ياسعود سلم لي على العود ياسعود

[عبدالله قطنان القوبع]

هذه القصيده قلتها في الشيخ عيد بن معيض ابن بويتل العضياني العتيبي
لماهو معروف عنه من كرم وحسن خلق وطيبة راس وكل الامور المشرفه

ياسعود سلم لي على العود ياسعود=ماهو بعود الابقمة شبابه
ابن معيض اللي على الطيب معهود=مذكور بالجزله وكلاً درابه
ياحي هاك الراس لاصرب العود=اللي يباه من الرياجيل جابه
ريف الضعيف اللي من الوقت مضهود=وغيثً على للي نازلً في جنابه
ان جوله الضيفان والعالم رقود=الضوء شبه والعشاء في هبابه
يضحك حجاجه مايقولون معقود=ويسد من دون الربع بالنيابه
ماهوضعيفً يذكر ايامه السود=ويصك من دون الرياجيل بابه
لاوالله الامحتسي كل منقود=حراً على الطاله ينوخ ركابه
واليا بغيت اشهود جبنا لك شهود=اولهم انه جاب ذيب الذيابه
انجب سعود اللي على الطيب مولود=كريم سبلا لوطلبته ثيابه
لاقلت تكفى صار من زود في زود=بادرك لوانك تباها حرابه
وثاني شهودي يوم للعلم مردود=مايقبل الدسعات بين القرابه
واللي بعدها من هل العرف والجود=يمشي على نهج النبي والصحابه
في ذمتي ماقلتها مقصدي فود=الاحقيقه قلتها في غيابه
واقولها قدمه ليا صارموجود=اقولها وافخر بحضرة جنابه
الي الفخر لاقلت فبوك ياسعود=وانا بعد يسعود من روس لابه

[شفاي ابن بشيّر]

بيض الله وجهك ياعبدالله

وصح لسااانك ويستاهل ابو سعود من اهل الطيب ومعروف بعلمه الطيب

وانت طيب وتستاهل كل علم طيب

[ابن سلوم الهيلوم]

صح لسانك لين ترضى يابن قطنان

[سعود بطيحه]

صح لسانك جميله القصيده الله يحفظك؟

[سعد حميد الثبيتي]

شاعر لله درك ويستاهل ابو سعود وابنه سعود وعز الله ان الطيب مايستغرب من اهل الطيب وانت وافي بكل المعاني لك تقديري واعجابي

[راعي القوافي]

صح لسااااانك ياعبدالله قطنان ولاهنت على هـ الجزاله...