ابيات قيلت في الشيخ مقعد الدهينه (رحمه الله)

[أبو طالع العتيبي]

بسم الله الرحمن الرحيم

أبيات قيلت في الفارس المغوار الأمير/ مقعد الدهينه (( أخو غزوا ))


الله يرحمه ويسكنه الجنه ااااامين انا اعلم ويعلم الجميع ان هذا


الفارس لم يتطرق له بالشكل الذي تستحقه شخصية مقعد الفذه


الذي كان يمثل شخصيه عظيمه في وقته انذاك ولحد الان


فمن منا لا يعرف مقعد ومن منا لا يعرف ابو غازي عموما


هذه ابيات احببت ان انقلها لكم قيلت في (( أبو غازي )) الله يرحمه


قال فيه شليويح المسعودي



يا راكب اللي كنهـن الغرانيـق
ركابها مـع الخرايـم كدرهـا
مسراحها من الحرم فكة الريـق
والقابلـة يـم العوينـد قهرهـا
ملفاه أخو غزوى عمود المطاليق
كم سرب’ سيقت عليه ودمرهـا
مدري نواه الله بحكم المطاليـق
والا نـواه الله بحتـة ثمـرهـا




وقال عبد الرحمن المسعودي الملقب بهوشان



عينت أبـو غـازي وشـرواه
عينت ابوغازي زبون الحصاني




وقال كديميس العصيمي



مقعد ليا اشتد البلا والملح ثار
شيخ لعدوانه يجر الجريـره
تلقاه باخرها ليا حان الادبار
وتلقاه بأولها ليا جت مغيـره


وهذه قصيده قيلت في معركه قادها والد الشيخ مقعد الشيخ سعود بن نافل

بمشاركة الامير شبيب بن حجنه الله يرحمه ويسكنه الجنه :





يا ليت من يركب على وسق مضياح
عليـه أوسـع خاطـري مـا عليـه
اسرح صلاة الصبح والصبح ما نباح
ومسرحـه مـن قاعـة المرقبـيـه
والعصر عند مرويه علـط الارمـاح
ألقـى طوارفهـم حوالـي iiملـيـه
ربع ليا جاهم مـن النشـر صيـاح
تناوشـوهـا بالحـبـال الـقـويـه
قبل أمس جروها ونـادوا بالافـلاح
يتلـون أبـو قاعـد زبـون الونيـه
غاروا على ابن قويد من دون مـزاح
ما عرف دياره مار بالوصـف ليـه
وأخذوا قطيع بـه معاشيـر والقـاح
ولحقـوا أهلهـا عـزوة صيرميـه
والكل منهـم جامـع قطعـة رمـاح
ضار(ن) على فض الجموع الرويـه
ساعة تلاقوا بينهـم واللحـم طـاح
أخذوا لنـا حامـي الجـواد الونيـه
وردوا عليهـم ردة تبعـد الـشـاح
ثـم انصـروه بحامـي الدوبلـيـه
شبيب زبن اللـي تجـاذب بـه الاح
وسعود زبـن اللـي تكالـح شفيـه
وجازي مروي للقنا محمـل الـداح
ولا واجهت قحص المهـار بحليـه
يركض ولو هو حسب الروح ما راح
يبشـر اللـي سلعتـه جـت رديـه
ومترك مروي مرهف السيف ذبـاح
وخالد يـروي الحربـه السمهريـه
اهمه كما سيل على الحـزم جـراح
وحنا كما ضلع(ن) طـوال(ن) بنيـه


ويقول الشاعر المسعودي :




حنا هل الشرفاء كعام الخصومـي
ليا جاء المفاهم من خشوم البواريد
ربـع مواقفنـا نهـار الزحومـي
تشدي لفارس عبس والا لبو زيـد
من طاح قدم خشومنـا مايقومـي
بحدب السيوف اللي تقص الأواريد
زيزومنا حر عطيـب السهومـي
مقعد ليا عـدت فعـول الصناديـد
يقود له نمراء عبـوس عرومـي
تشبع بجرتهـا قصـار العجاريـد
وقدامه ابوه سعود زبن القحومـي
مطوي السقيان عـوق الأضاديـد
واللي ماسكهـا حفيـد القرومـي
سعود بن مقعـد بعيـد المقاصيـد
دنيا وديـن وحافظيـن السلومـي
وعند النوايب يلتجابة كمـا الحيـد
ذبـاح نايبـة السنـام الردومـي
وكيف يعـزل فـي دلال بغاديـد




قال فيه الشاعر سعود الثبيتي :



