السلام عليكم ورحمة الله وبركاته ..
أسعد الله جميع أوقاتكم إخواني أعضاء وزوار وطاقم إداري في منتدى عتيبه الهيلا ..
أقدم لكم وبين اياديكم قصائد مختاره من ديوان الشاعر / سلطان المفرجي العتيبي عضو منتدى الهيلا واحد شعرائه الذي اتحفنا بمشاركاته الشعريه
العذبه والتي فيها من الجزاله الشيء الكثير
وإليكم القصيد:
جيل اليوم
اول مانبدا الهرج واخيـر مبـداه=ذكر الله الي كـل شـيٍ ينولـه
الي خلـق ادم بحسنـه وسـواه=واشتق حواء منه زوجـه بتولـه
رب فرقنا باحسن الخلق واسمـاه=ثم ميز الرجال باصـل الفحولـه
لكن جيل اليوم يانـاس وش جـاه=حاله تغير واختلـف فـي دلولـه
تلقى الولد من يوم ينشا ومنشـاه=ياخذ من اطباع النسا له عمولـه
من مفرق الغره ليا حد مـا طـاه=متشبهن بالبنت عرضـه وطولـه
ثوبٍ مخصًر يبرز الجسم بخطـاه=وليا هرج قلت (اه) وش هالخجوله
ومحمر الشفه وعلكه وسـط فـاه=ويتابع الموضات في كـل دولـه
ولو تندبه يا فلان ما اسقاك من ماه=طافي عزوم ونار مالـه رجولـه
ولو سرًح بعنزيـن جنـك بليـاه=وعزتي لاهلـه وكـل الحمولـه
الله على الي لاهرج هرجه جنـاه=قرمٍ على الطالات نفسه عجولـه
يعجبك في قوله ويشفيك ممشـاه=وتبين في صعب المواقف فعولـه
وافي طويل ذراع اله عزوه وجاه=ياخذ مع الطالات صوله وجولـه
الطيب صعب وكل حـيٍ تمنـاه=لكـن مـا كـل الاوادم تطولـه
وختام قولي مثل ما قلت باعـلاه=ذكر الله المعبود منجي رسولـه ]
-----
عاتبتها يانفس
امس العصر عديت روس المراقيب=والحقت انا نفسى حسوف وملامه
عاتبتها يا نفس بين بـى الشيـب=وخلفك ممات وحشر يوم القيامه
ابـى خيولـك للعبـاده مهـاذيـب=وابيك فى درب الشرف والكرامه
مـلازم الطاعـه يهذبـك تهذيـب=وفعل المعاصى لك يجيب الساامه
ولا وسوس الشيطان بالذنب والعيب=تكفين لاطيعيـن درب الندامـه
شومى وعزى واتقى عالـم الغيـب=واعصى عدوك واتركيه بندامه
وابى لك بجـزل العطايـا مخاليـب=تكفين لا تلعب عليـك الرخامـه
صونى حقوق الضيف قدر وتراحيب=وجارك لا توذينه يمال السلامه
الشح يثنى العـزم دون المواجيـب=ويثنى عزوم الى يبون الزعامه
ويانفس طبع الكبر مابه تطا بيـب=لا يعتريك وتفقديـن الشهامـه
وعطفك على المسكين اجرومكاسيب=والا اليتيم الى حياتـه غمامـه
والظن فى بعض الامور المغا ييـب=اثم عليـك ويشغلـك باهتمامـه
وختامها يانفس اغلـى المطاليـب=طاعة ولى الكـون والاستقامـه
-----
لاواهني اللي رصيده ملايين
لاوهني الي رصيده ملايين=ما شال هم الدين صاف (ن) مزاجه
ولا قفل الجوال خوف الديايين=تزهم تقول الدين نبغى خراجه
احدن يقول بلطف نطلبكم الدين=واحدن يقول اعجل ولاون حجاجه
طلاب حق ومن يقول اله بعدين=وقت الشقى ياناس ثور عجاجه
غلا معيشه ياعرب مع ديايين=( والراجحي لراتب احكم سياجه)
نص (ن)خذاه ونص قسم الوراعين=غير الحوايج كم حاجه وحاجه
ورع يبي جوال خمسه وتسعين=وموتر جديد مسفط (ن)في كراجه
واخر يبى يلبس على موضة الفين=لبس الحضاره ياعرب والسذاجه
