 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
23-Sep-2011, 12:00 AM
|
رقم المشاركة : 1 | |||||
|
ديوان الشاعر\بندر العتيبي(الموج\أبوحاتم)
السلام وعليكم ورحمة الله وبركاته
أجمع قصايدي في ديوان من دواوين شعراء عتيبة الهيلا القصيدة الأولى مشاكل الدنيا عريضات وطوال...................وازريت اميز ميلها من عدلها دنيآ تحد اللي يبيها على الجال..............ولا فيه يومآ قيل تصفي لهلها قد بيدت قدمنا ماض الاجيال..............وين الجدودوين حامي دبلها واليوم كثر بوقتنا ناسآ انذال.................راحو هل الطاله وذولا بدلها ناسآ على النمه لهم فعل وامثال...................وليا سمع كلمه خفيفه نقلها ناسآ على هرج القفاء فيهم اهبال....................وان قلت ريح وكلمة الحق قلها ما يستمع يا ناس في كل عذال....................ويقول انا الفاهم ونصيحتك شلها واليوم يا العراف ترى وقتنا مال..................ناسآ تجيب اعلوم ما هيب اهلها الوقت هذا يا عرب ضيق البال.................ما عاد يعرف ذيبها من ثعلها وصلاة ربي عد ماهل همال ...............وعد الحجر وصخورها مع سهلها على نبين صار للحق مرسال...............بلغ رسالة خالقه ماخجلها القصيدة الثانية والله اني عن هوى الخفرات تايـب.................................ليـن شفـت الـلـي عيـونـه صوبـنـي مـع سـواد عيونهـا شقـر الـذوايـب..................................والـعـي ـون الـســود دايـــم يقتـلـنـي لفتـتـاً بالعـيـن منـهـا القـلـب ذايــب.................................مـا كسـبـي خـيـر ليـتـه صــد عـنـي الهـوى لهـل الهـوى دايــم عقـايـب..................................صابنـي مـن عينهـا رمـح المطـنـي والخديد اللـي مثـل بـرق السحايـب................................لـو يشـوفـه مــذن المسـجـد يغـنـي عـود زملوقـاً تمـيـل ابــه الهبـايـب....................................ناعـم ـاً عــوده وسيـلـه مــا يـونــي وعنق ريماً صوبه عطب الضرايب......................................ثـم جفـل مـن مرتـعـاً فـيـه متهـنـي بنت شيخـاً فالقـى مـا هـوب هايـب..................................كــم عقـيـد الـقــوم خـــلاه امتـثـنـي منوتـي يـا القـرم مـن كـل الحبايـب..................................منـوتـي لاشــك مـــا فـــاد التـمـنـي القصيدة الثالثة ابــدي بـذكـر الله قـبــل بـــدع الأمـثــال............................الـواحـد الـلـي ماخـسـر مـــن رجـابــه محيي هشيم العشب من عقب الأمحال.........................ومنـزل رشاريـش المطـرمـن سحـابـه ومـن بعـد ذا نصيحتـي ياأبـن الأبـطـال.............................الــرجــل لابـــــده يـحــســب حـســابــه صل الفروض الخمس في كل الأحـوال............................وأتــق ولــي الـعـرش واحـفـظ كـتـابـه وحـافـظ عـلـى سـنـة محـمـد بالأكـمـال............................ســنــة نــبـــي الله خــيـــر الـصـحـابــه عسـاه يشفـع عنـك فـي يـوم الأهــوال............................يـومـاً يـــروع الـنــاس شـــدة عـذابــه لاتجـالـس الـشـلات والـنـاس الأنـــذال............................ولاتـصـاحـب الأنـــذال لـوهــم قــرابــه وطـــع والـديــك ونـفــذ الأمربـاالـحـال.............................