السما هل البشاير من كفوفـه وارعـد
والأراضي طاب مرعاها وماها سالي
في سنين المعركة جاب الصدور مورد
وارتوى سيفه من الهتـان والهمالـي
فارس المرقاب عز اللي نخاه وسنـد
القصايد منه تنهـل والهـوى قتالـي
له عيون تشتهر منهـا الحـرار تنهـد
يعلم الله كنها سلسـال فـي سلسالـي
حار بالفتنة وساق جموعهـا للفرقـد
شهد الطايف ومكة والشهـود عدالـي
ويوم سافر للكويـت ومدهـا للمربـد
درهم الايام تجمل واعتـزى جمالـي
يرحم الله شيخنا راعي المعالي مقعـد
الشموخ اللي رحل عالي ويبقى عالي




برق يلوح ونتبعـه بالنظـر شـوق
جعله على الحفنة ويمطر على النير
أبيه يمكن فرعة الضلـع برفـوق
ويسوق سيله للسفـوح المحاديـر
ويمر قبر بأيمن القـاع مـن فـوق
يسقي ثراه من المـزون المزابيـر
ينبت على جاله من النبت رقـروق
يكس الزهر هاك الخوات المناجير


وقال فيه الشاعر ضاوي بن ثاعي :



ويـن العديـم الفيصلـي القطامـي
اللي دفن جسمه على حفنـة النيـر
وين الشجاع اللي يقـص العظامـي
قاس الضروس مسمر الخصم تسمير
وين اللي فعله لعلى النـاس زامـي
لطـام عبسيـن الوجيـه المناكيـر
وين الأسد وان جا نهـار العسامـي
وتجمعوا والخيـل جتهـم دعاثيـر
واليا دخل فا المعركـة واستقامـي
يقطع كما تقطـع حـداد المناشيـر
لو انهـم كثـر الجـراد التهامـي
ترجع باهلها عـن كمينـه مدابيـر
ماكر حرارن من فـروع المقامـي
خيـال زينـات البكـار الخواويـر
وكل يعرفه مـن بحـور طوامـي
نصر البكار اللـي حلقهـا دواويـر
ماكر حرار مـن سلالـة كرامـي
بطل من أبطـال الدهينـات واميـر
وأهل الجزيـرة لبسـوه الوسامـي
ودرع الشجاعة جاه من سالم الزير
والتاج لبسه مـن سعـود اليمامـي
وعنتر كتب له في الصحيفة مناشير
ومشعان أخو جحله كتب له كلامي
يقول خيـال السلـف والمضاهيـر
وهذال ابن فهيـد يرسـل سلامـي
ويرسل من أنواط الشجاعة تصاوير
وراكان ابن حثليـن عنـده علامـي
* ويرسل قصايد للدهينـة وتعبيـر
ونايف ابن حميـد شـد الحزامـي
وينخى هل التاريخ كـل الشواعيـر
ويكتب لمقعـد والفعـول القدامـي
ولهل الشجاعة والرجـال المناعيـر
وجميع فرسـان الجزيـرة تحامـي
واكتـب تعـازي للدهينـة وتقديـر
وابن ألوى أرسل تعـازي وقامـي
ليوم تربـة ومعسكـرت المساميـر
وسلطان يشهد لـه بيـوم العدامـي
يوم الهدة من قاد حمـر الطوابيـر
ومن فتح البيبـان يـوم الزحامـي
ومن كسر البيبـان واطفـأ الفنانيـر
ومن ورد الهياب حوض الظوامـي
وشرب وسقاهم على جمـة البيـر

[مشاري الحبردي]

ونعم في الامير مقعد الدهينه راس من روس عتيبة

رحمه الله رحمة واسعة


وسلمت يمناك يابو طالع

[طلاع الكريزي]

الله يرحم مقعد الدهانه ومهما كتب التاريخ والشعراء لن يووفو مقعد حقه

[أبو طالع العتيبي]

أشكركم جميعا على مروركم الله يعطيكم العافيه

[فهد النفيعي]

تلقاه باخرها ليا حان الادبار
وتلقاه بأولها ليا جت مغيـره



كم سرب’ سيقت عليه ودمرهـا
مدري نواه الله بحكم المطاليـق


ونعم فيه

وابيات معبره لعديد من الشعراء ومهما قيل في هذا الرجل لن يوفى حقه من القصائد والمديح

رجل غني عن التعريف من فروسيه وشجاعه وشهامه وكرم

وله شهره واسعه في انحاء الجزيره العربيه ولدى جميع القبائل

الله يرحمه وغفر له ونعم في المساعيد خوالي كلهم

واشكرك على النقل والتوضيح.

وبارك الله فيك...