـن مستهـل الخيالـي
وليـا سألـت إعيوننـا وشبلاهـن=جات الاجابه قبـل فتـح السؤالـي
امس الضحى في دار واليوم مع من=إمـع اليهـود محرّميـن الحلالـي
في دار هتلـر مانعـرف المـؤذ ّن=دار ٍ عساهـا بالمحـى والزوالـي
ياعيد ماصبركم على ديـرة الجـن=لا أخوان لاعمّان لا مـن خوالـي
عزّي لكـم ياعيـد مثـل المسجّـن=وأنـا بعـد ياعيـد عـزّي لحالـي
عقب الجماعه جالس ٍ في بلد مـن=لاحـدٍ مسفّرنـي ولانيـب جالـي
ياعيد لـو تعـرف فـروخ ٍ يلجّـن=فـي دارنـا مايدركـن النـوالـي
قصار ريـش ومالـك الله يطيـرن=حب تحت ربّ ٍ عزيـز الجلالـي
ويانجر يامشكـاي عينـك عليهـن=وخلّك عليهن مثل وصف الظلالـي
وياسعود ظنّي فيك لاتخلف الظـن=إتروف بخوانـك سـواة العيالـي
حـاذور لامـرّوك ناديـت ياهـن=وتميل مع بقعى علـى كـل جالـي
وأوصّيك ياهنـدي وصيّـة عليهـن=أنت الولي والله علـى كـل والـي
أرفق عليهـن ليـن حتـى يضفّـن=وآمر عليهـن بالرضـا والعدالـي
وإفطن لهـن ياذيـب ليـن يتعشّـن=ولايمرحن الليـل والبطـن خالـي
حتى يجـي يـوم خواتـك يقومـن=أنت اللذي تربح وانـا راس مالـي
واسلم وسّلم لي على من نشد عـن=وقلّه تـراي بـدار ساكـن لحالـي
ماعنـدي الاّ قـوم جـنّ ٍ تراطـن=لاحد ً يسـال ولايجيـب السؤالـي
وعيونهـن زرق ولاأدري وشنهـن=يحرم عليهـن سترهـن والجمالـي
وجدي على شوف الهضاب يتزامن=دار ٍ سكنّـاهـا قـديـم ٍ وتـالـي
إديارنا فـي نجـد محـروم ينسـن=أمٍ غلاهـا مـن وراء كـل غالـي
وزواجها مـن جدّنـا سنهـا سـن=على الشريعه واشقر الـدم سالـي
يوم إنحدر بجموعـه اللـي تبـارن=من حـد بيشـه للمدينـه شمالـي
وعزّم ولـزّم للمعـارك يخوضـن=ماهمّـه اللـي قاعـد ٍ بالتـوالـي
حتى سكن في نجد غصب ٍ بلامـن=وإحتـل دار مكرّميـن السبـالـي
من بعد خيل وجيش للشيـخ يهـدن=خلّـوه عـن داره يشـد الرحالـي
ربعي تـرى عتبـان ياقايـل ٍ مـن=اللـي تكـرّم ضيفهـا بالخيـالـي
ذبح المربّـي عندهـم دايـم ٍ فـن=هـذا بعـد تقديـم كيـف الدلالـي
لاجيـت مجلسهـم لـزوم ٍ يلقّـن=ماحسّبـوا فـي دقهـا والجلالـي
وياعيد ماأرسلنا التذاكـر يحجـزن=ماغيـر أعـد أيامهـا والليـالـي
متى نوادعكـم إليـا جـن يمشـن=ومتـى تحلـق بالسمـا ياطلالـي
حتى نجي بديار من يحـرق البـن=سواة ابو يونس صديقـا ً صفالـي
ابـو محمـد يـوم عنـدك تلافـن=وجيه النشامـى الطيبيـن الغوالـي
بلّغ سلامـا ً مرسلينـه بـلا مـن=بأفضل تحياتـي لهـاك الرجالـي
عندما سمِع الشاعر / محمد بن عبود العصيمي قصيدة عايض بن سعود كان لها في نفسه بالغ الأثر
فقال هذه القصيده مجاراة لقصيده عائض سعود :
ابدأ بذكر الخالق اللـي لـه المـن=الخالـق المعبـود رب الجـلالـي
الخالق الـرازق محصـي ثقلهـن=عـلاّم مـاب الكـون أوّل وتالـي
هات القلم واكتـب بيوتـا ً يشوقـن=من صدر ابن عبود مثـل الزلالـي
بيوت ٍ على صدق المحبـه تبرهـن=تنقد كمـا نقـد الذّهـب والريالـي
أغلى من الدولار واغلى من اليـن=للصاحب اللـي للمواجيـب شالـي
ابو سعود اللي على الجـار يومـن=عسـاه يرجـع للوطـن والعيالـي
شـال الحمـول الكايـده ماتوّهـن=عسـاه يسلـم مايجيـه الهـزالـي
يابادع القيفـان بالشعـر لـك فـن=انته حكيـم وكـل قولـك عدالـي
