ياريم دمع العين مدري على الريم

[!! . مــآجـد . !!]

كـان الشاعر مسجون
مــارآ من احد الممرات وفي ذالك الممر كانت
(ريم وامها ) داخلين لزيارة سجيـنهم
والشاعر سمع صوت الاطفال فتذكر ابنائه فدمعت عيناهـ

فرائته ريم فقالت لامها : يمه الرجال يبكي
فقالت امها زاجرهـ : ريــــــــم !!

عـــندها كتب الشاعر هذي القصيده

ابكي وعيني تسهر الليل ياريم =مدري بلاها الشوق ولا الظليمه
ياريم دمع العين مدري على الريم=ولا على قلبن تواكل صميمه
تقول لاطمني على نونها سيم=ابكي وعندي لازرق الدمع قيمه
ويمكن يكون الدمع للعين تكريم =ويمكن يكون لها عذاب وحريمه
والله لولا دمعتن كنها الديم =راحت ضلوعي من عذابي حطيمه
ودام البكى ياريم مافيه تحريم =ياعنك والله لارخص الدمع شيمه
وابكي على حالي من الوجد وآهيم=لين الزمن يخلف عليه نسيمه
ابكي حياتن صافيه مابها غيم=وين المحبه والقلوب السليمه
ابكي قهر وابكي من الغبن والضيم=وابكي من طعونن بقلبي قــديمه
غدر الزمن خلى بوجهي مراسيم=ومايذبح الرجال مثل الهزيـــمه
بعض المصايب شرها ياكل الهيم =وشلون بكبود الرجال الكريمه
وبعض المصـايب يخلفن المفاهيم=تبغى على ماقيل صبر وعزيمه
مظلوم بالدنيا وغيري مظاليم=من عرض ناسن لبسوهم جريمه
ماعاد ابي من سود الايام تعليم=عقب العذاب اللي كلاني جحيمه
لو تصفي الدنيا على الملازيم =ماعد ادور من وراها غنيمه

منقول

[ابوماطر]

جزاك الله خير على الموضوع ومشكور ماقصرت ياخوي

[فايز بن سرحان الثبيتي]

مااجد لله درك على هذا الدرة الثمينه



اتيت بشامخة




تحيتي لذوقك الرفيع

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[أبو مصلح 511]

صح لسان شاعرها حقيقه ابداع طالعه من القلب وسلمت يا ذيب يمناك

[!! . مــآجـد . !!]

صحة ابداااااااااااااااانكم جميــــعاااااا
واشكركم على المرور

[عبدالله الجـــذع]

لو تصفي الدنيا علـى الملازيـم
ماعد ادور مـن وراهـا غنيمـه


لا اله الا الله


الشعر الذي يقال من قلب
تجده فالنص متجلي وواضح


فالذي يده فالماء ليس كالذي يده فالنار

اللهم فك اسرانا واسرى المسلمين

الف شكر لك على هذه الدره النادره

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[راع القايده]

بسم الله الرحمن الرحيم
اشكر الاخ الذي نقل القصيده لانها موعظه لاهل القلوب الغليضه ولكن الناقل لم يشير الي الشاعر
وهو الشاعر الكبير شاعر الثقلين:ممدوح بن عبدالله المرزوقي البقمي
احببت انوه لذلك والله يحفظ الجميع

[!! . مــآجـد . !!]

صدقت أخي الحبيب عبدالله
لان الذي يخرج من القلب يصل الى القلب

دمت في رعاية الله واشكرك على المرور من هنا

[!! . مــآجـد . !!]

راعي القايده
صدقني أخي الحبيب لم أعرف قائلها إلا منك الان ...وكم أسعدني أن تكون القصيدة

للشاعر الكبير .. ممدح البقمي
وهو حقاً شاعر الثقلين

دمت في حفظ الله ورعايته...

[ابوماطر]

صح السانك وانا اخوك