محمد بن فطيس

[ابن البجاديه]

هذه القصيده للشاعر محمد بن فطيس المري
ارجو ان تنال اعجابكم

الضيقه اللـي دايمـاً تالـي عصيـر
وش حيلتـي واردّهــا لا تجيـنـي
لاطال ظل العود حزة عشـى الطيـر
كنها علـى سجـن الحديـد تحدينـي
يضيق صدري كل ما جـات واسيـر
ولا يخفـف سـوج رجلـي حنينـي
لاحولنا مشـراف ولا اقـدر اطيـر
يالله قسـمـة خـيـر لا تبتلـيـنـي
وعقارب الساعه توقف عـن السيـر
ولاكن في الدوحه سواتـي حزينـي
والعبره اللي تاصـل الحلـق وتحيـر
ياقربها لـو قيـل لـي ( ياعوينـي)
امل شـوف النـاس وردّ ومصاديـر
واللي يقـول اشفيـك كنـه يهجينـي
يعني على ماقيل مـن بـاب تصويـر
( لحد ٍ ابي قربه ولا احـد ٍ يبينـي)
اروح ادوّر( خط) ما بـه( دواويـر)
وادوّر الـلـي هـادهـا تهـديـنـي
واخذ مع الهاجـوس سجـه وتفكيـر
واراجع اللـي فـات بينـي وبينـي
واحسّـب ذنـوبـي وادوّر لتكفـيـر
وعسـاي ماقصـرت فـي والدينـي
وعساي ماقارنت مـن ينفـخ الكيـر
واللي يحمل المسـك جعلـه قرينـي
ويطري علي يوم الحشر واطلب مجير
ما اعطى كتابي فـي شقيقـة يمينـي
ويطري على صدقان كثـر الدنانيـر
اللـي تعادينـي الـى كثـر ديـنـي
وراع الهروج اللي سوات المناشيـر
اصـد عنـه وادري انـه يعنيـنـي
الله حسيبه يـوم عـرض القواريـر
والله حسبي مـن صـواب ٍ مكينـي
والى طرالي واحـد ٍ كانـه صغيـر
امـا اصغـر بيوميـن ولا سنيـنـي
دريت وش قومـي وعينـت تفسيـر
للضيقه اللـي مـن زمـن تعترينـي
حبه بصدري سالفة سـر فـي بيـر
وكـن الفـواد يقـول هـذا زبينـي
اشفق على علم ٍ يجي منه مـن غيـر
مايسمع اللـي سولفـوا بـه ونينـي
العام اجيهم مـن حسـاب المساييـر
واليوم حـال عـداي وينـه ووينـي
ياكثرهم غيـره ولكـن خبـر خيـر
ماغير شوفه فـي الوجـود يهنينـي
رايـي كـذا ياعاشقـيـن الغنـاديـر
ماله علـى وجـه البسيطـه وزينـي
خطاي تعليـق الامـل فـي المدابيـر
إليـن راح وشفـت حقـري بعينـي
صبر جميـل وخابـر انهـا مقاديـر
والله على تخفيـف حزنـي عوينـي
ذي حالتي لين اتغبا الشمس واصيـر
معطى صراحي عقب ما انا سجينـي
والى امتلا جوف الشجر بالعصافيـر
طلبـت مـن رب العبـاد يهديـنـي
يعتقني المذن عقـب ضيقـة عصيـر
اللي علـى سجـن الفـراق تحدينـي
وسلامتكم

[عبدالرحمن الهيلوم]

مشكوووووووووووور يالغالي

[ابن البجاديه]

اشكرك يابن العم على المرور

[محب الهيلا]

مشكور وماقصرت

على النقل المميز

[عبدالله الجـــذع]

قصيده رائعه جدا..

صح لسان ابوحمد ..
وماقصرت ع النقل..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابن البجاديه]

محب الهيلا

عبدالله الجذع

اشكركم على المرور

[شبيب شافي الملعبي]

لاهنت على النقل لشاعر مبدع مثل الشاعر
محمد بن فطيس

[ابن البجاديه]

شبيب الملعبي

مشكور على مرورك