دعــوه مــن الوالـديـن لــك مستجـابـه ودنـيـاك مـدامــت لـبــو زيـــد وهـــلال.............................ولـحـدن حصـلـه مابـغـى فــي شـبـابـه تـمــت وصـلــو عــــد مــاهــل هــمــال.............................عـلــى نبـيـنـا فـــي الــهــدى يـقـتـدابـه القصيدة الرابعة اخذ القلـم والبـوك والحبـر موجـود..........................واكتـب كـلامـاً ياالسنـافـي طـرالـي هواجساً دقـة مصاديــــر و ورود.............................وابطيت أصارعهـا علـى كـل حالـي بعض العرب موجود نقصـاً بـلازود...........................ياكـبـرزولـه لـكــن الـعـقـل خــالــي لوكـان شـايـب عـنـده الفكرمـحـدود.......................يشـذب عراقيـب الرفـيـق المـوالـي ناساً على النمه لها االحبل ممـدود........................ولياعـذلـتـه قـــال مـالــك ومــالــي أبنصـح اللـي عـارفـاً كــل مقـصـود........................تـرى دروب الطيـب روس العوالـي احذر من الزله ومـن هـرج منقـود...........................الـرجـل يـــازن كلـمـتـه باالـعـدالـي والخبـل لانـاشـد ولاهــوب منـشـود......................ولا تــرى الطـيـب يجـيـلـه مـجـالـي والصمت بـه حكمـه ولافيـه منقـود.........................والهذر يرخـص واحـداً كـان غالـي قلته وأنا جربت في البيض والسود.......................وغـيــر رجـــالاً علمـتـهـا اللـيـالـي وصــلاة ربــي عــد ماهـبـة الـنــود.........................وعــداد مالـحـت بـــروق الخـيـالـي عـلـى نبـيـاً بجـنـة الخـلـد مـوعــود.........................أعـطـاه رب البـيـت حـكـم وعـدالـي القصيدة الخامسة قم يا نديبي على اللي تـو مـا جيبـي.......................وارد بـريـمـي جـديــداً تـــو بـغـبـاره جيبـاً جديـداً ومضمونـاً مـن العيبـي..........................مادخـلـه بالـكـراج يـفــك مـسـمـاره في البايكه لين جاء وقت المطاليبي.......................من مصنعه مابعد دوج مـع الحـاره علـيـه قـرمـاً يحـوفـه كـنـه الـذيـبـي.........................من ربعتـاً فالقـاء والهـوش صبـاره يسرح ويلفي علـى راع المواجيبـي........................تركي عن الواجبه مـا قـدم اعـذاره تلقاه فـي مجلسـاً بـه مبخـر الطيبـي.....................ودلال فيـهـن يـفـوح الـبـن بـبـهـاره واليـا تعشيـت مـع زيـن التراجيـبـي.........................عطه خطابي وخله يكشـف اسـراره انـا ذبحنـي هــوى زيــن التعاجيـبـي........................الصاحـب اللـي بقلبـي ولـعـت نــاره ابـو خـديـداً مـثـل بــرق الاساحيـبـي.......................والعين عين اشقراً في كف صقـاره ومثل الفناجيل شالـت مقـدم الجيبـي.....................يحفيهـن الثـوب لامــن زر بــزراره تمـت وصلـو عـدد نـبـت الاداعيـبـي..........................عـلــى نـبـيـاً خـلـقــه الله واخــتــاره القصيدة السادسة سلام يالهيلا زحـــول الرجالـــــي ...........................اللي لهم في قمة العز منزال اعداد ما لاحت بــروق الخيالــــي..........................واعداد من يقرا تبارك والانفال ربعي لهم في الطيب دايم مجالي ...................وفعولهم دايم مضارب للأمثال خويهم دايم علــــى راس عالــــــي .................. والجار له حشمة ومقدار وجلال هذا قلـــيلاً من كثــــيراً طرالــــــي....................