عزاوي وألقاب شجعان وفرسان شيوخ ذوي عون
1 – هشال الفغم
قال
يقول هشّال قول حـق بقبيلتـه =اللي نهار الكون اسباع وفهـود
سقنا جملنا لين نـوخ وسطهـم =بشلفٍ مضاربها بالنحور شهود
وانا احمد الوالي من نسل ضيغم =اللي على حكمه مواثيق وعهود
2- جفران الفغم ( الأجهر )
قال
ابوك شيّال الحمل موفي الديـن = عينـه وجفنـه بالليالـي تقديـه
ابوك حماي الضعن ذابح حسين =سيفي ورمحي شرعن في علابيه
قيل فيه
جفران ياحام الفياض = لا ربعـت قيعانهـا
3 - شبيب الفغم
قال
ليا جاء علينا هيتن قمت أشوحي = على عدوك أشبع الطير بالحيل
أكثر بهم غرون عليهم ينوحـي = هذي لنا يابـوي مابـه تعاليـل
4 - دخيل الله الفغم ( ابو فراسن )
مخلي المرابط أخو عمرا
قال :
وأن هج زمل اللي تزاعج خزاريه = على الحنـي وتخايـل الطيبينـي
قربتهـا للبـس وأذرعتهـا فيـه = وأخذت في يمناي سيـفٍ سنينـي
واودعتها عسر المواقف تجي فيه = يومـن حكّـاي السعـه مايبينـي
قيل فيه
يامن خبر من عصر أدم اليا الجيل = اللي نطح سبعـة جمـوعٍ تبـارا
الا دخيـل المشتهـر بالأفاعيـل = من نشوته ضاري لقصف العمارا
قيل أيضاً
أيكذب علومن ليموها العواسيـس = عزالله ان القلـب منهـن ارتـاع
من موت أخو عمرا كعام الملابيس = حمّاي بالضيقه زغاميـل الأقطـاع
ياماحمى من جرد جيشٍ عراميـس = عقب المغار ودقبه ودقر الأفـزاع
وفي ربعته دايم سوات الحراريس = حضرٍ وبدوانٍ ومن سايـعٍ سـاع
شفنا لحاهـم بالكرامـه معابيـس = في بيت من لا هو على الزاد بشاع
ولا خبر مثله واحدٍ يرخي الكيـس = ولا هو في نجد ولا هو بالأشراع
عليه حدبـان الزغابـا مكاويـس = تبي العشاء في معتلج كل مربـاع
5 - خلف الفغم ( السنافي )
قيل فيه
شفي خلف زبون حـردٍ مقافـي = زبن الحصان اليا وقف سير علباه
وقيل أيضا
يلحقك مدغـوشٍ يراعـي بظلـه = من فوق صفرا من طوال السماحيق
يرميك فوق الجرف من خبث دلـه = ولولا فعوله ما رضينـاه عشيـق
هذا صوابـه فـي متونـك تملـه = لو كنت حاميهن ليا نشـف الريـق
6 - سعود بن شبيب الفغم ( الحمسان )
فارس عظيم لم يحفظ له التاريخ من القصيد ، وحصلت عليه أحداث عظيمة .
