اريد نقد ابوفايح والاخوان على هذي المحاورة

[خالد السويداني القحطاني]

المحاورة جرت في احدا المنتديات واريد معنى المحاورة يابوفايح انت والاخوان
بين الشاعر ابوتركي وغنام
يقول ابوتركي

غنام

ابوتركي

غنام

ابوتركي

غنام

ابوتركي

غنام

آخر تعديل خالد السويداني القحطاني يوم 27-Apr-2011 في 10:47 PM.

[خالد السويداني القحطاني]

[خالد السويداني القحطاني]

سـلام رديــة وفــا تمـشـي عـلـى تـقـوى وديــن=ابــدي بـهـا لاهــل المـواقـف والعـلـوم الوافـيـه
غنام من دنياك وش تحتاج بعد الاربعين=اعـطـيــك اشـــــاره والاشـــــاره لـلـنـشـامـا كـافــيــه
يامرحبا بـك بالنيابـه فـي حـلال الغانميـن=ترحيـب يامحمـد ليـا قلتـه يجيـب العافـيـه
لاشبع ابوتركي علامه يدحم الجنب المتين=مايدري انه لا مشـى فالقيـظ رجلـه حافيـه
تبقى ويبقون الرجال اهل الوفا والطيبين=والقـلـب صـافـي ياعميـلـي والنـوايـا صـافـيـه
تقولهـا وانـتـه تـبـى تصـبـح تبيـعـن للثنـيـن=اللـي مـن احــداث الليـالـي خـلـو المشرافـيـه
انته تبي تحكم على الموضوع مالك غير عين=والعـيـن ماتحـكـم عـلـى مـوضــوع ماينشـافـيـه
اهرج معك وامازحـك وآخـذك فـي حكمـه وليـن=والـيـا بطـشـت تـمـوت ماتلـقـى عـبــاةً دافـيــه
الوضع واضح مايغره راعـي القلـب الفطيـن=بالعـولـمـه مـاعــاد بـــه حـاجــه تـظـلــي خـافـيــه
وشلون تبطش وانت للاجواد ماتقدر تبين=تـهـرج ووقــت الفـعـل مـالـك حـيـل يالخوافـيـه
ماني مضيع ماغنمته في بدر والا حنين=يالـلـي تجـيـك مـبـرده والـبـارده تنعـافـيـه
انا عطيتك زهلتك يابوشنب ذيك السنيـن=يومن صوتـك مختفـي فـي ديـرة العرافيـه
بدر وحنين اللي حضر فيها رجالن صالحين=وانــتـــه جـمــعــت الـــلـــي جـمـعــتــه الاوادم غــافــيــه
نـسـيـت يـومــن انــــا نــمــدك بـالـيـسـار وبالـيـمـيـن=تـــبـــغــــا تــحــرفـــهـــا ولا تـــلــــقــــى لـــــهــــــا مــحـــرافـــيـــه
الظاهر انك تجهل التاريخ من عصر الحسين=لاكـــن راجــــع مـوقـفــك يــاداعــم الاحـلافـيــه
حـاول تغـنـي عنـدنـا فــي غـيـر ذي القافـيـه =ليتـك تمـد ربوعـك الادنيـن فـي كيـس الطحين

آخر تعديل خالد السويداني القحطاني يوم 28-Apr-2011 في 12:08 AM.

[فهد الزهراني]

المحاورة طيبة واعتقد فيها اخطاء املائية اضعفت من بعض البيوت مثل آخر بيت

هل الشعار من الشعار المعروفين ومن المستحيل معرفة المعنى بدقة وخاصة اذا كانوا شعار منتديات او غير معروفين لأنهم يتكلمون ربما عن اشياء تخصهم

لكن ارى فتل ونقض على المعنى الظاهر بشكل جميل ولكن في بعض البيوت قوية وبعضها وسط وبعضها ضعيفة حسب رأيي المتواضع

هل الشعار من قبيلة واحده ؟

اعتقد شاعر يسأل زميله ويقول انك تريد الاحتراف الخارجي وتلحق باثنين سبقوك في هذا المجال وانت ماعندك قدره وفات عليك الزمن (الاربعين) والله اعلم

تحياتي لكـ

[خالد السويداني القحطاني]

الخطاء فالبيت الاخير ويعني يدريبه اي واحد
واما المعنى فتعرفه انت شخصياً لم يكن بينهم
معنى نعروووف لدى المجتمع
ولاهنت على مرورك

[سلطان البقمي]

بعد الا ربعين هو الزواج اذا فيه معنى صحيح والنقاش في هذا المعنى



اذا هم شعار لأن الرمز البيت من الشاعر البادي يدل على ذالك




تحيتي

[خالد السويداني القحطاني]

خطاء
مشكووور
على المشاركه لاهنت

[ابو فايح]

إن كان وقت تاريخها قريب


أعتقد تتحدث فالامور التي فالمنطقه وكأنها في سفيه لندن أو في بعض من هم على شاكلته

لان فيها رموز حول ذلك

[خالد السويداني القحطاني]

سلامتك يابوفايح
المحاروة لها شهرين
بالكثير
ولاهنت على مرورك

[فهد الشهيب الثبيتي]

المحاوره تدور حول احد الزعماء العرب وهو الطرف الثاني والمعارضه وهو الطرف الاول وتفصيلها كالتالي وسأحاول الاختصار في الرموز الواضحه والمفصليه في المحاوره رغم اني لست محلل ولكن لسبب اعجابي بالطاروق ولأنه لم يأتي احد بحله حتى الآن

غنام من دنياك وش تحتاج بعـد الاربعيـن
اعطيك اشـاره والاشـاره للنشامـا كافيـه

هنا المعارض يسأل الحاكم وغالبا انه يسأل القذافي , ماذا تريد بعد اربعين عام من الحكم ومن هنا انطلاقة محور المعنى

لاشبع ابوتركي علامه يدحم الجنـب المتيـن
مايدري انه لا مشى فالقيـظ رجلـه حافيـه

وهنا يجيب الحاكم بأنك مجرد مواطن وبسبب ماوجدته من الخيرات بدأت مطامعك تكبر وبديت تطمع في اشياء ومواقف اكبر منك


تقولها وانته تبـى تصبـح تبيعـن للثنيـن
اللي من احـداث الليالـي خلـو المشرافيـه

هنا يرد المعارض بأنك سوف تتبع طريق زين العابدين وحسني مبارك لامحالة

وتسير المحاورة على هذا النهج حتى تنتهي

وعدم تحليلي لباقي البيوت هو عدم وجود الوقت الكافي بالرغم من روعة الفتل والنفض الموجود في طياتها

نقطة اخيرة : المحاورة جميلة جدا وتم رسم المعنى فيها بشكل مميز وصحت السنة الشعار والحقيقه انهم ابدعو

لاهنت يالجبرتي على ايراد هذا المحراف الجميل وكان تعرف الشعار وجه لهم دعوه باسمي وباسم منتدى الهيلا للانضمام لهذا الصرح

هذا ماعندي واعذروني على الاطاله وفي النهاية هذا التحليل قابل للصواب والخطأ

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

آخر تعديل فهد الشهيب الثبيتي يوم 28-Apr-2011 في 09:03 AM.