وباق القبايل فيهم المدح ينقال القصيدة السابعة ياموتري سجبي مع موقعاً خالي : وابعدني عن الرياض ومشاغلها مع الفجوج الوسيعة ينشرح بالي : وترتاح نفساً تجادلني واجادلها ممساك في الوادي اللي تو ماسالي : اخير من فلةً يعجبك منزلها والبرق صيفي وجا للرعد زلزالي : وسحايب الصيف فوقك هل وابلها والنار تشعم عليها أبريق ودلالي : وجلسة نشاما تنومس من يقابلها تتعب على الطيبه في كل الاحوالي : والطيبه من يدورها يحــــصلها وليا ذكرت الديار وبعض الاطلالي : سجيت في ذكرها ماني بجاهلها جلست اعد الزمان ايام وليالي : وأرجع الذاكرة عندي من أولها ذكرى بيوت الشعّر مع ماض الاجيالي : وذكرى رجالن تنومسنا فعايلها لو كان ماشفتها بالعين فالحالي : لكن حسب ماتقول الناس أسجلها تمت وصلو عدد ماهل همالي : على نبينًا رسالة ربه أوصلها القصيدة الثامنة يا نديبي قوم زال الشمس حيه : فوق جيباًمشتريه من الوكاله يعجب اللي ناويله فـــيه نيـــــه :مع عتاش الأرض ولا مع اساله زين مشيه مع اعبالاًجرهديه :منوت اللي تو مشواره طراله ابيضاًلونه مثل مزن ابرديه :اوكما براق مزناًفي خياله نصه ابو عبيد حماي الونيه :منصا في طرقته شخصاًبداله راعي دلالاًعلى ناراًجثيه :ومجلسً مليان من رجال الشكاله وعوداًازرق مع ادلال الشاذليه :موصاً الشايب عليها اصغر اعياله لاتعشيتو وصارت سامريه :سلمه بيديك مضروف الـرســالــه ودعه في مجلسه ورجع عليه :شاعــراًفـالشعرمـاتقصراحباله شاعراًيعرف رموزالأبجديه :وفي معان الشعرلقاله جزاله وقتنامايل وميلاته قويه :كل واحد يشتكي مما جراله كيف راع الطيب يجزاله بسيه :لودفع للناس من غالي حلاله من يقدر رجل ماله مقدريه :يستحق اللي يجيله من نذاله وختمها صلو على محمد نبيه :صادقأمصدوق في حكمه عداله القصيدة التاسعة ياسعود حب الحبيب بارين حالي : وش لون اباادله واجوز من الهوا كله أدله النفس ماكنه على بالـــــي : والقلب من حبها كـــنـــه على مله الحب اله في قلوب الناس منزالي : وانا مصيطر على قلبي ومحتله حبه شرف والشرف عند العرب غالي : اخفيه مبغا جميع الناس تفطله الصاحب اللي بقلبي منزله عالي : ودي بلا ماالغضي بالشرع والمله منول اجيه والا يجيه مرســـالي : واليوم عني بعيد وكيـــف باصــله لابطيت مادق عنده رقم جوالي : يرسل رسائل عتب خلاً على خله القصيدة العاشرة يا لله يا محيي رميم العضاما : يا والي الدنيا عليك التدابير يا كاسي البيدا نفل مع خزاما :يا منشيآ نون مزونه محادير تفرج لعينآ ما تذوق المناما :اسباب غرون عزر الحال تعزير حلي خلي مثل ظبي العداما :ابو نهودآ فوق صدره مزابـيـر والعنق عنق اللي تقود الاداما :والجسم زملوقآ نبتبه نواوير والخد براقآ سرى فا الظلاما :برقه حقوق وروس مزنه محادير والعين عين اللي شبك با الحماما :عين اشقرآفي كف شيخ المناعير وجدي على لاما حسيّن الكلاما :اللي كلامه مثـل در الأبا كيـر وجود من حاله طواه الهياما :جداه من عند الأطباء التقارير تمت وصلو عدوبل الغماما :على نبياً يسر الدين تيسير القصيدة الحادية عشرة خلي مشربكني بحبه شرابيك :وقعة انا وياه عقد الشراكاء يقول لاتنسى ولاني بناسيك :والله منسى اللي مضالي معاكاء وحلفتله با الله من غير تشكيك :وانه محب القلب زولاً سواكاء وانت الذي من بدت الناس مغليك :مابه ولا زولاً يساوي غلاكاء فككة قلبي يدعج العين تفكيك :وسكنة وسط القلب محداً معاكاء احب من حبك وعادي معاديك :محداً وصل حبه الى مستواكاء عايش على الذكرى وهوجس بطاريك :قلب العناء ياصاحبي مانساكاء القصيدة الثانية عشرة ياسعود حب الغضي بالقلب عناني...