الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 08-Aug-2009, 06:19 PM رقم المشاركة : 1
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

Thumbs up ديوان الشاعر / محمد بن رشيد الزراقي العتيبي

السلام عليكم ورحمة الله وبركاته



أسعد الله مساكم بكل خير



أطرح لكم ديوان أحد شعراء منتدى الهيلا المميزين

شاعر إذا بحثنا عن الجزاله فإنا نجدها في كل بيت يكتبه

وإذا أردنا الصور الشعريه النادره والجميله وحسن التوظيف

فشاعرنا هو من أجادها

إنه الشاعر المبدع / محمد بن رشيد الزراقي العتيبي

فـ هنيئا ً لكم بـ هذا الديوان " المشبع " لذوائقكم





القصيده الأولى : يا شمس



ياشمس مال الغروب لطلتك داعي =عليك وجه السماء من غيبتك زرقا
اليا غربتي عليه زادت اوجاعي =واليا شرقتي ذكرت الفاتن الطرقا
شعاع نورك يصحي النـايم الواعي =وسواد ليلك يعـم الغرب والشرقـا
ياشمس لو شفت مدخالي ومطلاعي =ماكـان عنــاني المنـزال والمرقا
ولاكان فارقت مصيافي ومربـاعي =لو يجرح القلب طاري لوعة الفرقا
اختار قربك واجيك وتطرب اسماعي =اليا تغنت على أغصان الشجر ورقا
وارجع وانا اقول مال ألغيبتك داعي =مادام نورك جرح وجه السما الزرقا




القصيده الثانيه : جيش ابرهه


الليله الليله سبكت القاف والمعنى سبك = ووجهت قافي والقصيده كلها لاطيب جهه
تغزيني الافكار ياشعري واجيلك واحسبك = تاقف معي وانت اتهجم ضدي مثل جيش ابرهه
كم ليلة ٍسريتني مسرى الذياب اعسبك = بين الحنايا عن رسوم ٍ فالخفوق امدهدهه
ورقيت بك للمجد والعليا وانا ماهسبك = عن الطريق المستقيم ومن يقفي ما اندهه
وانجحك لو ان مدرسة الحياه اترسبك = وافزع معك مثل الدويش اليا فزع للمندهه
وانا غني لوكان ما املك شي من اسهم سبك = عندي قناعه والسنين اللي تدور امنبهه
واليوم ياللي طيب ٍساسك وطيب منسبك =ارسلت لك والرد جيبه والقلوب امولهه
خابرك تاجر راس مالك مايضيع مكسبك = منته غشيم ٍ كل ماسمع النصيحه قال هه
صعبتها والصعب شي اتناسبه وايناسبك = والغانم اللي لن ورد يارد على عد ٍ رهه
هذي بيوت الشاعر اللي يسبك المعنى سبك = ومن طيبها دايم يوجهها على اطيب جهه




القصيده الثالثه : قصايد شعر



ياصاحبي قول لي وين انت لك مده=غايب ومغلق عن الارسال جوالك
صديت واقفيت مدري ويش هالصده= يالله عسى خير فأقفايك وفأقبالك
انا انتظروالصبر مني وصل حده= وانته ولاكنني مطري على بالك
ياصاحبي فالرخا اسأل عنك والشده=واشتاق لمقابلك واسأل عن احوالك
غلاك محفوظ في صدر ٍ حفظ وده=ولاباح سده يكود الا لك الحالك
بيت الغلا ابنيه لك فالقلب ماهده=وبين الحنايا تعرف اليوم منزالك
ان كان تطلب طلبك اليوم مارده=وان كان تقبل قصايد شعر تهدالك
وان كان في خاطرك علم ٍ خفا بده=لابد الايام تصفالي وتصفالك
وان كان ناوي الفراق وناوي الصده=ماقول لك غير فال الله ولافالك





القصيده الرابعه : من وين أببدأ ( إهداء إلى الشيخ مرزوق بن لفا الذيابي )



