حصري: الجزء الثاني من محاورة التحدي ( حبيّب & زيد ).100%

[محمد العتيبي]

أعزائي الكرام / اعضاء ورواد الهيلا *** منتدى قبيلة عتيبة .

ها أنا اضع لكم الجزء الثاني حصريّا من محاورة الأبداع والتميز

من الشعراء العمالقه : حبيّب العازمي و زيد العضيله .

التي لم يسبق لها النشر في عالم النت ..

محاوره وضعوا بها الشاعرين التحدي والحماس والأبداع ألاّ متناهي.

حبيّب العازمي

ودي أنشد زيد وآخذ من علومه = بعد صادفته مسافر وأنا ماشي .
والصحيح أصلا للا الدار محكومه = ضاعت البكره على جرة الحاشي .

زيد العضيله

تبغي أخبار أمس ولاّ تبا اليومه = شفت لي فالسوق رجال غشاشي.
انسدح فالخط والنومه النومه = عقب ما زهبت فردي ورشاشي .

حبيّب العازمي

المطيّه من زمانين ماسومه = فوقها مغزل ومشعاب حناشي .
لا تدلّ الناس والناس منجومه = يصحي الحشاش من شان حشاشي .

زيد العضيله

المطيّه بيعها بأول السومه = كان جالك للبعارين قرّاشي .
خل راع الثوم يقعد على ثومه = المراجل ما تبا واحدٍ لاشي .

حبيّب العازمي

دامها بالحبل يازيد مخطومه = ما نديّنها ولا نبيعها كاشي .
خابرٍ ديرتك يا زيد مرحومه = وش تبا في ديرةٍ غيثها رشاشي .

زيد العضيله

دايم الأجواد تفعل ومخدومه = ما علاك محصّل لحاف وفراشي .
خلّوا الصايم يروّح على صومه =من ينوش الناس لا بد ينّاشي .

يتبع الجزء الثالث
تحيتي

التوقيع

للتواصل عبر twitter تويتر al_bargawy@

[عفتان العتيبي]

أمين

يااااالله فقه وتوفق كل اعتيبي علي وجه الارض

شكرااا لك

[محمد العتيبي]

المشاركة الأصلية كتبت بواسطة عفتان العتيبي

أمين

يااااالله فقه وتوفق كل اعتيبي علي وجه الارض

شكرااا لك

آمين ولكل المسلمين

شكرا لك على مشاركتك يالغالي ..

تحيتي
...

[قادح شرار]

كنا بالأنتظـــــار يا محمد .

والله محاورة رهيبة ... وقاف جميــــــــل .

بارك الله فيك وبيـّض الله وجهك .


تقبل مروري .

[محمد العتيبي]

المشاركة الأصلية كتبت بواسطة قادح شرار

كنا بالأنتظـــــار يا محمد .

والله محاورة رهيبة ... وقاف جميــــــــل .

بارك الله فيك وبيـّض الله وجهك .


تقبل مروري .

مرحبا والله ياشاعرنا

اشكرك من القلب على التواصل والمتابعه .. والانتظار

بيض الله وجهك يالثبيتي

تحيتي

[ابو فايح]

قاف جميل لاهنت على نقله يا مبدع ولكن يا محمد ما تقول هالمحاوره وين كانت؟؟

[محمد العتيبي]

المشاركة الأصلية كتبت بواسطة ابو فايح

قاف جميل لاهنت على نقله يا مبدع ولكن يا محمد ما تقول هالمحاوره وين كانت؟؟

ابو فايح

الله لا يهينك على المرور الرائع

والمحاوره اعتقد انها بالشرقيه .. ان ماخاب ظني

لان مصدر الكاسيت هناك

تحيتي يابوفايح
..

[فهد الزهراني]

صراحة ابداع من الشاعرين
اشكرك على اتحافنا بها

[محمد العتيبي]

المشاركة الأصلية كتبت بواسطة فهد الزهراني

صراحة ابداع من الشاعرين
اشكرك على اتحافنا بها

فهد الزهراني

شكرا لك على مرورك المميز ..

ولاهنت يالغالي
...

[صقر الجعدة]

يابو حميد الله لا يحرمنا من جديدك الطيب

تحياتي
صقر الجعده