حي المصيف

[حميد السجايا]

السلام عليكم ورحمة الله وبركاته

اليكم جديدي المتواااضع اعزائي

البارحه وانا على جال الرصيف=واشوف كن العاصمه راحت يدي
اناظر الدنيا وانا بالي لطيف=واشوف برج المملكه مثل اولدي
من شوفة الي كنها وضحىً سخيف=والخد كنه مثل وهّاج الجدي
ياليتها مني قريبه ياحنيف= عشان اوقفها وامدلها يدي
واحلف عليها وانتوجه للمضيف=مقصد كرامه لاغزل لامعتدي
لاني وانا احمد خالقي عندي وليف= ام الدلال الزين والكف الندي
لاكنّ اثر دمي على كبري خفيف=ماباقي الا اقول يازين ابعدي
واقفيت من عنده وانا بالي عنيف= من سبته جاني بلا واحدي حدي
وقفني الشرطي على مدخل عفيف= قال انت وشبك ياولد جفنك ندي
قلت البلا ياعسكري قلبي نظيف=من خلقتي ماطحت بالعلم الردي
قال استمع مالك دوا الا في جنيف=مايدري ان ادواي في وسط ابلدي
ادواي لاصليت فالبيت الشريف= وطلبت للرحمه وذكيت الفدي
واختامها شوفه عنه شوفي كفيف=عن موقعٍ فيه ايتمشى ويحدي
وحسبي عليك الله ياحي المصيف=كيف احتويت الجادل ام اروع بدي

اخوكم الشاعر/ متعب العالي

[علي الشهراني]

صح لسانك و مشكوووور يا الهووواوي

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[حميد السجايا]

صح بدنك الراااي السديد


اشكرك كل الشكر يالغالي

[صالح بندر الدعجاني]

صح لسانك ابدعت لاكن لاتمر حي الغدير ثم تطير........... اخوك الدعجاني

[حميد السجايا]

الدعجاااني شكر لك يالغالي

[علاي الحافي]

لاهنت على لحضور الجميل
ومن اجمل لاجمل

[حميد السجايا]

شكرا عاابر سبيل

[نار وبارود]

أجل حي المصيف مشقيك .!!!!


ترى حي التعاون ما يباعده ..هههه

صح الله لسانك واعتلى شانك ...

[محمد مذكر المغيبي]

حميد السجيايا

صح لسانك على هاالقصيدة الغزلية

الجميلة وفي انتظار جديدك

بدون مجاملة انت شاعر متمكن وحضورك جميل

دائماً ولي طلب بسيط ياابو صالح

اتمنى ان تطرق باب ريئسي من ابواب الشعر

هو التجار ب اللي مريت ايها والرفقة والبر والقنص

والتحذير من الصفات الغير مرغوب فيها

والعكس

مجرد طلب وانت شاعر متمكن وابي لك كل خير

واتمنى لك التوفيق والنجاح

تقبل تحيات اخوك

آخر تعديل محمد مذكر المغيبي يوم 02-Feb-2010 في 10:52 AM.

[عايض الحمراني]

حميد السجايا
صح لسانك وعتلا شانك

قصيده جميله

الله لايهينك