غير المره والبنت تبغى فساتين=واحلى عطور الغرب باحلى زجاجه
وسواق بالراتب ويدعى بساجين=والخادمه فالبيت تدعى سولاجه
من شافنا قال الله الله ثريين=وحنا على الحفه وفقر بصاجه
نقلد الموضه وحنا فقيرين=اكبر مصيبه فعلنا به سماجه
الغرب يجرحنا بليا سكاكين=والجرح مايبرى بليا علاجه
وافضل علاجه ندعم الصف صفين=بوجه الزمان الي تكاثر رجاجه
والعولمه تشبه كما بير عدين=عد(ن) قراح الماء وعد(ن) هماجه
والله خلقنا خير امه بصيرين=ودرب الردى بين يدلك عواجه
والزين بين ما يحاليله الشين=والحر ما يقلد لمشي الدجاجه
وشبابنا نعطيه توجيهنا زين=لدرب الصواب الى منور سراجه
ونذكره بحقوقنا في فلسطين=وان اليهودي خاينن ما يواجه
والنصر للمسلم ولوه بعد حين=مكتوب بالمصحف وعند ابن ماجه
وان قاله الله واتفقنا على الدين=والله لنحشرهم بعنق الزجاجه
والختم صلو عد نبت البساتين=وعد القلم لا قام يسكب لزاجه
-----
قصيده بمناسبة فوز فنجال الشيباني في مزاين ام رقيبه بالنخبه
فنجال يا فنجـال يـا طيـب الفـال=لحصولـك النخبـه عتيبـه تبـارك
مبروك فوزك ياولـد والـك تنقـال=عدد فيات البـل ومنهـو مشـارك
فنجال يارمز الفخر عبـر الاجيـال=ياراعى الطـالات والخيـر فالـك
ماهى غريبه فوزك بكـل الاحـوال=ونوادر البـل كلهـا فـى حلالـك
ويا مالكين الوضـح مـدام فنجـال=فى ساحة الميـدان لحـدٍ يشـارك
وضح ابو خالد تفرق بكل الاشكـال=وان جيت اوصفهـا بقصـر بذلـك
لكن بحاول واجتهـد وافتـح اقفـال=من شان وضح جعلها لـه تبـارك
لاشفتهـا باقبـال مشيـن وزرفـال=تشبه كتايب جيش وسـط المعـارك
والوانها تسطع كمـا بـرق شعـال=برقٍ يسـر العيـن لامـن بدالـك
وارقابها سردن وجردن من الحـال=وكن الخشوم جيوب لكزز جمـارك
والا السنـام المنفهـق كنـه جبـال=متوخـرن لـورو كهـا ومتـوارك
ومطبعـه وتقـول تفهـم للاقـوال=ان قلت يميـن يميـن والا شمالـك
لاصاح راعيهـا وصوتـه بهوبـال=ترايـع لصوتـه تفـج المسـالـك
ولا جاء نهار العرض سوت به هبال=وجمهورها يهتف عسى الله يبـارك
واللجنه توقف لها شـوق واجـلال=وتعرف نتيجتهـا قبـل لا تشـارك
وبالزين يافنجـال يضربهـا امثـال=وضحك يابو خالد عساهـا تبـارك
وختامها يالقرم يـا رمـز الابطـال=شاش النفيعـى بالمثايـل وشـارك
-----
في داخل اسواق القمر عصر الاثنين
جراح لو تدري عن الـي جرالـي=في داخل اسواق القمر عصر الاثنين
شفت الجمال وشفت زيـن الدلالـي=مزيونـةٍ تسحـر قلـوب المحبيـن
ساعة نظرته قلت يـا هـم لالـي=والقلب زاد النبظ وسـط الشراييـن
مقـدر اوصـف زينهـا بالكمالـي=الله خلقهـا فارقـه فـي المزاييـن
من شافهاطنـش جميـع الغوالـي=وقدام بيت الزيـن يدفـع ملاييـن
لكن ابذكر بعض مـا سـم حالـي=اذكر هدب عينه وقوس الحجاجيـن
وغصنٍ ليا من الهوى هـب مالـي=يلعبـه الغربـي بوسـط البساتيـن
والصدر بانـت بـه ثمـار مدالـي=ما ناشهـا الا ناعـم الخـام بلّيـن
وخصرٍ مقوس ذاب فيـه الجمالـي=وردفٍ نبى شلع ثيا ب اريش العين
ما عاد اميز بيـن يمنـى وشمالـي=حارة قدم رجلي ولاادري على وين