7 - هايف بن حسن الفغم ( شغوم )
قيل فيه
الضيغمي هايف عسى الله يشفيه = ذرب اليمين متعـب الكايديـن
اسمه على فعله وفعله شهر فيه = سيفٍ صقيلٍ مذهـب العيلينـي
يالله انا راجيك تجبـر محانيـه = هو شيخنا درعٍ لنـا الردينـي
وقيل ايضاً
ياوين هايف معدّل الحمل لا مال = حملٍ ثقيلٍ يا عـرب يرتكيلـه
قوله على فعله وفعله ليا قـال = تتبع الأجواد وش فعـل قيلـه
نطاح للجمعين رجلـي وخيـال = لين الرقاب المشرفـه تنحنيلـه
وقيل فيه
دوك القعيمي شينوا مفرع الراس = ونسوان هايـف كثـرٍ النعـاوي
وقيل فيه أيضا
هايف من هو ضـاريٍ للحـداوي = ينزل منازل شيخنا الحـر جفـران
هايف على الميلات حـرٍ نـداوي = يشوش وسط الكون حمَاي الأضعان
تبكيـه صفـرٍ جذّيـت للقهـاوي = ويبكيه نجـرٍ تالـي الليـل دنـان
وتبكيه صفرا ضاريـه للغـزاوي = ويبكيه سيفٍ منشهر يوم الأكـوان
وقيل فيه
الحمـدلله مالنـا قطعـت أيـام = خذنا القضا بالشيخ خطل الأيادي
اللي على العدوان بالسيف حوّام = خذنا بدله اليوم عرو البـوادي
8 - هايف بن عبدالله الفغم ( مجلي عنزة )
( مزوج العزبان مبلل السقيان )
قال :
حنـا شلعنـا طنبـهـا = يومك تنير تقرش قريش
واليـا اعتلينـا قبّـهـا = نودع عشايركم طشيش
هرجتك شوري كبّهـا = وانشد يخبرك الدويـش
قيل فيه :
سبعٍ على طريق سبـاع = مهي سوالـف رباديـه
يفرح بها الخاطر البزاع = هايف عـوى للسنافيـه
وقيل أيضاً
ملفاك ابوهزاع أليا جيـت تلقـاه = ذكره يدل اللي عن الدرب غـادي
مجـوز العزبـان كسبـه بيمنـاه = والصدق مثل معلقـات البـراوي
واليا احتزم بالشال من فوق صفراه = دلوه وراء حوضه تجر الـرواوي
وقيل كذلك :
يتلون ابو هزاع زبن المخلين = عز لمن مست عليه الحبالي
قيل فيه :
ياونتي ياحفـر قلبـي مـن اقصـاه = كمـا يحفـرون العـرب للركـيـة
علـى عشيـراً كـل عـذراً تمنـاه = تقـول ليتـك يابـو هـزاع لـيـه
ذيب العزيب إذا انتحى صوب مضماه = يقطـع عليـه السهلـة الجرهـديـة
9 - مطلق الفغم ( الحمسان )
(مزوج العزبان)
قال :
وأنا ليا مني ضربت المعاريك = يجي لفريس قحطان أختلافي
وقال أيضاً :
الحمد لله قضالي عقب ما صار = بالسبعة اللي ذبحتوهم اخيانـه
منا كبير العشيره يزبن الغـار = أقفى وخلّا اعياله فـي مكانـه
وقيل فيه :
يابو علي مبطاك مرسلت عسيس = مبطاك عنـي يازبـون الحفايـا
قرناس ما تاخذ هروج البلاليس = أهلك منهـم يستـرون العرايـا
وقيل أيضاً :
ياطير ماعينت من ينطح الشيل = لاجت علوم الشيل عنا قواهـا
ياطير ماعينت من يسهج الخيل = لا طنبن بيض العذاراء شعاها
ياطير ماعينت من يكثر الكيل = لا قطب الوسمي وبكّر شتاها
الي ان قال
الشيخ مات ومخر له رياجيل = المصطفق كل المراجل شعاها
10 - سعود بن هايف الفغم ( الحمسان )
قيل فيه :