من وين ابا ابدى واكتب الشعر من وين=وانا اسمـع الليلـه بصـدري قنيبـه
قنيب ذيـب ٍ فـي علـو الضلاعيـن=لج الجبل واهتـز مـن صـوت ذيبـه
كنـه يقـول الليلـه اللـيـل ليلـيـن=وكنـي اقـول اللـي تجيبـه تجيبـه
وبدعـت طاروقـه وغنيـت بيتـيـن=وانـا خصيـم القـاف وانـا طليبـه
والشعـر سيـف ٍ فالمواقـف بحديـن=ومـا ينعديبـه فالطـلـب ينبديـبـه
ويازيـن نظمـه فالرجـال المديحيـن=اللـي يحلـون الامـور الصعيـبـه
هذاك ابو خالد علـى العسـر والليـن=ريف الضيوف وعـون مـن يلتجيبـه
مكرم ضيـوف الله لياجـوه ناصيـن=وعنـد العـرب لـه مقدريـه وهيبـه
كرم وحسـن اخـلاق والاول الديـن=وياطيب من مبني على الديـن طيبـه
ان مر ذكـره قالـوا النـاس نعميـن=من شبته ليـن اصبـح اليـوم شيبـه
اخـو حنيـف ونعـم والله ملايـيـن=بحنيـف واخوانـه ومـن يعتزيـبـه
رفيقـي الوافـي طليـق الحجاجيـن=عـز القريـب اليـا اعتزابـه قريبـه
وقت الطلـب يفـزع ووقفاتـه اتبيـن=ولا يلحـق المقفـي بنمـه وغيـبـه
له فزعة ٍ تستـر مـن طيبهـا العيـن=ولـه وقفـة ٍ عنـدي تعـادل كتيبـه
وعندي على قولـي شهـود وبراهيـن=وهذي تـرى ماهـي عليهـم غريبـه
اموثقـه بالفعـل بشـهـود عدلـيـن=من حـرب والا مـن قبايـل عتيبـه
من روس قـوم ٍ فالمواقـف شجيعيـن=تاريخهـم مافـيـه شـكـه وريـبـه
الاد ذايــب طيبـيـن القـوانـيـن=ضد الحريـب اللـي يعـادي حريبـه
وربعـي ذوي زراق لطـم المعاديـن=وزبن الدخيل عـن السنيـن العصيبـه
عدونـا نسقـيـه مــر الامـريـن=باللـي مضاربهـا العظـام الصليبـه
وخوينـا نبقـا مـعـه دوم وافـيـن=ونبشـره بالنصـر عقـب الغليـبـه
وفي راينا نشبـه صفـوف المصليـن=وعـن فعلنـا لاجيالـنـا ينحكيـبـه
وان جا اختلاف وعود الـراي راييـن=ناقـف لصكـات الزمـان الرهيـبـه
يشهد لنـا التاريـخ والنـاس داريـن=انـا طبيـب اللـي يـدور طبيـبـه
وانـا ولـد شيـخ ٍ يعـدل الموازيـن=يـوم ٍ ولــد الــلاش مايندريـبـه
شيخ ٍ رقـا للمجـد والمعرفـه ليـن=وصـل بفعلـه للنـجـوم الرقيـبـه
بنا لنـا مجـد ٍ مثـل سـور برليـن=ومثبتـه مابـيـن مـكـه وطيـبـه
واكبـر دليـل اننـا مابيـن الحرميـن=ننعـم بأمـن وسـط البـلاد الحبيبـه
وختامها قولـوا معـي قولـوا آميـن=انـه علـى مـاقـدم ألـنـا يثيـبـه





