 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
01-May-2008, 08:53 PM
|
رقم المشاركة : 1 | |||||
|
قصه وقصيده سند العازمي خاص وحصريأ لمنتدى الهيلا فقط
أخواني اعضاء ومشرفين منتدى القبيله الـــــــــــــلام عليكم ورحمه الله وبركاته
أول شئ نتعذر لكل من أسأنا له سوْا بمشاركه أو برد على مــــوضوع ويشهد الله أنكم تاج على راسي وفخر ونوماس ولكن جل من لا يزل ولاخلق بالناس معصوم الزلال وبمانها أول مشـــــــــــاركه بعد أنقطاع جايبلكم الليله قصه وقصيده لرجل طيب من رياجيلن طيبن وهو سند العازمي كأن سند العازمي احد سكان تبوك في عهد الملك سعود وكأنت العيشه صعبه والناس ذابحهم الجوع ويومن من الايام وهو له حرمه وحده وله منها ولد عمره ثمان سنين وهو ياخذ بندقه وحزامه ويركب على بعيره وياخذ وليده معه يبي يدور أي شئ يسد رمقهم من الجوع ويوم جاء حول بيار بن هرماس غرب تبوك وهو ينوخ بعيره ويعقله ويترك وليده عند البعير قال اقعد عند البعير وانا بوك لين أجيك ابروح ادور شين اصتاده ويوم اخذ قيس ساعتين ولينه طارح له ضبيين وينزل من الجبل حاطن واحد على متنه الايسر والثاني على متنه الايمن ويوم جاى عند الورع ولينه يبكي قال علامك وأنا ابوك والبعير وين قال يابوي جوني رياجيل ضربوني كف وخذو البعير وهو يرمي الغزلان اللي كانت على متنه وهو يحط الورع والبندق مكانها وهو يلحقهم عن مايعجز عنه ويوم وصلون تقريبأ عشره كيلو أو اقل الا وهو لا حقهم وهو يمدها على الاول ولينها طاشتن راسه وهو يمدها عاى الثاني وهو يرميه بالثانيه ولياهو على خشمه وهو ياخذ بعيره وهو يعلق بهله وهو ياخذ حرمته وليده وهو ينحاش حول الضحى ونهاره ونهاره وليليه وليله لين جاى اخر الليل الاوهو حول المهد جاى الخبر الاماره في تبوك ويوم جاى الخبر المنصوب حق تبوك قال والله الريجيل اللي ذبحهم من البلوات والله يمن جاب العتيبي أن له شرهه طيبه قال أبن قطنان البقمي وكأن احد الخويا أنا اجيبه قال وأحد عتيبي والله لن جبته أنك فيه قال أيش قال جاك العلم المهم سند على العدي ببعيره وووليده وحرمته يوم جاى غبشه النهار الثاني نهار كامل وليله متواصله الا هو في كشب يوم سمعه الخبر أمه وخواته بذبحته للبلوات وهن يقعدن يبكن وهو يقول هذهيه القصيده ياونـــتن وأنيــــت معـــــــاد تنكـن مثلي مع الغبشه يروع قــــــــنيبه ياعلي شب النار وأحمس لي البن خله يطفي عن ضميري لهــــيبه خل الدلال بغيضهنه يفـــــــوحــن يبرن جرحن مالقنا طــــــبيـــــــه البيض وش هيض على البيض يبكن خل البكاء للي جراه مصيــــــــــــبه لا وهنيك ماب للـــيلن سريـــــتن في ليلن اضلم خرس ماينسريبه خمسه مراكز من نهاره قطعهـــن منها المعضم والخضر والقليبــــــه ويومن ابن قطنان حنث علا هـــن وحلف يمين الشرع دينن لاجيبه هو مادرني من عتيبه عليهـــــــن من الاد روق معلقين الصويبــــه والله لو لحقن لافرق حــــداهـــن ويجي نهــارأ عقـــبنا ينحكـــــيبه اما يردن القعود بخطــــرهـــــن ولا يجي مثل القطاه الرعيـــــبه سوالفن ماتنتسولف ولكــــــــن هانت وهي كـــانت منول صعيبه |
|||||
|
|
|
|
|
|
|
|
|
|
01-May-2008, 09:00 PM
|
رقم المشاركة : 2 | |||||
|
وبعد مقال القصيده سند وهو ينحاش يم فيفا ويزبن هناك أخذ قرايب العشر سنوات ورد الخبر عن واحد عتيبي أن الحكومه تدوره وهادره دمه وهو يقول من ضمن قصيده طويله هذهيه الابيات
مدام عيني تلحم الشوف تلحيم ومدام كفي يلحق العقب متني والله لابيح ماتشيل المحـــازيــــم لارحمن دوله ولا هي راحمتي ويم سمع القصيده الملك فيصل اعتقه لوجه الله ودفع سوق البلوات ودمتم آخر تعديل خالدالروقي يوم 01-May-2008 في 09:01 PM.
|
|||||
|
|
|
|
|
|
|
|
|
|
|
02-May-2008, 07:58 PM
|
رقم المشاركة : 5 | |||||
|
الله لايهينك يالغالي
وصح السان شاعر الهيلا |
|||||
|
|
|
|
|
|
|
|
|
|
|
13-May-2008, 01:57 AM
|
رقم المشاركة : 9 | |||||
|
مشكور بالغالي وحنا الاد عاصي مطوعين العاصي
|
|||||
|
|
|
|
|
|
|
|
|
|
|
13-May-2008, 09:37 PM
|
رقم المشاركة : 10 | |||||
|
مشكووووووووووووووووووووووووووووور اخوي وتسلم على القصه والقصيده الطيبه اخوي الغالي
|
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
