( ســداح ) ســبـــ من ذهب ـائك (ديوان)

[محمد العتيبي]

أهلا بك عزيزي / بعيد الشوح
وأشكرك على المشاركه والمرور الرائع ..

( سداح ) هو لقب أختاره الشاعر لنفسه ..

تحيتي
...

التوقيع

للتواصل عبر twitter تويتر al_bargawy@

[أبوضاري]

أغنّي والغنـا وهبـه مـن الله
ماجتني من فلان ومـن فلانـي
ولا أدري موهبـه وإلاّ وراثـه
لكنّه قسم مـن ربـي وجانـي
صح لسان سداح ولاهنت يالغالي

[مزيد العصيمي]

ياسعود لا تكثر عليّ الطواريـق مليان شعر .. ولا أتحمّل زيـاده
أخاف من الغرغره والتشاهيـق تفيض روحي ما نطقت الشهاده !



الله الله
ياسداح

محمد بيض الله وجهك
وسداح لو نكتب من هنا لبكره ماوفيناه
وافي في كل المجالات ..
,



بعيد الشوح بعد اذن اخوي محمد

استمع لي والشعر مثل الوداعه يحتميها راعي العقل اللبيبي
وان سمعت اللي يطيب لك استماعه قول صح لسان سداح العتيبي

صح لسانك
قصيده لسداح ..
بخصوص ماتسئل عنه رد عليك مشرفنا الغالي محمد
وانا احضرت قصيدة سداح بخصوص اسمه المستعار
سداح لا يبحث عن الشهره
وهاذا الشاعر الحقيقي ..


دار دولاب الهواجيـس والفكــــر استــــدار

.................... والقريحــــه ودّهــا تـــدرج .. ولا ودّها



قمـت ادرّجــها ودارت علــى نفـس المـدار

.................... وبيّحت ســديّ عســى الله يبيّح سدّها



أحطب ضلوعـي واغنـي لهـا واشبّ نـــار

.................... وأطلــق ظنـوني علــى نارها وارتدّها



وأفرك عيونـي ليا عــوّدت تقــــدح شرار

.................... لين يبــرد نونــها .. والمدامــــع سدّها



دوب ما هبـّـت هبوبـي وطيـر البــــال طار

.................... مالي الاّ أقرب من الروح واخطب ودّها



هكـذا الدنيـا .. دروس وتجـارب واعتبـــار

.................... ولو نجـي في صفـّها وقــّـفتنا ضدّها



للشعـــر قدر ومهابـه .. وللشاعــر وقـــار

.................... ومن بناهــا بالوفـا والفخــر ما هدّها



اسمحــوا لي وأقنعــوا يا طويلين العمـار

.................... شـرّفـتني مـن طرفكـم وعندي ردّها



ما استعرت البدع والنظم واسمي مستعار

..................... غايتي قــديّ وانا حسـب ظنيّ قدّها



ولا كتبتـه طامعن صيـت وسمعه واشتهار

.................... والمعــارف بعضها .. يخلف الله كدّها



صح يمكـن ما يصير أحتدي .. لكّن صار

.................... دام لي مقصد في نظم البيوت وعدّها



ما احتـديت عـن المواقف ولا ضويّت عار

.................... واللـــوازم واقـفن دونـها واســـدّها



الخطـا منـيّ .. ومنكـــم قبــول الإعتذار

.................... سيـرّوها بالنقـا ليـن تاصــل حدّها



ما تضيــع اشـــواركم في محلّ الإعتبار

.................... يا رجالـن تكـسب الطيبـــّه وتمدّها



ياســلام الله يضفي علـــى شمس النهار

.................... ما ترفّ العين والنار تحرق خدّها

آخر تعديل مزيد العصيمي يوم 16-Mar-2009 في 06:01 AM.

[@ـايل]

ماشاء الله ...

فعلا انها سبائك من ذهب ..

صح لسان الشاعر ...سداح العتيبي..وبيض الله وجهك ..

ونعم الاختيار يامحمد اختيارك لقصائد ..جزله ...

لاهنت..والله يعافيك ...

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[آلاد غنـــام]

مشكور يامحمد العتيبي



الله يعطيك العافيه على النقل

[محمد العتيبي]

المشاركة الأصلية كتبت بواسطة أبوضاري

أغنّي والغنـا وهبـه مـن الله
ماجتني من فلان ومـن فلانـي
ولا أدري موهبـه وإلاّ وراثـه
لكنّه قسم مـن ربـي وجانـي
صح لسان سداح ولاهنت يالغالي

ابوضاري
صح بدنك .. واشكرك على المرور ..

تحيتي
...

[الاصمعي]

صح لسااااااانه

[محمد العتيبي]

أخي وعزيزي مزيد العصيمي

أشكرك على المرور الرائع .. والأضافه الرائعه التي

أضافت للديوان الجماليه المميزه ..

تحيتي
...

[عبدالله الجـــذع]

ماقلت لك يا سيد الجرح مجروح=أيضا ولاني من فراقك جزوعي
أنته ليا حبيت مخطي ومسموح=وانا ليا حبيت حبيـت كوعـي



شاعر يطوع المفرده كيفما شاء

ماشاء الله عليه

ديوان كامل متكامل والكامل وجه الله

لاهنت لاهنت لاهنت يالمميز دوما

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الكريزي]

ياسعود لا تكثر عليّ الطواريـق=مليان شعر .. ولا أتحمّل زيـاده
أخاف بين الغرغره والتشاهيـق=تفيض روحي ما نطقت الشهاده !

الله أكبر ..


ديـوان رائع .. .. لشااااعر رائـع ..

بيض الله وجهك يا محمد ..

دائماً جميل في اختيارك ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.