القصيده الخامسه : غالي ويستاهل




الله على اللي قيمته ربع مليون =جيب ٍ جديد من الجيوب الجديده
غالي ويستاهل على مايقولون=وهذي السنه يمكن وكيله يزيده
من وارد اليابان منتج ومامون=واليوم شايف صورته فالجريده
ابداع فالتصميم والشكل واللون=فريد نوعه والمزايا فريده
شاشه وكاميرات مثل التلفزون=تكشف لسواقه مزايا عديده
وامثبته علامته فالدركسون= تشبه لدوار ٍ بمدخل بريده
حرف ال يعني جيب لكزس ومضمون= مايشتريه اللي قليل ٍ رصيده
هو منوة اللي للفخامه يعشقون=وناوين به طوي الفيافي البعيده
والا ليا شافوا لهم برق ومزون=وعن الحيا جاهم علوم ٍ اكيده
وتواعدوا على السفر بالتليفون= ومن طيبهم دايم والارياء سديده
عن ضيقة الخاطر ليالي يسجون=وكلن مجهز للمسافه قصيده
ايقصرون البعد بطروق ولحون=واللي يغني البيت واللي يعيده
اما على طرق ٍمغنيه ابن عون=والا لبن جدلان راعي النشيده
هذي طراة العمر ياللي تمنون=وكم واحد ٍهذي مناته وعيده
وباقي الحياه احلام وامال وضنون=وانا اعتبرها اعراب جمله مفيده
دنياً تناطحنا بلا راس وقرون=وحنَا نقابلها بروس ٍ عنيده
احد ٍ يصارعها من الالف للنون= واحد ٍ مقيدته واحد فك قيده
دام الاجل مكتوب فالرزق مضمون=والادمي قانص والارزاق صيده
والناس لو يبنون والا يهدون = ماقاوموا صفق الرياح الشديده
ولو للردي مال ٍ مثل مال قارون=روحه ماهي من ثروته مستفيده
ان مات مات بذل وان عاش مغبون=لاموت عز ولا حياة ٍ سعيده
واهل العقول الواعيه مايغرون = ويجهل بها اصحاب العقول البليده
يالله هونها على القلب وتهون= ياخالق ٍ خلقه ورازق عبيده
صار ال زبيده راي في عهد هارون = ولولا الخليفه وش تعود زبيده
ولو مصر ماتحزن على موت فرعون = مالوّح السادات للشعب بيده





القصيده السادسه : علم ٍ غريب



البارحه مدري وش اطرى عليه = علم ٍ غريب اطرى وكدر مزاجي
من شدّته طاح القلم من يديّه = ومسكت بأبهامي طوارف حجاجي
ماكنّي الا منكويلي بكيّه = والا مريض ٍ ما لقاله علاجي
والا قريص بسم عقرب وحيّه = واللي تجرّع سمّها كيف ناجي
ضاق الفضاء والكون شمسه وفيّه = وصار النهار بناظري ليل داجي
وسرحت بالتفكير في مهميّه = اجاهد النفس الحزينه واناجي
الخالق المعبود رب البريّه = عالم بما في داخل الصدر لاجي
يفرج لمن يرجيه صبح وعشيّه = ولا هو لغيره فالمخاليق راجي
من ضيقة ٍ بين المحاني خفيّه = بأسبابها جاء فالضلوع انعواجي
اكنّها والنفس ماهي خليّه = فيها من اصدوف الليال انزعاجي
والعبره اللي فالعيون الشقيّه = طفت بقايا فرحتي وابتهاجي
ان جيت ابا اسكبها بنفس ٍ رضيّه = واشعل على الامال شمعة سراجي
حارت مابين ارموشها الهاشميّه = ولا همّها من وقفتي واحتجاجي
واليا تبقّا من كلامي بقيّه = يوم انطقه كنّه صدى أمر ٍ مفاجي
اشدّ من ظلم الخوي ال خويه = وأمّر من فرقا عقاب العواجي
هذا حقيقة علم ٍ اطرى عليّه= ولابد للضيقه من الانفراجي





القصيده السابعه : مجاراه لقصيده للشاعر ناصر المرشدي




الله على بعض العباد اينطّر=اللي يسولف بالكلام الخاطي
بيح كنين العاقل اللي وطّر=وفتوق قلبه منه ماتنخاطي
ماقط لاعشاء ولاقد فطّر=ويذم ابو عاطي ويمدح عاطي
وقولة نعم عن سمعته متخطّر=ولاله مع اهل المعرفه مقلاطي
جعل الخيال اللي سحابه قطّر=يسقي من الدمام لين ارهاطي
دار ٍحموها اهل السيوف العطّر=وساد الامان عن الظلام الغاطي
عن فعلنا التاريخ فيه امسطّر =ميقاف روقيٍ فزع ومقاطي
واليوم وقت الاغنياء والبطّر= عزي لحال الجند والضباطي
وفالمدرسه مايرسبون الشطّر=من عهد عاد ودولة الاسباطي
وانا احمد الله ماتضيق (الخطر)=البيت بيتي والبساط ابساطي






