ابيات الصداقة

[بيت القصيدة]

هذه الابيات قلتها معاتبا بها أحد الاصدقاء الأعزاء عندما تأخر عني بالزيارة ووجهتها لبنه الصغير

قيس والمعني هو الأب

يابو فهد كرر سلامي على قيس = صديقي اللي باخل (ن) بالزياره
وقله ترا قولت نعم والنواميس = صعبة على اللي جالس (ن) وسط داره
يحوشها غمر(ن) بعيد المراميس = يبطش ولايحسب حساب الخساره
وياقيس حذرا لا تخاو الهداريس = من رافق الرديان ينقص وقاره
وعلى المراجل كرس الجهد تكريس = واحذر تزل ابك القدم فالخباره
وانته مدرس ماتبي زود تدريس = ابوك قدوه لا تخالف لشاره
انته ولد شغموم ماهو دنيفيس = عونن لربعه ولخويه وجاره
محرق على كيف النشاما المحاميس = يعطي على شوف المسير بشاره
وختامها طابة لياليك ياقيس = لو منت غالي ماطلبتك زيارة