 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
19-May-2008, 06:31 PM
|
رقم المشاركة : 1 | |||||
|
ديوان الشاعر / وصـل الـعـطـيـاني
السلام عليكم ورحمة الله وبركاته ..
هـاذي بعض القصايد للشاعر / وصل العطياني حبيت ان انقلها لكم واتمنى ان تحوز على رضاكم .. قصيدة رحنا على أفواه المهبـّـل مساويك ..!! خوّة عزيز الأصل تبقى كما الشيك حتى لو أنه عـن ديـارك تنحّـى وخوّة خبيثين الطبوع الصعاليـك أقْصر من مفلّى الغنم فالمضحّـى واللي على شأن المصالح يخاويـك ليا انتهى منها ؛ بصحبتْك ضحّـى واللي يبيعـك لا تحـرّاه يشريـك والمزن لن جات العواصيف صحّى وياللي ابليس مفشّخٍ بيـن أذانيـك قلبك عليه ستـار مـا ينتصحّـى بالهرج تقفانـي وتنفـخ علابيـك هذي رجولة نعنبوا ذا الملحّـى ؟ أنا ليا منّي بغيـت الحكـي فيـك هرجت باللي فيك وأذنـك توحّـى ألقاك قـدام الرياجيـل وأعطيـك كلمـة بسبّتْهـا نسمْـك يتفـحّـى رحنا على افواه المهبّل مساويـك وحلوقهم من وسعها مـا تسحّـى قصيدة أقوى من البيرة..!! العام قلبي معذّبنـي يبـى الدّيـرة واليوم ما يعشق الديـرة ولا همّـه قلبي ما غير أشغله عقلي بتفكيـره وأنا ضحيّة ثنيـنٍ مـا لهـم ذمـة خلوني أقعد وراحـوا يالله الخيـرة مع بنت شيخٍ يصرّ العلم في كمـه بنتٍ صغيرة وعندي ما هي صغيرة أشوفها عندي أروع بنت في الأمـة لو شافها اللي مايعرف للهوى سيرة يلزم شعر رأسه ويخطيـه ويخمّـه من زينها خلّت العقّال فـي حيـرة أطيب ولد عمّ يحْسدها ولـد عمـه الزين ما يستطيع العقـل تصويـره بس الأكيد إنّها ترقص على القمّـة أخذ عليها القمـر لفـة وتدويـرة قالت وش المشكلة قال أنتي مهمـة والشمس قدّام تغرب جاتها مغيـرة وفلّت شعرها الطويل وقامت تلمّـه والورد الأحمر بهيج اللون ما غيره من حينما شمّته والشمـة الشمـة راح يتثنى على بعضه من الغيـرة وعلى شفاها تكسّـر وانتثـر دمـه وترياقها للمزاج أقوى مـن البيـرة رشفة منه تِنْسِي الواحد حليب أمه والباقي من الوصايف تمّ تشفيـره لو أتمادى شويّـة جيـت بمطمـة الحبّ أبا أموت وأنا أدفع فواتيـره ماهو برايح وباقي شي في الذمـة قصيدة مـيّـت دماغيـاً غرقت في الحب من رأسي إلى ساسي وما زلت في بحـره الغـدّار حاليّـاً الظاهر إنّي غشيم وما اعرف قياسي حتى تجرّعت كـأس المـوت فعليـاًّ وأصبحت منحاس والتفكير منحاسـي والخدّ يروى مـن العبـرات يوميـاًّ إن ناموا الناس رحت وجبت كراسي وترجمت مشاعر الأشـواق شعريـاًّ أطلق عنان القصيد ودقّ هوجاسـي هذي علومي علـى هالحـال ليليـاًّ من غيبتك يالغلا يا عقـد الألماسـي لا والله أغلى مـن الألمـاس دوليـاًّ راحت علومي بَعَدك أخماس وأسداسي ما غير أترجم لك أشواقـي غيابيـاًّ وسوالفي لوّ في موضـوعٍ سياسـي