بس ادرجه بلعين وابغـى السؤالـي=ابنشـد المجمـول واخـذ عناويـن
لكن طبع السـوق معطـى مجالـي=وانا نشف ريقي وصدري براكيـن
من يوم شفت الهندي الـي قبالـي=في داخل الدكـان ويهـرًج الزيـن
قفت بعـد مـا حاسبـت بالريالـي=واخذت من الهندي اغراض وفساتين
الله يجازيهـا علـى مـا جرالـي=والله يكافيهـا شـرور الشياطـيـن
-----
البارحه
البارحه يوم ادبح الليل ونيـت=ونـة قريـصِ سايقـه سـم دابــي
على وليـفٍ طلتـه كنهـا الليـت=ابو خديـدٍ مثـل مـزن السحابـي
لاجيـت ابغفـى فـي منامـي تحليـت=سود الجدايل فـوق ردفـه ثيابـي
صفقت كـف بكـف ثـم قلـت ياليـت=ياليتني فـي ديـرة الزيـن رابـي
ولا ولد عمه وبيته في جنب البيت=واسيـر علـى عمـي واليـن جنابـي
حتـى ولـو العـم شـرسٍ وعفـريـت=بارضخ واقول ابشر وافتل شنابي
لأجل عيونك يا بعد حي(ن) وميـت=ناطـى علـى درب الخطـر مانهابـي
وان كان ماجيتي علـى مـا تمنيـت=حـظـي ردي ومـســاويٍ لـتـرابـي
خطرٍ علـى قلبـي يثـوً ر دناميـت=واموت مـن حبـك وفعلـك رهابـي
-----
هذي مجالات الشعر كان ترجيه
يا ناشدن عن قاف شعرن اسويه= الشعر عندى عالين فى رصيده
شيكن مصدق والفكر دوم يعطيه= واغرف من جزال المعانى وازيده
لكن فى بعض المواقف مااسويه= اغط مندوبه واقطع وريده
لصار فى وصف البنى دوم انميه= اصف لردف الزين واصف خديده
وش باقى لوصف الرجال المنازيه= ولا وصوف اهل الخصال الحميده
ولا لحق الدين واجب نبريه= من كيد قوم اشهرو بالمكيده
ولا لنصرة سيد الخلق نقنيه= واجب علينا لنصرته والعقيده
هاذى مجالات الشعر كان ترجيه= يحسب لصفك لا نطقت بجديده
والختم صلوا عد من قال لبيه= وعداد من كبر وضحى بعيده
-----
احدى قصائد المجاراة مع أحد رفاقه
سمعت قاف( ن)حلو راقـيواعجبني القـاف ياطيبـه =راعيه يشكي الهوى وشاقيفي حب مزيونـه صعيبـه
لا ياعشق معـك عشاقـيدوك النفاعي فـرن جيبـه =حـب البنـي سـم دفاقـييسري مـع الـدم ويعيبـه
ومثلك انا بحر الاشواقـيغرون سبا عقلـي بطيبـه =ما داج في وسط الاسواقيولا شيف بالسوق يمشيبـه
هافي حشى زين الاذواقـيوردف الغضي يطوي ثويبه =وطلة جبينه لهـا اشراقـيتطوي الدجى ثم تصحيبـه
والعود مالت بـه اعذاقـيخوخـن ورمـان يدليبـه =وله منطق وصوت سراقييـذوب بالسمـع ويذيبـه
واهل الحسد سبة افراقـيسعـو لحبـي بتخريـبـه =قفـى ولاحـل الاوثـاقـيوصدق بي الشك والريبـه
وجدي على عذب الارياقيليـت المنايـا تجينيـبـه =ومن يطرد الزين مالاقـيشبـاب ولا بعـد شيـبـه
لكـن لـيـا لاح بـراقـيفـي ذالزمـن لاتهقويبـه =ولو شفت مزنه دنا واقـيصلـف الهبايـب تتنحيبـه
-----
في مدح القبيله
فى منتدى الهيـلا يضيعـن الافكـار=واحتار ويش اجيب لاكبر قبيله
موقـع هالطـالات وافيـن الاشبـار=زحول الرجال اهل السيوف الصقيله
دعيت انا الهاجس وقف غصب محتار=قال المدح فى اعتيبه يطـول ليلـه
لاجيت اعدد فعلهـم عبـر الاشعـار=بحور الشعر تنشف وتصبح محيله
-----
الاسهم السعوديه