أخوي لاسرهد على الخيل ينجيك = يفكنـا ويفـك نـاسٍ ضعـافـي
شوق الهنوف اللي هدبهن مشابيك = بنتٍ لأبن لامي عـزومٍ سنافـي
وقيل فيه أيضاً
ياسعود مطلق يفرس الخيل تفريس = وأنت على فعله تضـد السرايـا
وقيل فيه
ياليت خالي ماهوتـه الجبـارة = ولا شفت فاحس قاعدٍ عند ماطاه
رجلٍ مقعدها عند جال المنـاره = ويا كثر ماتدفق من السمن يمناه
وقيل كذلك
مغر أنوح ولا هنالـي محلـي = على الذي ترف العذاراء تمنـاه
شيخٍ ليا شاف الجماعـه يهلّـي = واليا كسب له كسب تعطيه يمناه
النايف اللي بالخصـال متعلـي = يجض قلبي جض من حر فرقاه
11 - ضيدان الفغم
قال :
خذ القضاء يا مريح من خشم ضلفان = بشلفا تخش من النخاشيـش غـادي
من كف خيال المعاشيـر ضيـدان = فكـاك بالضيقـات شقـح سنـادي
وقال أيضاً :
اليا ركبنا فوق مثـل المعاشيـر = نقعد حجاج اللي عن الحق ثاوي
هوماتنا تاصل ثميدا وأبا القيـر = ولا يبعد الهومات كود النداوي
وقال كذلك :
ضيدان جالك يازبون الكراديـس = ضيدان قـرمٍ مـا يهـاب المنايـا
ذاق الظفيري ضرب شلفا الدبابيس = راجت وداجت بالضلوع الحنايـا
وانا ليا منـي فعلـت النواميـس = كله لأجـل علـمٍ يـردد ورايـا
الحر يظهر في نهـار المقابيـس = والتبـع ماتبعـد حويـل الرعايـا
وقال :
يامشتري قلبٍ من الغبن جزّاع = بقلب تعود للردى مرجهانـي
قلبٍ جزوعٍ لو عذلناه ما طاع = لا شاف شيٍ يمحشه ما يداني
12 - بداح الفغم
وأركب عليه وأول الصبح ما نساق = والعصر عند بداح والا ابو شافـي
13 - علي الفغم
( ابو سحله ) ( المصطفق )
قيل فيه :
الشيخ مات ومخر له رياجيل = المصطفق كل المراجل شعاها
وقيل
المصطفق جدع هدومه يباريك = يلق بالشلفا ودونـي يكافـي
وقيل أيضاً
معنا ولد مطلق له الصلب عنّاق = تشبع بأثره معرمشات الفيافـي
يفرح به المضيوم لا جاه بوّاق = يلحق عليه معركزات الحوافي
وقيل
شقحٍ تمارى بالرواح = يذكر يحلبها علـي
ياحمود ياطير الفلاح = عزام يا تالي هلـي
وقيل فيه
أن كان تذكر فعلكم فأنت صدّاق = دايم تناسون العـدو يابوشافـي
وقيل كذلك
ياذيب لا تاكل علي مير ياذيـب = تـراه مثلـك للغنـم مايدانـي
شيخٍ ولد شيخٍ يفـك الرعابيـب = علي ولد مطلق زبون الحصاني
يشبع بأثره حايم الطير والذيـب = في ساعةٍ يصيب عقله جنانـي
تشهد بفعله حاميات المواجيـب = وفي مجلس تلقى كبير الصواني
وقيل ايضاً
يسلم لنا المسطور ابو شافي علي = يا عل حظه كل معتزنـاه يقـوم
وقيل بعد
ليا ضاق صدري رحت يم ابو شافي = واخذت عنـده ساعـةٍ كنهـا عيـد
ضـوه لشبّـاب القهـاوي تشافـي = ونجره ينادي تالـي الليـل ماذيـد
وقيل
ياراكب اللى من ركاب اللحاوي =تشدي ظليم طالع العصر تفـاق
عليه نمرٍ مثل مثعـي قطـاوي =موفـقٍ لوتـاه مسـراه ماتـاق