أجيـب سيرتـك فيهـا لا شعوريـاًّ القُرب نعمة لا صار القلب حسّاسـي والبعد يثّـر علـى العشّـاق سلبيـاًّ وإن طوّل البعد أبا آكلها على رأسـي هذي هـي نهايـة العشّـاق حرفيـاًّ لو ما تشوفك عيوني يا بعـد ناسـي والله لتلقيـنّـي مـيّـت دماغـيـاًّ بس إجبري خاطري قبل ألفظ أنفاسي وأروح وأفـارق الدنـيـا نهائـيـاً رسالتي وصلتك من صادق إحساسي وأنا غريقٍ في بحـر الحـبّ حاليـاّ قصيدة شوفوا لنا حاجة تغيّب بالعقل غير السكار لا والله الاّ راحت بقلبـي جهـار مـن النهـار وأنا إذا واحـد سألنـي قلـت تكـرم عينهـا ماهو ما غير القلـب لا والله تفداهـا العَمَـار الدرّة اللـي مـا خلـق زيـنٍ يشابـه زينهـا إن جيت أوصّفها يصيب الشّعر وقفة واحتيـار لو قلت ما جاء مثلها في الكون أخاف أهينهـا شمس الضحى تغار منها والقمر منهـا يغـار والأرض تقلـب ورد عنّابـي تحـت رجلينهـا حبيتها حـبّ الغريـب اللـي تشـوّق للديـار يذكر دياره ثـمّ سالـت دمعتـه مـن حينهـا حبيتها لـو أدري إن الحـبّ للعاشـق دمـار ذوقـي وتفكيـري وعقلـي كلّهـم هاوينـهـا لو قالت اليسرى يمين وقالـت اليمنـى يسـار أقـول كيفـك يـا حياتـي زيّ مـا تبغينهـا من حبّها جت في خلايا المخّ يعنـي باختصـار أشوفهـا حتـى إذا صلّيـت ,, ينصـر دينهـا وإذا لبست الثـوب أصـكّ زرار وأخلّـي زرار وألبس شماغي وأنشد أصحابي شماغي وينهـا صبرت وانّ الصبر نار ؛ إشتقت وإن الشوق نار حالت سلوم البدو من بيـن الوصـال وبينهـا عشرين عام من الوصال ولا نهاريـن إنتظـار الأولـة يـا زينهـا و الثانيـة يـا شينـهـا البعد عن من تعشقه موتٍ حمر والمـوت حـار الله يوم أذكر دموووع الشـوق مـع خدّينهـا من دونها ما كنّـي الاّ عايـشٍ فـي قندهـار روحي مهدّدها الخطر ف " يسارها " ويمينهـا أحيان أقول آآآبو حياتـي مالـي الاّ الإنتحـار واحيان أقـول العافيـة والعافيـة يـا زينهـا شوفوا لنا حاجة تغيّب بالعقـل غيـر السّكـار ودّي يغيَّب بي ولا اصحى غيـر بيـن يدينهـا قصيدة يومي برأســـه مثـل ... يالله يـــا مـعــبــود يــاراعــي الــفـــرج تــفـــرج لــعــبـــدٍ يــطــلــبــك يالله يـرفــع يــداه ويـطـلـبــك وأنــت خـالـقــه وإلا لــغــيــرك مــــا يــمـــد يـــــداه يـطـلـبــك مــن فـضـلــك وجــودك ومــدك وتـكــون فــي عــونــه عــلــى دنــيــاه دنـيـا الـعـنـا الـلـي مـاعـرفـنـا طـبـوعـهـا تــبــرم مــثــل مـــا تــبــرم الــرحــاه نـاسٍ تـجـيـهـم مـقـبـلـة تـبـتـســم لـهــم يــهــنــون بـالـبــنــيــن والـــرفـــاه ونــاسٍ تـلـقـيـهــم عــوارض كـتـوفــهــا وتــحــط فــيــهــم غــيـــر حــــق الله والـعــدل مــن رب الـمــلأ خـالــق الــمــلأ الــواحـــد الــلـــي لا إلــــه