القصيده الثامنه : الخطوه المكتوبه






ياهواجيس الضماير فزعتك مطلوبه = افزعي مفزاع يامي ينتخي له يامي
لك خوي ٍ صاحبه ماقصر ابماجوبه=ولك عشير ٍ للقصيد الجزل جايع ضامي
ان نوى المنهاج دايم ماتضيق ادروبه = يطوي البيدا ويسبح كل بحر ٍ طامي
والمخايل ماتطفي ناره المشبوبه = منهجه سامي وتاريخه وفعله سامي
كل ماتطري عليه الجادل الرعبوبه=قال طاب الفال وايام السعد قدامي
وانت ياللي جيتي عندك ماهي محسوبه = منت لا خالي ولا انته واحد من اعمامي
سيرت بي في ديرك الخطوه المكتوبه=لين شفت المرقب العالي لغيري زامي
صاحبي لو ان خلان الرخاء باروبه = لو نظامه يختلف ما اخلفت معه انظامي
لو من يذنب ومن يخطي يحسب اذنوبه=ماتعنا اللي حلم لمفسر الاحلامي
ومن نسى جرح الزمان اللي ستره ابثوبه = ماذكر مايحفظه له ماضي الايامي
قلتها من صدري اللي ماصفاء مشروبه = من مشاعر صادقه ومصدقه بأبهامي
القصايد في حنايا اليعربي مكتوبه =وان تغنا اليعربي بالشعر ماينلامي
ان تركها من يرد احقوقه المسلوبه = وان كتبها مارضى تنكيسة الاعلامي
لو انا روحي عليها لي سنه مغصوبه =قبل تحقيق الامل عيا يصيب الرامي
ودي اكتبها قبل لعلن واقول التوبه = وودي اقراء ماتخطه فالكتاب اقلامي
في عذوبة شعر مشعان وجمال اسلوبه = وفي سعة صدر وكرم ضيف الله الغنامي






القصيده التاسعه : برق و رعد وغيوم





الا ياقصيدي شدّ حيلك عداك اللوم = انا خابرك حر ٍ تحكٌمه مسابيقه !
الك ماكراً ماهو بماكر طيور الحوم = جبال الحجاز / العاليات وشواهيقه !
ابا انخاك واستفزعك وارقابك المزموم = واغني وأعدّي وابدي الرجم واويقه !
على شان ماودي يجي فالعلوم اعلوم=ابا صدّ واغني القصيد وطواريقه !
و ابا ابعد بعيد ولو بين الضلوع اوسوم = طوتني وزادتني وانا البعد ماطيقه !
عن الواقع اللي زاد فوق الهموم اهموم = وقلبي يتلّه لين قطّع معاليقه !
انا مارضيت ابديك ياسري المكتوم = ولا اطرى علي افكّ محكم صناديقه !
مدام ان جوّي فيه برق ورعد وغيوم != ابا زيد قفله قفل وآزيد تغليقه !
انا من ثلاث اسنين مرّت ليا هاليوم = وانا فالصدر تكّه وفي خاطري ضيقه
مغير اتصبّر لو ماني قليل اعزوم = وألي شرهة ٍ فوق الزمان ومطاليقه !
الا يازماني فيك ياما حلمت احلوم =ولا فيه حلم الا تمنيت تحقيقه !!
هذا حلم من دونه يطيح الامل ويقوم = وهذا حلم ياصعبه / وياصعب تصديقه !!
ياليت الاماني تستويلي بحب اخشوم = مدام ان حظي معك قلّت توافيقه !!
وياليت الطريق اللي على جانبيه ارسوم =يدل الغريب اللي طواك / و نشف ريقه !
ياباهي الوصوف ان كنت من شوفتك محروم = ماكنت اتوقّع تقبل الهجر واتميقه !!
لو انّك بعيد ودون وصلك وعر وحزوم = اجيلك / وقلبي مايخون ابمواثيقه !
ولكن حالوا بيني وبين قربك / قوم = ماتسعى للم الشمل / تسعى لتفريقه !
حسيبي عليك الله / ياحظي المقسوم = وحسبي على ماصار لي من مخاليقه !!