قصة الاسهم مع الشعب السعودي=من قراها هلت دموعـه عبايـر
كان شعب بخير واحواله تزودي=ومن قليل الدخل عمرله عمايـر
والحوال بخير ما عنها نشـودي=والقناعه رمزهم واغلى الذخاير
والموظف في دوامه له جهودي=منشغل فكره بتعـداد الخسايـر
باذل (ن)جهده وكده بالزنـودي=لرضى والخير في وجهه بشاير
وفى وسط غبة بحر حب النقودي=الهوامير اظهرو سوق العثايـر
واعلنوها حرب ما فيها جنـودي=بس ظغطة زر وانت الي معاير
واول الخطه ربح يروي الكبودي=لين كل قام يجبر فـي الكسايـر
باعو املاك وعمارات وعقودي=في رجى ربح السهم ربح مغاير
واخر الخطه عقب نصب القيودي=نزلوا سعر السهم والعذر بايـر
قالو السوق متاثـر بالحـدودي=والمشاكل بالدول والـدم فايـر
وكلها اشهر ويتعدل في صعودي=سوقنا دراسه ماهو لعبة حوايـر
وخدروهم بالدراسه والشهـودي=كل يوم محلل(ن) يعطي بشايـر
والنهايه عودت خدعـة يهـودي=والضحيه شعب(ن) قلوبه طهاير
-----
قصيده في الشيخ /محمد بن زايد النخيش رحمه الله تعالى
الله يرد ابن زايد للبجاديه= وتنور الديره الى غاب غاليها
ويالله عسى ماحصله محو لسيه=وزودن لحسناته الى عند واليها
شيخ كريم عزيز صافى النيه=وان قلت ابحصى فعوله مقدر احصيها
الشيخ ابن زايد الى له معزيه= عند الحكومه وربعه تفتخر فيها
يومن حاله تردى وسط صحيه= سلمان وجهله الاخلا بطواريها
والامر للعاصمه ينقل وفوريه= واعطى الاوامر تجهزله مشافيها
وهاذى عوايد لحكم السعوديه= باصعب مواقف حكومتنا تلاقيها
ويارب الاسباب بذلت وابك مرجيه= اشفه ياربى وزيله تواليها
شيخ علومه على النخوات مبنيه= طلق الحجاجين وضيوفه يعشيها
وان جيت تبغاه فى مال وجاهيه= يفزع ورجله على شانك يعنيها
طيب وبالفطره ولاهيب عاريه=ومعاصر كل المراجل ومحصيها
وختام قولى ياسمع دعوتى ذيه= دعوتك معنا يعل الرب يوحيها
-----
قصيده تعبّر عن مافيها في أحوال فلسطين المغتصبه
الله يرد ابن زايد للبجاديه= وتنور الديره الى غاب غاليها
ويالله عسى ماحصله محو لسيه=وزودن لحسناته الى عند واليها
شيخ كريم عزيز صافى النيه=وان قلت ابحصى فعوله مقدر احصيها
الشيخ ابن زايد الى له معزيه= عند الحكومه وربعه تفتخر فيها
يومن حاله تردى وسط صحيه= سلمان وجهله الاخلا بطواريها
والامر للعاصمه ينقل وفوريه= واعطى الاوامر تجهزله مشافيها
وهاذى عوايد لحكم السعوديه= باصعب مواقف حكومتنا تلاقيها
ويارب الاسباب بذلت وابك مرجيه= اشفه ياربى وزيله تواليها
شيخ علومه على النخوات مبنيه= طلق الحجاجين وضيوفه يعشيها
وان جيت تبغاه فى مال وجاهيه= يفزع ورجله على شانك يعنيها
طيب وبالفطره ولاهيب عاريه=ومعاصر كل المراجل ومحصيها
وختام قولى ياسمع دعوتى ذيه= دعوتك معنا يعل الرب يوحيها
-----
قصيده تعبّر عن مافيها
لايا هجوسي لا دعيتـك فارسـي=ارسي على موج البحر غطاسـه
وليا غطستي في عماقـه عسـي=مـن القوافـي درهـا والماسـه
والي مهيضنـي وعـلا حسـي=بعض العلوم الي تجـي منحاسـه
بعض المجالـس دونهـا بهسـي=لا صار فيها الواشـي الهلاسـه