ســـــواه وإلا الـزمــن قـامــت تـغـيــر طـبـايــعــه مــايـــنـــعـــرف جــــــــوده ولا رداه وقــــتٍ تــغــيـــر والأوادم تــغــيـــروا شـــيٍ يـشــيــب رمـــش مـــن يــــراه الـلــي مـنــول كـلـمــتــه دوب تـطــلــع يـنـشــب لـسـانــه فــي طـــرف جــمــاه جـالــه لـســان وصـــار كـــل ٍ يـهــابــه وأصــبــح جـــري وابـــوك مـــن جـــراه والـلـي مـنـول يـطـلـب الـنــاس عـطـفـهــم صـــــار يــتــكــبــر بـــعـــد رزق الله حـتــى الــســلام الـشــرعــي أزرى يـــرده وأصـــابـــه الـــغــــرور لـــنــــا الله والـطـيّــب الـخــيّــر يــذلــون جـانــبــه والــنــذل كـــل مـــن قـابــلــه حــيــاه وعـلـوم مـا تـحـصـى عـلــى شــأن أعـدهــا الله يــكــافـــي وقــتـــنـــا هــــــذاه مــدري عــن الـعـربــان لـكــن أقــول أنــا أشــوف جـــاء فـــي الــوقــت مـاكــفــاه أظــن فــي إحـســاس زايــد عــن الـبـشــر والأدمـــــي مـايــنــعــلــم خـــفــــاه لا مــادحٍ نـفـســي ولا أهـضــم حـقـوقـهــا عــشــت مـتــواضــع والـثــنــا لــلـــه الـلـي يـصـافـيـنـي عـلـى الـطـيـب والـوفـاء راع الــوفــاء يـلــقــى مــثـــل وفــــاه يـمـنــاي لـلــي مـــد يـمــنــاه لــيّــه ويــســراي لــلــي مـــد لـــي يــســراه وراع الـقـشــر لــو أنــه أقــرب قـرايــبــي مـــاأجـــي لا مـــــن دونــــــه ولا وراه مـانــي بـمـحـتـاجــه ولا هــو فـحـاجـتــي لـــو مــافــالأرض يــكــود أنـــا وإيـــاه مـانـي بـمـحـتـاجــه لـحـيــث إن مـامـعــه إلا الـقـشــر وأنــا الـقـشــر مـــا أبــغــاه ولا هــو يـبـغـانــي لـحـيــث إن مـامـعــي إلا الــوفــاء مــيــر الــوفــاء يـعــضــاه لـكــن حـظــي مـعــه سـقــمٍ مـلابــطــه أرجـــي مــــن الله الــكــريــم شــفـــاه والـحــظ لـيــا عـاكــس وقــام يـتـعــثــر وجـهــه يـجــيــك اخـــسّ مـــن قــفــاه والـلـي يـجــي مــن خـالـقــي مـرحـبـابــه راضـــي بـحـكــمــه جـــل فـــي عـــلاه لـكـن انــا عـنــدي نـصـايــح كـتـبـتـهــا والــحـــر حــــرّ ولا يــريـــد وصــــاه أول نـصـيــحــة ودي اقــولــهــا لــكـــم الــديــن حــيــث انـــه هـــو الـنــجــاه والـحـرص عـلـى الـديـن وصـى بــه الـنـبــي وجـا فـي الـحـديـث الـلـي فـيـمــا مـعـنــاه ان الـبــنــادم فـــي نــهــار الـقـيــامــة اول مـايـتـحــاســب عــلـــى الــصـــلاه لـيـا صـلـحـت فـقـد صـلـح سـايـر الـعـمــل لـلــجــنــة ويـاهــنــيّــه هــنــيـــاه ولـيـا بـطـلـت يـقـعـد فـي مـقـعـاده الــذري فـالــنــار يـصــلاهــا وهـــي تــصـــلاه وان الـفـتــى يــســأل نــهــار الـتــلاقــي عــن عـمــره الـفـايــت فــيــم أفــنــاه؟ وزهـرة شـبـاب الـعـمــر مـســؤول عـنـهــا يــقـــال شــبــابــه فــيـــم أبـــــلاه؟ والـمـال يـسـأل عـنــه مــن ويــن مـصــدره مــن ويــن مـكـتـسـبــه وويـــن أغـــداه؟ يالله تـحـت عـطـفــك ولـطـفــك ورحـمـتــك يــامــن نــــدور طــاعــتــه ورضــــاه نـطـلـبـك تـعـتـقـنــا وتـعـتــق رقـابـنــا مــــن الـجــحــيــم ولا تــوصــلــنــاه والـرجــل فـالـدنـيــا يـحـسّــن عـلاقــتــه لايـنــشــغــل بــأعـــراض خـــلـــق الله يـمـشـي عـلـى دربـه ولـن شــاف مـبـتـلــى يــتــحــمــد الله الــــــذي عـــافــــاه ويـكـون مـع ربـعـه عـلـى الـلـيـن والـقـسـى والـمـســعــد الــلــي مـاتــقــل عـــزاه سـيـفٍ بــدون نـصــاب مـايـلـطــم الـعــدى ولا يـــارد الـظــامــي بـغــيــر رشــــاه وقــد قـيــل كـــفٍ واحـــدة مـاتـصــفــق وعــزي لـمــن هــو تـنـشــقــر عــصــاه والـمـرجـلــة تـبـغــى غـــلامٍ صـمــيــدع مــع دربـهــا يـحــفــي بــطــن رجـــلاه مــن لا يـغــبــر شــاربــه مـايـدســمــه عــزي لـمــن يـمــشــي يــعــد خــطــاه والـرجـل لــه شـيـمــه وقـيـمــة ومـذهــب لـــو الــزمــن مــاجــاء عــلــى هـــواه ويـحـكـم عـلـى الـرجـال مـن حـيـث فـعـلــه وإلا الــحــلــى والــزيـــن لــلــفــتــاه والـرجــل مــن عـاداتــه الـجــود والــكــرم يـضـيّــف يـكــيّــف لــيــا احـــدٍ جـــاه الـضـيـف لـه واجـب يـبــى مــن يـكـمـلــه يـقـطــع بـخـيــلٍ شـــح مـــن عــشــاه وأنـصـحــك يـارجــلٍ تـبــى تــزرع الــذرى كــــلٍ يــقـــول الــحـــب تــبـــع ذراه تـنـبّــه وخــذ حــذرك مــن الــلاش والــردي تـــرى الـــردي مـــا تـنــوخــذ عـــذراه يـجــي ولــدهــا هـبــلــةٍ مـايـنــومــس مــبــدول والــدرعــة عــلــى عــلــبــاه لا رأي يـفــتــل بــــه ولارأي يـنــقــضــه يــومــي بــرأســه مــثــل رأس الــشـــاه تـعـلـمــه تـسـعــة وتـسـعــيــن مـــرة وكـمـالــة الـمـيّــة يـقــول لــك هـــااااااه الله لا يــجـــزاك بـالــخــيــر يـــالـــذي ولـــدك مـاعـمــقــت لــــه مــجــنــاه الـخــال والــد مـثــل مــا قـالــوا الـعــرب يـقــعــد لـبـنـيـخــيــه فـالـمــثــنــاه لـن كـان وإنــه شـيــخ أبـشــرك بـالـسـعــد يــجــي ولـــدك الـمــحــتــرم كــمـــاه يـكـود مـالـلـي مـصـلـح الـنـاس مـصـلـحـه يـنـحــى الـمـسـيــل وشـرهــتــه عـــلاه عـبّــرت عـلــى قــد عـرفــي ونـظــرتــي وبــقـــدر مــاشــاهــدت فــالــحــيــاه عـشـريـن عـام سـنـيـنـي الـلـي قـضـيـتـهـا مــــرت وطــافـــت وأمــرنـــا