وامسيت اجاوب حمام الورق بالحونه كل سبايب هواء مدعوج الاعياني.....الصاحب اللي سحر هاروت بعيونه لا مرني يقصر الخطوه على شاني...والعين في شوفها ياسعود مفتونه حبه بقلبي ياابن فالح تبلاني ............واصبحت معها مثل ليله ومجنونه حبه بقلبي تمكن بين شرياني...........والحب اله سنتن في الناس مسنونه اليا التفتلي بعينه و النحر باني............كنه قمر عشر واربع يوم يطرونه والخد برقن يلوح بغر الامزاني............براق صيفن يلوح وهلت مزونه لون الطبيعه فرق عن كل الالواني.....ما حط تجميل مثل اللي يحطونه القصيدة الثالثة عشرة قم يا نديبي فوق جيباً مصمم ................. توه من اليابان فااول مديلـــــه اصناعة اللي في الصناعه تعلم ................. فكس ار ما نبغا ندور بديلـــــــه جاين طلبيه عن السوق يحشم ................. ما طب عند محرجاًيحتريلـــــــه جاين بشيكً للوكـــاله مسلم ................ ما قصدوه اهل الوجيه البخيله لدق سلف الجيب قام يترنم ................. ماتسمع الأصوت سلفه اويلـــه سواقه اللي للمهمه تولم .................. ضاراًعلى قطع الخطوط الطويله صميدعاً جعله من العوق يسلم .................. دليلة الغدراء بليا دلـــيلـــــــــه يحمل خطاباًلسبيعي مختـــــــم.................. فيه العلوم الطيبه والجزيلـــه ملفاك مشعل قبل ما الليل يظلم .............. منصاء رجالاًبالوازم تجيلــــــه يكثر الترحيب لمـــــن تكـلـــــــــم .............. من ربعتاًتثني نهار الدبيلــــــه ثم قل تراء بندر من الحب مغرم ................ في حب مجمولاًيكد الجديلــه ابو نهيداًفا الحشاء تومــــــا زم ................ والخد براق الحياء في مخيله يذبح بعينه لنظرلي وسلهـــم ................. فيهن تقول سيوف هنداًصقيله لاهوولدخالاً ولاهوولدعــــــم .................. ياالقرم قلي كيف نقدرنجيله القصيدة الرابعة عشرة مل عيني قزت ماتهتني بالمنامــــي ............... والسبب منك ياراع الرموش الظليله بوخديداً كما البراق ليل الظلامــــــي ............... لا كشف كل خلقة الله تقوم وتخيله والنهد في حشاها مثل تفاح شامـي ............... جيتيلك تراها يالغضـــي مستحيله مير حاول ليا مريت رد السلامـــــي .................. كود يرتاح قلبي يالغضي في مشيله ارحم اللي بعدكم صار قلبه عدامي ................. مهتنا فالمنام ولاهتنــى في مقيلــه مسمع الخبل لو كثر علي الكلامي ................. وغيرها في الهوا ياناس مارضى بديله لاتعذلون راع الحـــب هذا حرامــــي .................. راعــي الحـــب يالعذال قلبــه دليلـه حسبي الله على من هاضني بالغرامي.............. بعد شوفه وانا ياناس نفسي عليله الموج\أبوحاتم |
|||||
|
|
|
|
|
|
|
|
|
|
23-Sep-2011, 12:29 AM
|
رقم المشاركة : 2 | |||||||
|
صح لساااااااااااااااااااااااانك مليون يابو حاااااااااااااااااااتم
|
|||||||
|
|
|
|
|
|
|
|
|
|
|
25-Sep-2011, 06:22 PM
|
رقم المشاركة : 3 | |||||||
|
,’
صح لسانك يابو حاتم لاهنت يالغالي ,’
|
|||||||
|
|
|
|
|
|
|
|
|
|
|
26-Nov-2011, 12:44 AM
|
رقم المشاركة : 4 | |||||
|
صح لسانك وسلم بنانك تقبل مروري وتقديري
|
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