مجلاسي بصحر(ن) هلاك ومنسي=اخير من قرب الـردي واجناسـه
الـي سوالفهـم كـلام يـدسـي=ما هو على وضح النقى مقياسـه
ناس تصبـح بالـردى وتمسـي=والطيب مالـه عندهـم مفراسـه
غير النمايـم والكـلام النجسـي=قل الصـلاه وعشـق للمرواسـه
هاذي مثايل صغتها مـن حسـي=وخط القلم مني علـى الكراسـه
وما اقول انا شاعر ولاامدح نفسي=يكـود قولـي يمدحـه عساسـه
-----
أحدى مساجلاته مع الشاعر وعضو المنتدى / زياد الشطيطي
الا ياطير خذ مني رسالـه ودهـا لزيـاد=رسالة حب مع تقديـر غلفهـا رياحينـي
عزيز الجانب الي مايجي من يمه المنقـاد=يدل الدرب ما يخطي سلومـه والقوانينـي
من مطير الوفى والعز رايتهم على الاشهاد=وترى لى الفخر كان الشطيطي شافته عيني
ورد الشاعر القدير زياد الشطيطي بقوله
هلا يا مرحبا باللي على علم الوفا معتاد=انصّيها على سلطان راع العرف والديني
قرينا ماكتبته وانت من قومٍ لهـم ميـراد=حقيقه والحقيقه ما جهلها غيـر غاوينـي
ولن جيت الشطيطي والله انه ثالث الاعياد=على شوفتك كل مطير وعتيبـه تهنينـي
-----
قصيده الربيع والخير الذي انعم الله به على عباده
عقب طاح الربيع ويسر الله على البدوان=وقبل ربى صلاة المسلم اللي له قلب ثوبه
وجب شكره عليم الكون رب خالق الانسان=على يسره بعد عسره غفر للمسلم ذنوبه
وساق المزن من قبله سديد وداخله ربان=يهولك شوف ربانه وبرقه نار مشبوبه
وعم ابه الوطن والسيل غطى كامل الوديان=بوادر خير ومزونه على الجيان مصبوبه
من ا قصى الغرب لين انك تشاهد دار اهل خيطان=وسيله يحتدم والنوا مركم بانت نصوبه
اخذ حول الشهر والسيل عقبه عله الودان=ونبته عقب عشر ايام كل الخلق ذاعوبه
عقب ماكانت ارض ممحله والوقت وجهه بان=كساها العشب والوقت الشقى قفا بعرقوبه
تخالط كل نبته واشتبك فى داخل الريضان=على مد النظر والطير غنى جر مسحوبه
ومن زود الحيا راع الغنم يرعى مع الذيدان=بسطها الله عليهم والحسد والكره منووبه
وزان الجو والطلعه وزانت كشتة البران=وحتى راعى الفله هجر قصره ومحبوبه
وقاموا يلقطون الفقع والحبه كما الرمان=وكل ياخذ بشفه على قيسه ومطلوبه
وفى نبت الحيا عبره وجت فى محكم القران=دلاله ياعرب للبعث عقب الموت وكروبه
و مدام الله علينا( من) بانعامه وزود امان=وجب( شكره) لاجل يظفي علينا ستره وثوبه
نشوف من البلاوى فى زمنا لاغلب الاوطان=كم من جارة فى حدنا بالفسق منكوبه
ومن لا ياخذ العبره بهدنيا شبه حيوان=مدام انه يشوف بعين ويصدد عن التوبه
والا يا للاسف ياكيف يعصى الواحد الديان=وهو عالم خفايا النفس والاعمار محسوبه
ونهاية قول سلطان النفيعى شكر للرحمن=على فضله بهانوبه واكررها بكل نوبه
-----
يابو سعد معاد نبغا عراوي
بسـم الله المعبـود رب سمـاوي=الي اليااخطى العبد يغفر ذنوبـه
ثم بعـد ذكـر الله سـلام نـداوي=بريح الزهر والورد ينعش هبوبه
يصلك ياسلطان وابـك الهقـاوي=ياراعـي الفزعـات لا عنزوبـه
وانا بوضحلـك علـوم ومنـاوي=وعن رغبة في داخلي ومحجوبه
