عاجل عن الفراعنه هنا

[سعيد الثبيتى]

حنا مشكلتنا اذا وقعنا في مشكله ما نعترف في اخطائنا ونرجع للسب

والشك والكذب وكل طريق يبرر الموقف وقصة الفراعنه اكبر دليل سبب

عدم فوز الفراعنه هم ربعه قبيلة سبيع بالدرجه الاولي بعد انتهاء البرنامج

قابلت زميل سبيعي معصب يسب ويلعن ماخلا احد حتي الفراش في

استيديو شاعر المليون سبه وتهمه قلت له هدي اعصابك وبقول لك شي

بصراحه انت صوت لناصر ؟ قال لا قلت طيب دق الحين علي حد في

جوالك تمون عليه ونشده من جماعتكم هل صوت نبي نسوي استبيان

دق يمكن علي خمسه كلهم ما صوتوا يمكن مايعرفون رقم ناصر بعد كذا

قلت له عرفت السبب الحين انتم ياسبع السبب اويمكن الاتكاليه علي

الاخرين او رجال الاعمال . قلت له انت تدري ان الكمبيوتر الي يستقبل

رسايل التصويت ماتدخل فيه النفس البشريه هو نظام حاسب الي زي

البنوك يرد والي يعرفون الكمبيوتر يعرفون ذلك . الشبرمي صحيح

اتصالات قطر دعمته بتخفيض نصف القيمه وهذا شي من حقهم راجع

لهم ليش ما سوت موبايلي وشركة الاتصالات كذا . ناصر الفراعنه ماراح

يشره علي الاجناب بيشره علي ربعه لو ان نصف رسايل اللوم والسب

لشاعر المليون الي ترسل الحين عي قناة الساحه ارسلت وقت التصويت

للفراعنه كن الحين البيرق في جيبه .. بعد ما وضحت للسبيعي كل شي

فهم الموضوع وقلت ترا الناس تعرف كل شي ولا يجهلها شي

[عاشق الزين]

الله يرحمنا برحمته

البيرق مخطط له من قبل

سعودي انسى وان شاء الله

السنه الجايه يدخلون السعوديه وتشوف اللي يجيهم

وقل ابو عمر ماقاله ..

التصويت ينفع لغير السعوديين وحنا ينضحك علينا بدون مقدمات

وياغافل لك الله معهم معهم عليهم عليهم .. والله المستعان

[الدال على الخير]

صحيح كلامك واعلان موبايلي يوضح هذا فلو قلنا التصويت بين الفراعنه وعيضة يكون نصيب كل واحد 50 الف رسالة فقط وهي لاتعد نقطة في بحر وبالفعل اغلب سبيع ما صوتت له ولاجابو خبره وهذه بادرة طيبه ظهرت مؤخراً في مقاطعة التصويت بين القبائل ومهايط المنتديات هذولا ناس متعرضة سبيع ومن المستحيل انهم يصوتون مير معهم معهم

[العود حبيب]

والله انكم تنرحمون.. لهالحين تسولفون في ذا البرنامج التافه..
يا اخوان كبروا عقولكم.. هذا البرنامج أولاً ليس مقياساً لـ شاعرية أحد..
ثانياً.. برنامج قائم على الغش والنصب.. وشفط الملايين.. وهذا يكفي ان الواحد يقاطعه ولا يتابعه.. ولا حتى يخسر هلله فيه.. لانه حرام أصلاً الواحد يدفع لـ نشوى والمزروعي والباكستانيين اللي في ابو ظبي.. الله لا يوليهم على احد..

[زيزوم المناعير]

اول شئ لا تتوقع ان قبيلة تدخل بكل قوتها في التصويت لأن القبيلة فئات كثيره وكلن له تفكيره فمنهم من يعارض التصويت لامور دينية ومنهم لا يصوت بسبب قلة المادة ولكن فئة الشباب هم اكثر من يصوت

وبعدين اتوقع انك مأخذ استبيان خطأ لأن كشكل عام اشوف بطاقات تشترى بالالآف وطلاب ثانوية وجامعة يصوت كل واحد منهم على 100 رساله واكثر

هذا غير دعم بمبالغ كبيره من بعض الاشخاص ولعل اجتماع وحيد في قاعة سمر جمع اكثر من مليون ريال هذا بخلاف الدعم في باقي ديار سبيع ,, وغير دعم باقي حمهور ناصر من اغلب دول الخليج