ملفاك أبوشافي معشي الخلاوى =لوكان طاع اللى بعانيه سـراق
14- حاكم الفغم
قيل فيه
الجيش ياوضيحى سوات المشاويك =زودٍ على صبحا رمينـا الغدافـي
على يمين اللي من الموت شاريك =حاكم عسى حاكم به الحق يافـي
وقيل ايضاً
قلنا له أرجع قبل الخيل تقتّلـي =والبل فداً لك حولوا فيها الفغوم
هم الحسن ترثة رجالٍ معوّلـي =فيحان وكريدي وحاكم من قروم
15 - هزاع الفغم
قيل فيه :
وأنا لهم درعٍ رصيفٍ ومكنون =درعٍ رصيفٍ وضافياتٍ ردونه
قيل فيه :
على العوينه ودّعن أسنافـي =أتلى العهد به يوم جر الونه
يالهجن ياللي مشيكن زفزافي =بالله عليكن والـردي خلنـه
لا تردفن الا من كان أسنافي =حتـى اليـا حثبقـاً تنخنـه
16 - مزيد بن مطلق الفغم
قيل فيه
غزوا مزيد مايذوق الدافـي =والخلج خلفه ما يجيلهن رنه
17 - فيحان الفغم ( الطاغوت )
قيل فيه
ياماحلى الجوخه تدقا علـى فيحـان =والسيف الاجرب يصطقل في يمينه
خذا القضاء سعود شوخٍ من الظفران =هاك الصميدع جعل ربـي عوينـه
الي ان قال
جوهم ضياغمٍ على الحرب فرسان =من ضربهم غشام تسمـع ونينـه
قيل فيه ايضا
دوك السويطي دقس مايشال =من كف فيحان زبن الجاذيه
سربة الظفران صيبة أجفال =.........................
وقيل فيه
زبنه من هو على العدلات طايل =فيحان الطاغوت حمّاي الونيـه
يوم كلن ذل من شوخ وحمايـل =أدخلوه أهل الفعـول الأوليـه
18 - كريدي الفغم
قال
ياسابقي ليه الذعـر =وانا لك بالشده حزام
لكفيك من شر الظفر =بشلفٍ يقصن العظام
قيل فيه
مع عريب الجد والخال وافـي =كريدي ليا صكت عليك الطوابير
لا والله الا كريدي الفغم يافـي =بمشوكاتٍ روسهـن كالشناكيـر
وقيل ايضا
وراء ابو مطلق عطيب الضرايب =كريدي المنعور ذيـب السريـه
نوخ لهم يو اصبح الذهن غايـب =وجدع عقيد القـوم ويّـا خويـه
19 - سعود بن بداح الفغم
( مورد الهيّاب ) ( خيال العلياء )
قال :
حمـرا تفصـل للعنـان =اللـي معـروف بيتهـا
ابـي ليـا ثـار الكتـام =مع درب الضيق ارخيتها
وقال
لي سابقٍ فيهـا دحـم =والحق يعوّد فيه ريش
والطير يبغى له لحـم =نلحق ونرمي له دويش
وقال
ياربعنـا يامـن خبـر =من علّق البرشم ينيـر
عيبٍ على راع الطرف =يرحل الي جاه النذيـر
الي تلاقـن سربتيـن =أطوّح الشيـخ الكبيـر
قال
ياحسين ياحسين كثر الهرج وشهوله =منت بضديدي ولنت بلـي بتوالـي
قبلك ترى فيصل قد ضيعـه قولـه =لين انعثر قدمنـا والخيـل تجتالـي
صبنا سميه ولد عمه علـى حولـه =راحت به كروش معه الدم شلالـي
وقيل فيه :
مرحباً بك يوم جت بك الضايل =يابشير سعود حامـي الدوبليـه
يوم سلم الضيغمي طير الجلايل =ما علينا من هروجن خربطيـه
وقيل :
واليا لفيت سعود مروي شبا الزان =اللي جعل كسبه لربعـه نفـادي
اليا نهض ينهض بريش وجنحـان =في مخلبه مايفـرس الا الثنـادي
الي ان قال