يابو سعد ما عاد نبغـى عـراوي=نبغى جديد الجيب مزين ركوبـه
الجيب يابن الخـال عـد رهـاوي=ما يخيب المظميـن لا علقوبـه
فكسار فتحـه لا نظرتـه يـداوي=ابيض كما الغرنوق ما دوجوبـه
اخر موديل ولا ركب فيه شـاوي=ولا ساقه المرجوج ولا هستروبه
شد البلد ما حـط فوقـه دعـاوي=يا زين خطه ساكب في جنوبـه
وخلفيته لكـزز وليتـه ضحـاوي=شمس النهار الشارقه لاسطعوبه
وصوت اشتغاله مثل غنج المهاوي=بنت على العشاق صارت عقوبه
وليا مشى فى الخط ماله مسـاوي=الا السما والارض والخط دوبـه
وان اشهد اني عقب شفته شقاوي=والحظ عاثر والمنـاوي نشوبـه
-----
بنيت الشعر والفله
بنيت بيت الشعر فـى مدخـل الفلـه=لاجل النشامى توسعبـه خواطرهـا
سوالف مـع جماعتنـا علـى دلـه=تسوى تعبنا ولا نحسب خسـا يرهـا
لاشفتهم فى داخلـه والنفـس منفلـه=ودارت سواليف والسامـع يقدرهـا
حطيت سمر الحطب والرمث ولعله=وشبيت نار طويـل الليـل سامرهـا
وجبت المعاميل ثم بهرت انـا الدلـه=بريـة هيلهـا ريحـه يعطـر هــا
لاصب فنجالها يجلى العمـس كلـه=ويعطى لابن حجنه ليا صار حاضرها
الشيخ ضيف الله ليـا جـات مختلـه=برايه وجاهه صليب الراى يجبرهـا
ابـو محمـد يعـد الحـق ويـدلـه=يوم بعض البشر عميـن بصايرهـا
هذا منـى نفسـى وغيـره تـرى لله=ناس تحـب الشلـل دايـم تسامرهـا
والبيت هامل ولا يدرى عـن الحلـه=وسط استراحـات والسنـه مغيرهـا
ويناظر الفحـش والشيطـان زيلـه=ومقابـل شاشـة التلفـاز ينظرهـا
يشوف فيها العهـر والجـل والعلـه=وبرامـج فـاسـده والله منكـرهـا
ولابان نور الصبح والفجـر وذلـه=وجت حزة الرزق دايم فى بواكرهـا
قام ابو مـره يغطـه نـوب ويغلـه=وعن فرض ربى قدم رجله يكسرهـا
ثم نومه نومة اهـل الكهـف حقلـه=مثله نقيصه على الدنيـا وضاهرهـا
وختامهـا يالله انـك تغفـر الزلـه=وطول عمار النشامـى لاتقصرهـا
-----
احدى قصائده التي تعبر عن مافيها
لاضاق صدرى وطفشت وشان مجلاسى= نصيت مكه بجيب يعجبك لونه
جيب خليجى وكاله مابه عكاسى= كن اللهب يوم احلى فى شطرطونه
امشى ليا نسنس من النود نسناسى = يم الحجاز وبحر جده ابى دونه
اقصد بلاد الحرم مكه هى وناسى= نبى نزور الحرم ونطوف بركونه
وشراب زمزم به المتعه والاحساسى = ويروى العطش والشفا للى يذوقونه
اخير من سفرة لديار الانجاسى= دارن بها الشرك والطاغوت ملعونه
دارن سقيم العقل دربالها الراسى=ويقول فيها الوناسه شيك مضمونه
وناسته فى فساد ورقص مع كاسى= ومضيعن مذهبه بامراض مدفونه
وليا رجع ديرته للوضع منحاسى= والبيت ضايع وهو كاثرتن ديونه
وقام يتخبط تقول مكهربه ماسى = ويسب حظه وكل الى يودونه
والحال ينقص وقلبه جاه وسواسى=والهم خيم عليه وكثرت همومه
وقافن بنيته وركبته على اااسى= ابختمه بذكر رب جل فى شونه
الواحد الى خلقنا جن مع ناسى= لعبادته واتباع الرسل وسنونه
-----
الجيب
فكرت ياسامعى فى بيعة الجيب= لاكن ضميرى لامنى وامتحنى
يقول هذا الجيب مابه عذاريب = مثل الرفيق اليا نصيت متعنى