ولكن اتوقع ان البلاء في الكنترول وهم اللي يمديهم يعدلون ويبدلون اجل عيضة السفياني كان اعلى تصويت في الحلقه قبل الاخيره ويوم جاء وقت الحسم تخلو عنه ؟؟؟

الاخبار الموثوقة في الكنترول كانت تؤكد ان التنافس على المركز الاول بين عيضة السفياني وناصر الفراعنة والمذيعة تردد بوسط الحلقة وتقول ان النسب متقاربة ويوم اعلنو النتائج صار تصويت ابو يمن اكثر من تصويت عيضة + ناصر !!!!

قصيد ناصر الفراعنة الاخيره توضح ان الرجال شام ريحه خيانه ولا من كان يصدق انه الاخير

يوسف العصيمي ظلم في النسخة الاولى مع انه كان الاحق بالبيرق ومع كذا عطوه الاخير

ناصر الفراعنة ظلم في النسخة الثانية مع انه كان الاحق بالبيرق ومع كذا عطوه الاخير

والحمدلله ان هالنتيجة اعلنت وفاة شاعر المليون رسميا بسبب تقصده لشعار السعودية محاولة تهميشهم مع ابراز شعار قطر والامارات عليهم

[عرق المظهور]

ياخي ليس في كلامك مايثبت لنا انك صحيح سئلت خويك السبيعي وجاوبك بما قلت فبصراحة سبيع مسويه دعم ضخم للفراعنه يشهد عليه ابنا ء سبيع نفسهم لكن صدقني ياخي ان البرنامج لعبة كبيرة لان هناك قطريين ايضا يقولون وصلتنا رسائل شكر ونحن لم نصوت الحقيقة لايعلمها الا الله وتلك الايدي القذرة التي استنزفت اموال شعبنا وذلك البرنامج القذر الذي جدد النعرات وانسى الامة قضيتها الاساسية فلسطين وانساهم بغداد نتمنى كما اجتمعوا على الغضب للشاعر الكبير ناصر الفراعنه ان يجتمعوا على الغضب لهذه الامة الثكلى

[بـرق الـذيب]

والله لو تصوت بيدنك ورجولك

اللعبه مخطط لها من قبل

بيفوزون اللي يبغونه

[بن طواله الأسعدي]

من يوم اختاروا الثمان والأربعون اللي بيشاركون وهم حاطين من بيفوز

ومن بيخسر في الحلقه الفلانيه والحلقة اللي بعدها

ومين بيتأهل من الحلقه الثانيه ومن بيطلع في بطاقة العبووور الزبده انهم مخططين لها بلا تصويت بلا خرابيط
حتى لو محد صوت للشبرمي ايضا راح يفوووز بدون شك

آخر تعديل بن طواله الأسعدي يوم 13-Apr-2008 في 01:43 AM.

[$$العصيمي العتيبي$$]

شباب اول شي صباح الخير للجميع

وثاني شي ناصر الفراعنه انظلم 100%

وانا واحد من اخوياي سبيعي قبل البرنامج بيوم


مرينا مجمع اتصالات وشرى بطاقة 300 وبطاقه 100

يعني هذي اربع ميه وقسم بالله انها خلصت في ليلتها وانه

ماكلم فيها دقيقه كلها راحت تصويت

واللحين ناصر الفراعنه انظلم

مثل ما انظلم يوسف العصيمي العام وحسب العلوم اللي

تجي يقولون ان واحد مري العام حاجب عن يوسف العصيمي

4,000,000 صوت في الاتصالات السعوديه

فيا اخوان زايده على نصب البرنامج حجب بعض موظفين الاتصالات

التصويت للشعراء

فلا تستغرب ان في الاتصالات السعوديه تميمي يحجب الاصوات عن

ناصر الفراعنه وعيضة السفياني

وفي الختام تقبلوا وافي التحية والتقدير

[شامخ الراي]

خوي فلان ولا فلان الفراعنه صوت له جمهور من خارج القبيله .
كذلك كيف وصل الاماراتي لهذه المراحل المتقدمه
كذلك اليمني يتأهل على حساب بندر بن محيا وبندر تصويته 0%