ورع ظهر كنه سهيل ليا بـان =فعايله بالطيب مالـه عـدادي
ذكره وصل لديار مكة ونجران =تصبيحة العفنان فعل وكـادي
وقيل فيه أيضاً :
مزن تزبر من جنـوب خيالـه =يبا الدويش وخم سيله ذوي عون
ياسعود كون البـاردة ذا بدالـه =وهذي سواة اللي ليام يحربـون
لولا جواد الخيل اخذنا اجفالـه =مير ان علوى دونها مايطيعـون
خيالهم يركـض علينـا لحالـه =يـا ظفرهـم ياعلهـم مايثنـون
20 – محمد بن ناصر الفغم
قال :
زيدوا على الصفرا المقام =تستر مشانيف الحجـب
أن روحت خيل النظـام =أنـا نطيـحٍ للعـضـب
21 - هايف بن بداح الفغم
قيل فيه
هايف زبون اللي جذت يوم الأكوان =نطـاح باللقـوة وجيـه المعـادي
وقيل أيضا
ضياغمٍ تدريب هايـف وجفـران =مركاضهم يجلي عن الكبد صاليه
يومٍ على الجبجوب يعطون برهان =فعلٍ على ناموس كلٍ حكى فيـه
وقيل
وهايف لقينا وسط وجهـه غيـاره =عودن يوردنا على جمـة البيـر
من فوق صفراء حطها وسط شاره =يحدهـم حـد الفحـل للمعاشيـر
وقيل
سلِم ليا جيتَ العِيال الهَشاهيـش =وخِص الضِياغم كِلهم بالسَلامي
سلَّم على هايف زُبون الأكاديش =وجفران شوق امعَلِقاتَ الزمامي
زبونهن لا دَلْبَحَـن بالفوانيـش =لا تَّرّك الماجوب خَطو الخمامي
وقيل ايضاً
طارعنا برقع الذل وانجالـي =يوم هايف بأخر الجيش يندبنا
يالضياعم ياهل الموسم الغالي =يالضياغم عند تالي ركايبنـا
وقيل
وألا درع في نزل هايف وجفران =والا خطيـرٍ بإحـدى النزلتينـي
وقيل
اذا طب هايف رجح له كل ديقاني =ضياغمٍ عن تالي الجيش درزيـه
ان قال وين العيال طوال الأيماني =قالوا له ابشر نبيع الروح وقفيـه
22 – فيصل الفغم ( راعي حوران )
قيل فيه
شهر غزينا به وحنا مقفيـن =وهذاك نطريبه مغاز ونكايف
نبي لنا قطعان بـدوٍ مسييـن =يطرونها حوران يم الصرايف
قيل فيه
يافيصل يا راع الجواد =ألحق علاها بالظفـر
اباعرٍ هـرجٍ وكـاد =اجلب لنا منهن صفر
23 - جفران بن بداح الفغم
قيل فيه
وجفران منه الخيل راحت دبيله =عقب المعاند مقفيات دحاميـل
كله لعينا كـل شقـح ظهيـره =ترع جويات الهمل والشماليـل
وكله لعينا من بـدن الطويلـه =يبكن اهلن بالدمـوع الهماليـل
وقيل فيه
جفران شوق منقّضات الجدايل =زَبْنَ الثُبور مْخَيّل المرجلينـي
سلام يا حامي عقاب الدبايـل =لا رفّعوا لقطيهـن العرينـي
جفران حِمْلِهْ ما حدٍ له بشايل =مواقفه عسْره بغبر السنينـي
وقيل ايضاً
الجيش عَيّوا به الجذعان =اللـي يعيّـون بالتالـي
اللي نِطَح خابره جفـران =واللي شَرد للخلى الخالي
وقيل فيه
من يقطع الفرجة على جفران =وارخص له الحبـه سبيـل
بكرة ليا جاء للرمك ميـدان =يقلـط ليـا هـاب الذلـيـل
وقيل فيه ايضاً
واليا لفيتم محـرق البـن وبهـار =قرم يحط الهيل وسـط المباهيـر
شيخٍ على كلّ المخاسيـر صّبـار =يبش وجهه وان لفـوه المساييـر