لــلـــه والـلـي بـقــي مــن عـمــري الله يـعـلـمــه مــا أعـلــم عـلـيــه الـعــلــم عــنــد الله وأنـا مـا أقــول الـعــرف مـلـكــي لـوحــدي الــعـــرف مــوهــبــةٍ مــــن الإلـــــه مـجـزاي أخـذتــه والـبـقـيــة مــن الـعــرب يـســدنــي مــجــزاي عــــن مــجـــزاه والـعـارفــة رجـــلٍ وســيــع الـبـنــايــد لــن عـمـســت الإريــاء تـصــيــب إريـــاه يـفـتـل , ويـنـقـض, يـعـطـي الـرأي, يـأخــذه وكـــل عــلـــمٍ يــوصــلــه مــنــهــاه مـثـل الـبـحـر مــا كــل رجــال يـسـبـحــه ومـثــل الـجـبــل عـســرٍ لـمــن يــرقــاه وفــي سـابــق الأيـــام عـــوارف الــعــرب كــانــوا يـقــولــون إلــهــم الـقــضــاه والـلـي يـعـاكـسـهــم يـسـمـونــه الـلــوي الـلــي يـحـســب الـعـلــم عـلــج لـحــاه مـا تـقـنـعـه لـو كــان حـاولــت تـقـنـعــه يـبـغــى الامــور تـسـيــر مـنــه إلــيــاه دايـم يـشـوف انـه عـلــى الـحــق والـسـنــع لـــو إن مــيـــه فـالــمــيــه خــطـــاه مـــا اقـــول غــيـــر اللهم لا شــمــاتــه والله لايــبـــلانـــا بـــمــــا بــــــلاه والـلــي كـلامــي مـعـجـبــه لا يـضـيـعــه يــطــبــق الـنــصــايــح الــمــهـــداه والـلــي كـلامــي مـادخــل فـــي مــزاجــه يـضـرب بـراســه فــي ضـهــر حـصــاااه |
|||||
|
|
|
|
|
|
|
|
|
|
19-May-2008, 08:15 PM
|
رقم المشاركة : 2 | |||||
|
قصائد رائعة..
صح لسانه.. لاهنت يالغالي.. |
|||||
|
|
|
|
|
|
|
|
|
|
|
19-May-2008, 08:17 PM
|
رقم المشاركة : 3 | |||||
|
عبدالعزيز الجذع
اسعدني مرورك يالذيب ولا هنت .. |
|||||
|
|
|
|
|
|
|
|
|
|
|
19-May-2008, 10:35 PM
|
رقم المشاركة : 4 | |||||||
|
وافي الخماش
 لاهنت اختيار موفق وقصائد رائعة لشاعرنا المبدع ومشرفنا وصل العطياني بيض الله وجهك وإلى الإمام
|
|||||||
|
|
|
|
|
|
|
|
|
|
|
20-May-2008, 06:28 AM
|
رقم المشاركة : 5 | |||||
|
عمرالعتيبي
شــآإكــر مرورك وتواصلك لا هنت يالذيب .. |
|||||
|
|
|
|
|
|
|
|
|
|
|
20-May-2008, 04:47 PM
|
رقم المشاركة : 7 | |||||
|
ماجد المسعودي
شــآإكر مرورك يالذيب ولا هنت .. |
|||||
|
|
|
|
|
|
|
|
|
|
|
23-May-2008, 12:50 AM
|
رقم المشاركة : 8 | |||||
|
وافي الخماش ..
مشكووور ولا قصرت .. و ابضيف هالقصيدة اللي انا حافظها عن ظهر غيب .. قسم بالله ابدااااااااااااااااااع مشكور مرة ثاني يا وافي .. وعلى القوة .. |
|||||
|
|
|
|
|
|
|
|
|
|
|
23-May-2008, 12:11 PM
|
رقم المشاركة : 10 | |||||
|
بدر الكريزي
شــآإكــر مرورك يالذيب ولاهنت على الاضافة تسلم يمناك .. |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