حرّكت مكنون الحشـا ياولـد مـن=اللي لـه الطالـه كريـم السبالـي
خواطـرك جتنـا وللقلـب يشقـن=هلّت دموع العيـن مثـل الخيالـي
بكّيت وابكيت العـرب فـي بلدهـن=حيثك رقيق القلب حيـن السؤالـي
اصبـر وخلّـك للمقاديـر مؤمـن=الصبـر مفتـاح الفـرج والكمالـي
ارفع يديك لخالـق الكـون واهتـن=يعطيـك مطلوبـك وكـل النوالـي
لاتشتحـن لفروخـك اللـي يلـدّن=يم الرحيم اللي على الكـون عالـي
لاتشتحن ياشيـخ وللنفـس تشحـن=تحمّـل المكتـوب يابـن الرجالـي
الكل في خدمتـك يامحـرق البـن=قوم ٍ تشيل الحمـل مثـل الجمالـي
اولاد عتّـاب صـواريـم يـهـون=أهل المهار اللـي تجيـب المثالـي
هيلا ً تهايل فـوق الاضـداد تنجـن=ترسي كما ترسي رواسي الجبالـي
اسيافهـم مثـل البـروق يتواشـن=يذكرهـم التاريـخ لاجـاء مجالـي
قوم ٍ تعـز الجـار وتكمّـل الفـن=صولاتهم صوب اليمـن والشمالـي
ولهم مع المشـرق تواريـخ يقـرن=والغرب يذكرهم على كـل حالـي
تذكـر لنـا زرق العيـون المفتّـن=في ديـرة مالـك بهـا راس مالـي
ومادام لك صدّه عن الخمـر لاجـن=نرجو لك التوفيـق ونيـل المعالـي
عسى عوضك الحور لامرك يطيعن=عطا ً مـن الخـلاّق رب الجلالـي
حنّا بدار اللـي لـه الخيـل يهـدن=ابن سعـود اللـي حكـم بالعدالـي
سيفه على حزب الضلالـه ممكـن=حامي حمى البيتين من أهل الضلالي
وصلوا على اللي علم الانس والجن=المصطفى المختار لاجـا المجالـي
وهذه قصيدة الشاعر الكبير مطلق بن حميد الثبيتي مجاراة لقصيدة عايض بن سعود :
ياراكب اللي يـوم نفّاثهـا حـن=تسبق قمر عشرين وقت الزوالـي
طيارهـا فنّـي وطبلونهـا فــن=ويازين للنفـاث فيهـا اشتعالـي
ياكن تحت إجناحها يضحك الجـن=ولاصواتهم تحت الجناح إجتوالي
اثقل على كبد الثرى من مية طـن=وأخف من ريش الوحش فالعلالي
منوة غريـب لاذكـر ديرتـه ون=وجاته همومه من يمين وشمالـي
ملفاك رجل ٍ عادته يحـرق البـن=والنجر يعول وبين صبح الدلالـي
في مجلس ٍ مافيه تهمـه ولاظـن=ياماذبح للضيف من كبـش غالـي
يرسي كما يرسي مكانه جبل عن=معروف لو صكّت عليه الجبالـي
ابو سعود إليـا الركايـب تلافـن=قدّم لاهلهن كيـف مـرّ ٍ وحالـي
وإليا عطا يعطي عطايا ً بلا مـن=ماتعرف اليمنى عطايـا الشمالـي
قلّـه تـرا غبـر الليالـي تقافـن=واقبل سعدك وعنك حملك يشالـي
لاتثّـر العبـره ولاتقـرع السـن=أطلب وحنّا لك خـوان وعيالـي
والنفس عن شطحاتها عنّهـا عـن=عن ّ الفرس بمثولثـات الحبالـي
أنته عتيبي مانت هن ّ ٍ ولـد هـن=ممدوح لن جا للسوالـف مجالـي
ربعك عتيبـه والتواريـخ كتبـن=كيد العـدا وامكرميـن السبالـي
كم فـارس ٍ خلّـو بناتـه يونّـن=عليه واسي مجلس الشيخ خالـي
ستر الخوي والضيف والجار يأمن=في ضفهم مـن خاينـات الليالـي
ياما تمنّـى موتهـم نـاس لكـن=زادوا وزادوا بالوفـا والكمالـي
ياجاذب الطاروق في مدحهم غـن=تطرب وتطرب لك قروم الرجالي
يابوسعود الفكـر تايـه ومنجـن=يبـا يسيّـر يمـكـم ياحـلالـي
سلّم على هتلـر وسلـم عليهـن=إمكحّـلات عيونهـن بالـدلالـي
وسلامتكم,,, تحية للجميع
« آخـــر الـــمـــشـــاركــــات »
10-Sep-2011, 01:47 AM
عايض أبو جنيه ومطلق الثبيتي وابن عبود
العرض العادي
