لولاي اسلي خاطري واتمثل

[متعب ثواب الجعيد]

لولاي اسلي خاطري واتمثلّ = واجر صوتٍ يجلي الهم عني
ياظن بالي لافقد العقل واختل = واجاوب ذياب الخلا لاعوني
الله من وقتٍ علينا تبدل = احترت في دعواه ياما ذهلني
ان ما تغير منهجه وايتعدل ّ = والا على حظي نصايب نبني
دنيا غريبه ما لقينا لها حل = دايم تقلب مخلفه كل ظني
والبارح الهوجاس في خاطري حل = كني على فرشٍ من الشوك كني
اهدّ وابني ثم اعيد اتخيل = سنينٍ تجي واسنين ماضٍ طوني
شي ٍ بقلبي زاد عن ما اتحمل = بين الرجاء والياس صبر وتمني
ياطير الك جنحان تقدر ترحّل = تطوي الفيافي دون هم وتعني
كلن على ليلاه شفق ايتغزل = وانا على ليلاي ملزوم اغني
يارب عفوك جاك مذنب توسل = منك العفو يارب والذنب مني

[ربيع الرشيدي]

صح لسانك اخي الكريم شاعر مبدع

[ابو حسام الغنامي]

منك العفو يارب والذنب مني



صح لسااااااااااااانك وبيض الله وجهك

[طير الهداد]

سلمت على هذا الشعر الرائع

[متعب ثواب الجعيد]

المشاركة الأصلية كتبت بواسطة ربيع الرشيدي

صح لسانك اخي الكريم شاعر مبدع

الاخ : ربيع الرشيدي

تحيه طيبه

مرورك اسعدني وصح بدنك يالغالي

تقبل تحيتي وتقديري

اخيك

متعب الجعيد

[عزارم]

صح لسانك ياطيب

[الأزوري العتيبي]

يـارب عفـوك جـاك مـذنـب تـوسـل
منـك العـفـو يــارب والـذنـب مـنـي

اللهم آمين

صح لسانك يا بو ثواب جزلة من شاعر جزل

[بن رفااع]

صح لساااانك

[الموج]

الاخ متعب صح لسانك على هذة القصيدة
اخوك/الموج ابو حاتم

[محمد@الجعيد]

صح لسانك يابو فهد وبيض الله وجهك