إما شبابيّه ولاّخنذفيّه:ولا من الويلان وقوم الطناوي(غزل من نوع آخر)

[عبيد المسعودي]

يازاعمين الحُب وعْد وخـــــطيّه = ورقمٍ ينطّل من سفيهٍ ضـــــــراوي
خفّو عليّه من دِجَلْكم شــــــويّه = وسوقوا بضايعكم لتاجر مَغَــاوي
لاتحسبون الحب حرّم علـــــــيّه = أنا شفاوي فالبنيت وْهـــــــواوي
لكنّ مالي فالرذايل رِعــــــــيّه = ولاني بحوص في دحول وْمــــلاوي
أشهق على راس الرجـــوم العلِيّه = وأندب بصوتٍ مستشدٍّ عـلاوي
وين الهنوف النايفه اليعــربيّه = شيهانةٍ تشهق لحرٍّ نـــــــــــــــداوي
ماهيب حنديّا إدّوّر رمـــــــــــــيّه = أقصد لعوبٍ تجتول تبغى تهاوي
ناقي يدور فالهنايف نقـــــــــــيّه = بنتٍ كسيره عن دروب المسـاوي
بنتٍ جريّه لْدروبٍ ســــــــــويّه =ماتعْلِك الغنْجَه و هرج ٍ نقـــــاوي
الستر ضافي والخطاوي هـــــــديّه = والحسن من دونه طْرحّ وْغطاوي
إن شفتها بالبيت رَ يَّهْ طِريّـــــه = ون شفتها بالسوق سِقْــم المْهَاوي
فالصبح عونك على ضيقه وهيّه = وفالليل ميرادك لعِدٍّ رهــــــــاوي
انثى غنوجَه للبعوله وفيـــــّـــه = مبداها ناقي والمواري هقــــاوي
وْطيبَها من طيب أُمٍّ رضــــــــيّه = إلْها مابين الالْسِن مدح وْطــراوي
روّت ضناها بالسنوع القـــــــــديّه = مع مادفق من ثدي صدرٍ دفاوي
إما شبابَيه ولاّ خــــــــــنذفيّه = ولاّ من الويلان وْقــــــــــوم الطناوي
والطيب فوّاحٍ بكلّ الــــــــبريّه = والسوء منقوعٍ بكل النحـــــــــاوي
والعرق جاذر والفـــــــــــوارع رويّه = وبنت الكحيله تجتذبها عــراوي

[عبدالله الجـــذع]

عبيد

صح لسآنك يالغالي

جزله يالجزل وفريده

دام لنا هالإبدآع

لاتحرمنا من جديدك

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[المهـندس]

صح لسانك قصيده رائعه
تقبل مروري

[مرزوق حمدان العتيبي]

..
.
جزاله وابداع ...
صح لسانك ... واعتلا شانك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الخيال]

مشكووووووووووووووووووووووور على القصيدة

[عبيد المسعودي]

السلام عليكم

الأخ/ عبد الله الجذع
صح بدانك يالغالي
والجزالة متابعتك وحضورك
مشكور على الرد والمتابعة
تحياتي يالغالي


الأخ/المهندس
صح بدانك يالغالي
والروعة متابعتك وردك
تحياتي يالغالي

الأخ/مرزوق حمدان العتيبي
الجزالة والإبداع حضورك وما خطّته أناملك
وصح بدانك

الأخ/ الخيال
مشكور على المتابعة والرد
تحياتي

[خالد عبدالله القداح]

تسلم وتبقى ياابو فهيد واسال الله ان ينولك اللي في بالك وانا بعد مثلك للامام دايم

[عبيد المسعودي]

يامرحبا ياهوشان
ويسلم راسك يالغالي
وأسأل الله أن يوفقك وييسر لك مرادك
ومشكور على التفاعل والرد
للأمام دائماً