شجاعته ما شفت مثله ولا صـار =وفي ربعته تلقى جميع الخطاطير
وأكرم من اللي ينحرونه هل الطار =وأكرم من الجربا مغـدّ المساييـر
24 – ماجد بن ضيدان الفغم
ذا قول من له نهار الكـون برهانـي =ماجد الـي حولـوا للخيـل رجليـه
صفراء ابو شقره عليها الذيب سرحاني =وخيالهـا يسحبونـه تثـلـع دمـيـه
24 - محمد بن ضيدان الفغم
قال
عطوني السيف الحسام =لا صارت الحمراء تهد
بطارد خيـولٌ عظـام =لعيون مركـوز النهـد
25 - عبدالله بن ابداح الفغم
قيل فيه
يوم جانا من المرقـاب عبـدالله =قال غيروا على البل والجنب فيها
يوم غرنا ليـا الأدبـاش منقلـه =والسبايـا تعكـش عنـد تاليهـا
وقيل ايضاً
خليتها في وجه جفران وسعود =وهايف وعبدالله بعد من وراها
26 - بندر بن فيحان الفغم
لم يحفظ التاريخ له ولكنه ذكر من ضمن زعماء الأخوان الذين حضروا الجمعية العمومية بالرياض وذكر اسمه بالخطأ بندر بن ضيدان ولا يوجد بالفغمه هذا الأسم .
27– سعود بن كريدي الفغم
( راعي الوعّى ) ( ابن كريدي )
برز من صغره وهو ابن 12 من العمر ، شارك في غزوة الجبجوب وهو ابن 12 ، وقد غزى على الشلاقي الشمري ومعه أبن عمه سعود بن هايف الفغم ومعهم جماعتهم وكان مرافق له المعيدي الصهيبي وكسب من أفضل أباعر الشلاقي ذلول أسمها الوعّى ، وقد أخذ زمل خارج من الكويت وأرسل أبن صباح بطلبه وأرجاعه لأنه تابع له ، ويروي أن عندما غزاهم محسن الفرم في بيرق الملك عبدالعزيز بعد السبله قتل من رجال الفرم ثلاثه وهرب رابعهم من امامه ، وقد ذكره المؤرخين في المخطوطات في أستقبال الملك عبدالعزيز لأمراء البادية في الشعراء 1345 هـ وذكر أيضاً في الجمعية العمومية في الرياض قبل معركة السبلة ومن ضمن زعماء حركة الأخوان .
وقيل فيه
مرحوم ياشيخ الصخى واف الأشبار =يامارثة فاضل يا عطيب الضرايـب
سعود ولد كريدي ونعـم الأذكـار =مفراص ماصٍ من سيوفٍ عطايـب
الضيغمي حرٍ تسلسل مـن أحـرار =من روس شيخـانٍ تفـك النشايـب
28 – سعود بن هايف الفغم ( ابن هايف )
غزى على الشلاقي ومعه ابن عمه سعود بن كريدي الفغم ومعهم جماعتهم وكان مرافق له رفاعي بن دله الصهيبي ورمى خيال وأصابه وهرب الخيال ولحقه ليأخذ غنيمته لكن الخيال هرب على جواده ولم يدركه وعاد وبعد عودتهم تقاسم الكسب هو وابن عمه سعود بالنصف .
قيل فيه
يابو فهد ان كان انت شفقن على سعود =انـا عليـه الـي تذكـرت ميـلاف
الضيغمي طير السعد منقـع الجـود =مرخص بعمره يوم الأريـاق نشـاف
29 – هزاع بن فيصل الفغم
غزى قريب من المجمعه وكسب رعايا الملك عبدالعزيز ، وغضب منه غضب شديد ولكن سرعان ماعفى عنه الملك .
« آخـــر الـــمـــشـــاركــــات »
17-Jun-2009, 10:07 AM
مشاهير وفرسان الفغم ( الضياغم ) شيوخ ذوي عون
العرض العادي
