يالمور خذ نمرة الخامس من اليمنا للشاعر الكبير / عيد بن مربح الرشيدي

[فيصل ابن خيشوم]

كل منا يسمع البيت المشهور اللي يقول (( يالمور خذ نمرة الخامس من اليمنى )) ولا نعرف تكملة القصيدة ولا صاحبها والقصيدة هي للشاعر الكبير / عيد بن مربح الرشيدي والقصيدة كالتالي:





يالمور خذ نمرة الخامس من اليمنا***تحتر تبرد ترى الاخلاق خربانـه

والله لتبطي وحنـا مـا تفاهمنـا**** ما دام ميقوع ما عقبـت قلبانـه

لا تشكي الوقت حنا الوقت ظالمنا***ودليل ظلمه تراك تشوف برهانـه

ليا ادبرت شدنا يرخـي محازمنـا *** نروي بدلوٍ يضيّـع مـاه شقانـه

وننادي اقرب صديق ولا يكلمنـا*** يبين وسم الغضب باطراف حجانه

وليا اقبلت عدونا يقضي لوازمنـا***صداقته تستحـل بيـوت عدوانـه

وعز الله انا مـن الدنيـا تعلمنـا***درس ٍ صعيب على الانسان نسيانه

الله يجيب الصديـق للـي يطمنـا***عن حال ورعٍ يقيم ببيـت جدانـه

لو المدى البعـد مرينـا وسلمنـا***بس البلا شوفـة الديـان ديانـه


تحياتي

[عبدالرحمن الهيلوم]

صح السانك يالغالي

[محب الهيلا]

مشكور وماقصرت

[شبيب شافي الملعبي]

شاعر كبير بلا شك
ولاهنت ياخوي على النقل

[أبو مرحبا]

قصيده رائعه


يعطيك العافيه على النقل

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[فيصل ابن خيشوم]

مشكورين وما قصرتوا

تشرفت بمروركم الكريم

[سعدالمرشدي]

صح لسانك ولسان الشاعر عيد


ودمت بخير

[فيصل ابن خيشوم]

سعد المرشدي

نورت الصفحه بمورك

[vvvvvv]

صح السانك لاكن البيت السابع الشطر الثاني

علي ماضن انه درسن صعيب علي التلميذ نسيانه



وشاكرلك علي النقل المميز