القصيده العاشره : لوية ذراع





ياوقت لا تلوي ذراعي وانا اشوف = حاول تجمّل قبل تلوي ذراعي !!
مامنك امان ولا ورى وقفتك خوف = وعرضتني جرد الفجوج الوساعي !!
وغزيتني بجيوش ورماح وسيوف = وحديتني على حلوق الافاعي !!
ياوقت بردك عنه مايدفي الصوف = ومن قوّ حرّك بارد الثلج ماعي !!
فيك ايتغيّر كل ماكان مألوف = واخلفت ضني وامتداد انطباعي !
وأن جيت ابا اكسب فيك طيّب ومعروف = ضاعت معك كل الطرق والمساعي !
وممّا يمر البال من درس ويطوف = مافادني صبري وحسن استماعي !!
وأن قلت جعل الصبر طيّب مخلوف = ضاع الامل . واللي ورى الضنّ ضاعي !
وعودّت واعدايه طوابير وصفوف = وسلّمت مفتاح اللقاء للوداعي !!
وجنّبت عن درب ٍ بالاخطار محفوف = وتركت علم ٍ/ ما لطاريه داعي !!
لو كان ماني فأكثر الناس مكلوف = اللي تضحّك لي بضحك ٍ صناعي !
ماني عن الطيب وهل الطيب مكتوف = امجرّب الدنيا ومدرك وواعي !!
وأدرى على الرفقه مع الوقت واروف = وأرقا بأهلها من من طمان ألـ / رفاعي !!
ولاشلت هم ألـ /كل جاهل وملقوف = ويصد ّ هجمات الاعادي دفاعي !!
ومن راح ما ألحقته مشاريه وحسوف = ومن جاء يحصّل نجدتي من ذراعي !!






القصيده الحاديه عشر : إهداء للشيخ جامع بن عبدالعزيز بن جامع




ياللي تبيع وتشتري وتسوم= الرخص في سوق الغلا مذموم
واللي طراله في ضميره طاري = قدام ينزل فالكلام ايشوم
عليه بالجزله ويتعب حتى = يرقا ويبعد في سماه الحوم
وان كان مايقدر عليها يصمت = والصمت عن بعض الكلام ايدوم
وان كان جاته مخطيه في مجلس = عن اللغاء وبعض العلوم ايقوم
ماهو بعيب اليا سفهت المخطي = العيب تبع اعلومهم بعلوم
(الذيب ماياكل لحم ذرعانه = والحر ماخاوى فروخ البوم)
وانا ليا مني بغيت اغني = الحمد لله مالحقني لوم
اقول علم ٍ من سمع يطرب له = ماهي خرابيط وهروج ارخوم
الطيب منهاجي وانا ضاريبه = يوم ان احد معطى واحد محروم
من شبتي وانا عليه موصّى = من راس ابوي وجدي المرحوم
ومن روس قوم ٍ تحتمي ماقفها = اهل قناء واهل وفاء وسلوم
اعتيبه الهيلا ذراي وربعي = زبن الدخيل وللعدو اخصوم
افخربهم بين العرب واماري = وعدوهم مايهتني بالنوم
الهم قصيدي كلبوه امعطر = بالمسك والريحان واليشموم
واجمل قصيده من بنات افكاري = كتبتها ثالث ليال الصوم
ياراكب اللي لن نويت الطرقه = يطوي مسافات ووعر وحزوم
جيب ٍ جديد امن الوكاله طالع = ماورده متبول والجمجوم
لكزس رهيب من الموديل التالي= عليه من عبداللطيف اختوم
اليا اشتغل صوت ادراج اسيوره =تبعد هموم اللي عليه اهموم
منصاه شيخ ٍفاللزوم امجرب = منصا الرجال ونصرة المظلوم
جامع ولد عبدالعزيز الجامع = اله بياض الوجه يوم ودوم
ابوه تاريخه مخلّد فعله = يوم اجتماع الموعد المرسوم
ضيّف عتيبه كلّها واكرمها = قولوا لحاتم جاء لحاتم توم
حلم ٍ تحقق له وربي عانه = وفعله يشرفنا مابين القوم
الله يخلد فالجنان اعظامه = ندعيلهم في كل ليل ويوم
وختامها بأزكى صلاه اصلي = على النبي الهادي المعصوم





