ســــــعـــــــود العـــــصــــيــــمــــي . والسوالف .

[قادح شرار]

يا سعود العصيمي وين مني تروح = السوالف مشيـّـطة ٍ شياطينها
السوالف تراها كل أبوها جروح = مير باقي دقايق بينك وبينها

[محمد المنصوري]

أحسنت فالاختيــار

[سعود العصيمي]

قادح شرار

هلا وغلا وانا والله ماعاد ادري من الاعب،،،

اربعه شعار في وقت واحد،،، لكن من غلاك ما بغيت اترك.

استلم:

انت شاعر قديم ومحريٍ بالنجوح = والسوالف تحكمها سلاطينها
تدري إنا بنينا بالمعزة صروح = يوم بعض العرب ماخلصت دينها

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[قادح شرار]

وأنت شاعر فهيم ودوم قلبك نصوح = مير بعض البدو تحذف بعارينها
الله إنه يعينك وقت سرد المزوح = لو حكم وقتنا .. نخرق قوانينها

[سعود العصيمي]

هههههههه

مالقوا لاغبوق ولالقوا لو صبوح = الحضارم مقفلةٍ دكاكينها
امزحوا والسراير احذروا لاتبوح = لبسوها الهدوم وكحلوا عينها

[خالد اوصاهب]

قادح شرار ... وسعود العصيمي ... صحت السنتكم

مبدعييييييييييين

[قادح شرار]

لقمتي ألتقطها لو كفك شحوح = نلتقطها ولانا لك مخلينها
ناركم والعة والقدر يبطي يفوح = والعرب قدمكم حدت سكاكينها

وأنت بعد يا سعود أعتذر منك في تأخر الرد لظرف أعترض تفكيري .

[سعود العصيمي]

صح لساااانك ياقادح شرار



ويعطيك العافيه


ماحصل تقصير . واعذرني عن الاكمال الآن .


لكثرة المحاورات الليله.

[قادح شرار]

المشاركة الأصلية كتبت بواسطة سعود العصيمي

صح لساااانك ياقادح شرار



ويعطيك العافيه


ماحصل تقصير . واعذرني عن الاكمال الآن .


لكثرة المحاورات الليله.

ههههههههههههههه . من دون ما تعتذر يا أبو طايل . مقدرين ظروفك يامجرم .

يا عسى الله يعينك .

[قادح شرار]

قـادح شــرار:

يا سعود العصيمي وين مني تروح = السوالـف مشيّطـة ٍ شياطينهـا
السوالف تراها كل أبوها جـروح = مير باقي دقايـق بينـك وبينهـا

سعود العصيمي :

انت شاعر قديم ومحريٍ بالنجوح = والسوالف تحكمهـا سلاطينهـا
تدري إنا بنينا بالمعزة صـروح = يوم بعض العرب ماخلصت دينها

قـادح شــرار:

وأنت شاعر فهيم ودوم قلبك نصوح = مير بعض البدو تحـذف بعارينهـا
الله إنه يعينك وقت سرد المـزوح = لو حكم وقتنا .. نخـرق قوانينهـا

سعود العصيمي :

مالقوا لاغبوق ولالقوا لو صبوح = الحضـارم مقفلـةٍ دكاكينـهـا
امزحوا والسراير احذروا لاتبوح = لبسوها الهدوم وكحلـوا عينهـا

قـادح شــرار:

لقمتي ألتقطها لو كفك شحوح = نلتقطها ولانـا لـك مخلينهـا
ناركم والعة والقدر يبطي يفوح = والعرب قدمكم حدت سكاكينها

الشكر والتقدير لجميــــــــع من مر على الصفحة . فردا ً فردا ً .

تحياتي لكم .