من يفيدني عن منطقة ركبه او حرة ركبه ؟؟

[شاكر العصيمي]

	السلام عليكم ورحمة الله وبركاته يااخوان من يقدر يفيدني عن منطقة ركـبه او حرة ركبه التي تقع في الطائف واكون له ممنون من حيث المكان و القبائل اللتي تسكنها والمناطق التابعه لها او يدلني على موقع يفصل هذا الشي ضروري جدا خدمه منكم يالهيلا تكفوووووون !! ودمتم بوود ..

[علي الطريسي العصيمي]

على ماظن ان منطقه ركبة وسامودة اللتي تقع في الحجاز سكانها من ابناء قبيلة العصمه

[شاكر العصيمي]

بيض الله وجهك ياعلي الطريسي ولاهنت على المعلومه الجميله

بس لو في احد يوضح السالفه كامله ياليت والله ولاهنتو ياخوان !!

دمت بود ياعلي الطريسي ولاهنت على مرورك العطر ويسلم غاليك

اخوك

شاكر العصيمي

[علي الطريسي العصيمي]

الله يسلمك ولا شكر على واجب

[فهد العازمي العتيبي]

حرة ركبه تقع شرق شمال مدينة الطائف وهي شمال قرية العطيف ... واما سكانها فهم : الروقه ومنهم الذيبه والسمره والعوالي والعضيان وغيرهم ويسكنها القثمه والنفعه من برقا ...

التوقيع

للتواصل على تويتر https://twitter.com/falotaibi5115 ،،

[شاكر العصيمي]

	السلام عليكم ورحمة الله وبركاته الاخ العزيز / فهد الروقي بيض الله وجهك على المعلومات القيمه ولاهنت عز الله ماقصرتووو يااخووان دمتم بود والسلام مسك الختام اخوكم شاكر محمد العصيمي

[ابوسعدالحليفي]

ركبه
صحراء يتصل بها جنوبا صحراء الشط حيث يتوسطه جبل الحلاه وتسمي سهل جلدان وحلاه جلدان احد ابناء ادم
وشمالا الشرقي جبل حضن ومن الغرب عشيره
ومن الشمال اطراف نجد
وهي للمتجه من الطائف للرياض يمينا تبداء تقريبا من
سوق عكاظ وشرقه الى العطيف
ومن الشرق من حضن الى عشريه تقريبا وبها ساموده بئر للعصمه والجرد صحراء ويغلب علي ركبه ان ارضها قاسيه شديه وغالبيه ساكنينها العصمه .

آخر تعديل ابوسعدالحليفي يوم 04-Mar-2010 في 11:33 PM.

[شاكر العصيمي]

	ابوسعد الحليفي السلام عليكم ورحمة الله وبركاته بيض الله وجهك ولاهانت يمناك على المعلومات والتفاصيل وعز الله وفيت يالغالي ويسلم غاليك على المروور الطيب الجميل ولاعدمناك يابن عمي تقبل خالص التحايا اخوك شاكر العصيمي

[شاكر العصيمي]

	العذر والسموحه شكلنا زودناها بالاسئله يابني عمي لاكن عندي سؤال دايما يتردد في بالي اللي هوو ؟؟ العصمه لهم افخاذ كثيره تسكن حرة ركبه فهل يوجد احد يعرف يعرف اسماء الهجر التي موجوده بركبه وهي لمن من العصمه مثل ساموده =========>> لمن ؟؟ وغيرها =========>> لمن ؟ وغيرها =========>> لمن ؟ والعشم فيكم يابني عمي قلت مادامني ماعرف اسئلكم واكيد فيكم اهل الخبره والمعرفه يدلنا اويعلمنا والله يجزاه الجنه على المعلومات المهمه لكم مني احلى واصدق التحيه اخوكم وابن عمكم شاكر محمد العصيمي

[فهد العازمي العتيبي]

المشاركة الأصلية كتبت بواسطة شاكر العصيمي

ووجهك ابيض ياولد عاصم ،،،