القصيده الثانيه عشر : فالامر خير




الصبر للعبد خير / وجعل فالامر خير = وماقدر الله على عبده بعينه يراه !!
والموت غيّب كثير / وفي انتظاره / كثير = واللي يصلي على ميت / يصلىّ علاه
يبا يموت الكبير ويقتفيه الصغير = والطفل / يمكن يموت ويسبق امّه واباه
ماعنه والله مفرّ / ولاش منّه مطير = سنّه من اللي بسط أرضه/ ورافع سماه
شف حكمة الله حتى فالغني والفقير = سواسيه فاللّحد من دون مال ٍ وجاه !!
لافرق فالقبر مابين الملك / والوزير = الفرق فالآخره . بأعمالهم فالحياه !!
الله واكبر اذا / لاقيت نفس المصير = ويالله عفوك . وعبدك مبتهل في دعاه !
يارب انا عبدك المذنب . وجايك كسير = مالي اله ٍ سواك اقدر ألوذ ابحماه
ياكثر ما اخطي / وحملي من ذنوبي كبير = وياكثر ماطعت نفسي واللعين وهواه
ايجرني للهوى واللهو / سلك الحرير = ولاتذكّر الموت غير اليا سمعت بوفاه !!
وان مت ماني بلا .. الأول ولاني الأخير = هذا امر ربي على روحي وهذا قضاه !
مؤمن . بربي وجاني في حياتي نذير = وقلبي على مافقد يالله تحسن عزاااه !!
نسعى واجلنا / رحاة ٍ فوقنا تستدير = وفالثانيه . والدقيقه كم تدور الرحاه !!
والموت غيّب كثير / وفي انتظاره / كثير = واللي يصلي على ميت / يصلىّ علاه !!
لكن ماهو بخير / ولا يبشّر بخير = من لايقدم عمل صالح / وصوم وصلااااه !





القصيده الثالثه عشر : مفترق طرق




البارحه / لاح برق وهبّ نسناس = وتشبّع الليل من نفحات الازهار!!
وانحلّ عقدٍ من اللولو والالماس = على يدين الغريب اللي جفا الدار !!
وتعانقت عشر بين اشعور / واحساس = وتجمّع البرد / حول امولّع النار!!
ومن الوله/ مال غصن وذابت انفاس =ومن الفرح / كل طير ٍ فالفضاء طار !!
الطير لولا (الفضاء) / شيّب من الياس =ولو لا الهوى / ماتميل اغصون الاشجار !!
وانا بعيوني / لامر اسبات وانعاس = فأقصى عروق الفؤاد ايدقّ / الانذار !!
يضوي/ على خاطري عشرين هوجاس = وتسرح مع النور / والاصباح / ( الافكار )!!
الضيق / له في حنايا الصدر مجلاس = والا الفرح/ من وراه / احصار / واحصار !!
وطول الهجر/ والغياب وبعد الارماس = مازادني غير / صبر / وعزم / واصرار!!
وللاي في دنيتي طرقي وعساس = ما اقبل عذر منك ياللي سقت الاعذار !!
حدثت نفسي / بعلم وقلت لاباس = اختار / واحترت مدري كيف ابا اختار!!
ياليتني كل مايطريلي اوناس = ألقاك / ياقلبي المهموم صبّار !!
والكلمه اللي صداها صدّع الراس = صكيت عنها السّمع واغضيت الابصار !!
ماني بجاني ربح من بنك الافلاس = روّحت عنها يمين وراحت ايسار !!
ان قفوّا الناس / طبعي مااتبع الناس = ياكثر ما مرّني تكرار وامرار !!
وان عادها / ماضربت اخماس بأسداس = وحنا ليامن زعلنا دمّنا حار !!
الموت / غيّب كليب برمح جساس =( والزير سالم) / غريم ويطلب الثار !!




