اليا انفرت قربته غبّط على العكه

[ضيف الله العالي]

السلام عليكم ورحمة الله وبركاته

بويتات كيبورديه " طازجه " على الطاير لاحد يدقق وارجو لها التمرير

يالله باب السعه لـلداعي تفكه =لاضاقت الارض والبيبان مصكوكه
لاصار حتى من الدنيا يبا الفكه = ويداري العبره اللي كنّها الشوكه
فالنوم حلمه يزين ويبني بلكـّـه = واليا صحى واقعه هده ببآزوكه
والصدر بيته وهمّه شايلٍ صكّه = وياما صدورٍ من الآحزان مضكوكه
ياوقت قلبي ترى ماقلت لك بكّه = ولا قلت لك خلّه الـ هالعالم أضحوكـه
خيبت ظني بمن له فـالحشا دكـه = شخصٍ فرقني لقاه وضحكة حنوكه
تدري وش اللي يخليّ فالصدر تكه = لاشفت صاحبك قامت تلذع سلوكه
شكراً لبقعا على اللوعات والصكه = مع كل صكه تجيب دروس محبوكه
عرفت منها رفيقٍ ماسك السكّه =وعرفت منهو رفيقي .. لافضى بوكه
اللي ليا جا لزومي وجهه يحكّـه = ويجيب الاعذار معلوجـه ومعلوكـه
واليا انفرت قربته غبط على العكه = ماعاد يسوى بعيني صحن شكشوكه
لاصار من دون ضيفه بابه يصكه = ماهو بمبروك .. ولا إنثــاه مبروكـه
يالله لاتبتليني.. مثله .. وفكـّـه = اللي يدينه بحبل الشح مشروكـه
وبيني وبين الكفو ماتلحق الشكه = والا الردي ماحسبت لكثرة شكوكه
وان ضاق صدرك عليك بعمره لمكه = والأجر للمحتسب لادقته شوكـه