يقضى لزومك دون شك ولاريب = وفى سدة اللازم ماهوب متونى
والجيب اله صطوه كما صطوةالذيب=ومن الفخامه له وصوف اتعبنى
ودى اوضحهن بعدة اساليب = واشارك الشعار فى وصفهنى
اول وصوفه لانصيت المعازيب= فى خايع عشبه يزود متثنى
وقام يتهزع مع محير الاداعيب= كما تهزع جادل به تونى
بنت الشيوخ الى يفك المطاليب= وزودن على ذاللك رماحه تسنى
وان جيت اوصف للمرات وش اجيب = انعم من الديباج مجلاسهنى
ومكيفه يكفح سموم اللواهيب= فى داخل اكشانن بها العاج فنى
وليا نطحته مقبل به تعاجيب= كن الدموع بشمعتيه حجرنى
وشبكه كما بيت النحل به قواليب= وبلمعة النيكل زهن وسطعنى
وفى وسط كبوته ختم ينفى العيب= رمز الوكاله والدول يشهدنى
وفى دولة اليابان تخصص الجيب= حاز الرياده وابدع بصنعهنى
وابو جميل احدث مديل الهن يجيب = لدار السعود الى لها الحب منى
عامل وكالتها وحصل مكاسيب= وحاز الثقه وغطى لتوريدهنى
وارجع واقول ليا لفيت المعازيب= فى خايع عشبه يزود متثنى
تنومس بماقفه قدم الاصاحيب= وان رحتبه خطاب جاهه يثنى
وختام قولى اسمعو ياالاشانيب= اخر قوافى الشعر يوم ساعدنى
الجيب مركب هل العز والطيب = والى يبيعه مستواه متدنى
-----
سبت سنوات الضياع
خير البدايه ذكر ربى=اخير من هاذى وذيه
خالق جميع الخلق محصى=كل النوايا الداخليه
واليا دعيت الفكر جتنى=بنات فكرى فى شويه
واخذ من الجزله واسمى=واشوم عن سوم الرديه
والى محرك هاجسى شى=شى شهر بين البريه
قل الصلاه وحقد مخفى=بين البشر واخ واخيه
واكل الربا والميل للغى=وطاعة هوا النفس البغيه
والدين قل وغزو فكرى=من عند صهيون العديه
بمخدرات وبث مرئي=تبثبه شر (ن) واسيه
تبغى تلوث فكر مبنى=على العقيده والسجيه
وباسم الحضاره صار مقنى=والعاقبه ماهى سويه
مسلسلات وضحك الابنى=وخلط الشباب مع البنيه
وسبت سنوات الضياعى=ضاعت بيوت الاكثريه
(يحيى) وشكله غير عادى=( لميس ) بنت رومنسيه
حرك جميع الى خوافى=والزوج قال انا الضحيه
ردت عليه ام العيالى=ليتك مثل يحيى عليه
ونتيجة الوضع الطلاقى=من دون ذنب ولا خطيه
وعندى سؤال بلا جوابى=وين العرب لاكبر قضيه
غزه تصيح الهم تنادى=تنخى تقول ابغى الحميه
ستين عام بلا سلاحى=قاومت وجه البربريه
بحجاره وعزم وكفاحى=صديت ضرب المدفعيه
واليوم عقب القدر فاحى=من ينصر القدس الا بيه
زانت لكم والوضع طاشى=ما عاد فيها مهمهيه
قومو عليهم كان باقى=قدر (ن) لحق اليعربيه
-----
ألغازه
انشدك عن عودن تراقل حنوكه=وتساعده بنت تجـود علابيـه
عود قوى عزوم مابه شكوكـه=باسم ولده يدعى واسمه يخفيه
الجواب (ابو جلمبو)
-----
ابنشد الشعار واهل المعرفه= ويش الثلاث الى بدا بينهن حلف
الثالثه منهن تراها بغرفه= وثنتين منهن عارضن للهوا الصلف
كسيرهن ما ل العرب فيه صرفه= تلقى شضايا عضامنهن كنها الشلف
الجواب (مراية السياره)
وسلامتكم اتمنى ان ينال ديوان شاعرنا على إعجابكم 
« آخـــر الـــمـــشـــاركــــات »
06-Aug-2009, 03:42 PM
ديوان الشاعر المبدع وعضو الهيلا ** سلطان المفرجي **
العرض العادي