القصيده الرابعه عشر : يا مسافر جنيف




ارفق علينا اشوي يا ايها الصيف = سويت فينا من ((سمومك)) علامه !!
تحرق ملاهيبك وحنا (ملاقيف) = في لاهب الكنه مانلبس عمامه !!
ماهمنا رمضاء ولاحب تكييف = ولادس راسه غير فرخ النعامه !!
حنا بدو والبدو ماتعرف جنيف = ماتعرف الا نجد والا تهامه !!
عشنا بأراضيها من السيف للسيف = وفيها تمتعنا بطيب الاقامه !!
ديرة هل الطالات والرمح والسيف = (كل الوطن شرقه وغربه وشامه )!!
من جاع فيها يشبعه كسرة ارغيف = وشرب عليه الماء وكمّل صيامه !!
بدو / نحب الريف وانسج فالريف = لين الزمن ظلّم علينا ظلامه !!
نعطي ولانحسب حساب المصاريف = وفي سلمنا / شحّ البنادم رخامه !!
صحيح / اهل نخوه وطيب ومواقيف = وفزعه / وتاريخ / وشموخ / وشهامه !!
واهل وفاء /وسلوم / واكرام للضيف = نبقى عليها لين يوم القيامه !!
والبن الاشقر كيفنا ياهل الكيف = ومن فيه هذي / ماتجيه الملامه !!
لكن ملينا معدّا المشاريف = ماعاد نبغى منه غير السلامه !!
الوقت حملنا حمول وتكاليف = لو شالها ((ريمان)) ميّل سنامه !!
خذنا معك لـ / جنيف يامسافر اجنيف = جانا طفش من جو نجد وتهامه !!
البرد يلفحنا ولن مرنا الصيف = تشوف فينا من سمومه علامه !!





القصيده الخامسه عشر : حليمه مظفر و تركي الدخيل في ( إضاءات )




حسْبنا الله فوقك وفوق من جابك = انت ياللي في قناة (( العربيه )) !!
كاوي ٍ غترتك ومنظّف اثيابك = بس وجهك فيه للذنب ماريه !!
مع طريق اهل الغوا تشعب اركابك = ماش لا غيره ولا عندك أحميّه !!
دايم ٍ لأهل الفتن فاتح ٍ بابك =كل مرّه لك لقائات حصريه !!
لو حليمه حزبها وافق احزابك = انت علماني وهي ليبراليه !!
لاتحاول فوقها تفتل اشنابك = طبّل ألها وأخذ حلقات اضافيه !!
لو تناقشها تبا تحرق اعصابك = اترك الموضوع يمشي بسريه !!
انحلال افكارها يمكن آصابك = مقتنع والا تجادل بحنيّه ؟؟!!
لن برنامجك يدعم من اصحابك = كلكم (يا قروب)شلة حراميه !!
خطّتك فشلت لكن علّم ( ؟ ) = الوطن محكوم (مافيه حريّه )!!
كثروا اصحاب المشاكل من اسبابك = بلّغوا راع القناه الفضائيه !!
وضعنا بأسبابكم صار متشابك = مابقا الا تظهر احزاب قوميه !!
ابتلينا ابْهم وحنّا بلينابك = الله ألـ / يظهركم من السعوديه !!






ختاما ً ديوان شاعرنا المبدع / محمد بن رشيد

في إنتظار زيارتكم لتروا كل جديد وفريد



احترامي















التوقيع
في منتدى الهيلا زحول الرياجيل = بيت القبيله و النشاما إرواقه
يزينه حرصه لزين التماثيل = ويجمله نبذ العلوم الدقاقه
رد مع اقتباس
غير مقروء 08-Aug-2009, 08:06 PM رقم المشاركة : 2
معلومات العضو
عبدالرحمن الهيلوم
عضو
إحصائية العضو






التوقيت


عبدالرحمن الهيلوم غير متواجد حالياً

افتراضي

الله

ايداع

صح السانه
شاعر بحر

شكرالك اباعمر















رد مع اقتباس
غير مقروء 08-Aug-2009, 11:15 PM رقم المشاركة : 3
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

افتراضي

العفو يا ابو داحم


لاهنت عالمرور















رد مع اقتباس
غير مقروء 09-Aug-2009, 01:37 AM رقم المشاركة : 4
معلومات العضو
محمد بن رشيد
شـــاعــر

الصورة الرمزية محمد بن رشيد

إحصائية العضو





التوقيت


محمد بن رشيد غير متواجد حالياً

افتراضي

مشرفنا الفخر


عمر العتيبي


بيض الله وجهك .. واسعد الله ايامك شرفتني الله يشرف مقدارك وزدتني فخر ونوماس


يعجز اللسان عن شكرك ولكن اقول


الله يجعلني عند حسن ضنك


لاهنت
لاهنت















التوقيع
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !

mrm@mergab.com
رد مع اقتباس
غير مقروء 09-Aug-2009, 12:34 PM رقم المشاركة : 5
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

افتراضي

اقتباس:
المشاركة الأصلية كتبت بواسطة محمد بن رشيد مشاهدة المشاركة
مشرفنا الفخر


عمر العتيبي


بيض الله وجهك .. واسعد الله ايامك شرفتني الله يشرف مقدارك وزدتني فخر ونوماس


يعجز اللسان عن شكرك ولكن اقول


الله يجعلني عند حسن ضنك


لاهنت
لاهنت


ووجهك ابيض يا محمد

والله يسعد ايامك كذلك

إستمرارك في هذا الإبداع المتواصل الذي نشهده منك هو الغايه

وانت عند حسن الظن ان شاء الله

شرفت ديوانك وزدت النور نور

احترامي















رد مع اقتباس
غير مقروء 10-Aug-2009, 10:20 AM رقم المشاركة : 6
معلومات العضو
عبدالله الجـــذع
مشرف منتدى قصه وقصيده

الصورة الرمزية عبدالله الجـــذع

إحصائية العضو






التوقيت


عبدالله الجـــذع غير متواجد حالياً

افتراضي

الله الله

ابو مالك كل بيت ديوان ماشاء الله

صح لسانه من هنا الى يوم القيامه

لا أجد ماأعبر به تجاه هذا الديوان المرصع بالشعر والشعر فقط

عمر ايضا لاتوفيك كلمات الشكر حقك

الى الامام يابو الحميدي ياراع الجمايل

محبكم

.,















التوقيع
قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


.
قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

.

موقع يضم جميع القراء


هنا
رد مع اقتباس
غير مقروء 10-Aug-2009, 03:17 PM رقم المشاركة : 7
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

افتراضي

الغالي عبدالله

مرورك كافي وزياده

لاهنت

احترامي















رد مع اقتباس
غير مقروء 17-Aug-2009, 11:56 AM رقم المشاركة : 8
معلومات العضو
الحرلابيض2
عضو نشيط

الصورة الرمزية الحرلابيض2

إحصائية العضو





التوقيت


الحرلابيض2 غير متواجد حالياً

افتراضي
















رد مع اقتباس
غير مقروء 12-Sep-2009, 11:04 PM رقم المشاركة : 9
معلومات العضو
نايف بن ملحق الثعلي
شـــاعــر
إحصائية العضو






التوقيت


نايف بن ملحق الثعلي غير متواجد حالياً

افتراضي

الله الله صح لسان الشاعر مليون
وبالتوفيق للجميع















التوقيع
ما هوب لازم توقيع00
رد مع اقتباس
غير مقروء 21-Oct-2011, 06:35 AM رقم المشاركة : 10
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

,,

لا هنت يالغالي .

,,,,,















التوقيع
التوقيع

محمد الذيابـــي
رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »08:13 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي