النشاما

[ابن شامان]

احـــــب النشـــــاما وللنشاما علي احقوق
اقدر احقوق الخال والضيف والعاني
ولا اخـــــاوي الداشر ولا احب انا المطفوق
ولا اصد والمضيوم يزهم وينخاني
ولا ارضى خنا الزلة ولا اخطي على مخلوق
ولا اعارض الجاهل على زلة اللساني
احـــــب الفياض الخـــضر لا سيق فيها النوق
بعد سوقت الفنجال بدلال رسلاني
احــــب الفيــــاض وشوفــها يــبري المعلوق
لياعطفت خلفاتها فوق حيراني
احــــب الفيـــاض وحبـــها حط فيني افتوق
وعسى لايمي في حبها يقاد عمياني
واحــــب المـــــراجل والمراجل لها معشوق
ولا ني باطيع اللي عن الطيب ينهاني
ولا احـــــب انا النمه والاسرار في صندوق
ولا رحت انا اوشي على افلان وفلاني
اعـــدل كـــلامي واضـــبطه وازن المنطوق
وترى الهرج للرجال ياتيك برهاني
تـعرف الرجل من هرجته لا حكى في السوق
يدلك عالى الرجال منطوقه ان باني
ولا بقـــــت جار لي ولا احــب درب البوق
حفضت الحديث اللي على الجار وصاني
واحـــب الصــــلاه وركعتين مع الشروق
تساوي كنوز الكون لامال ميزاني
نهار الحساب وفيه الابصار تشخص فوق
نهـــار عضيم فيه فايز وخسراني
نهار احســـابه عسر والطاق بالمــــطبوق
تحت حر صلو الشمس والجسم عرياني
واحـــــب البــــداوه وافخر بثوبها المشقوق
احـــب البداوه وافخر بســلم جداني
ارجـــال ليا جار الدهر والزمان اصدوق
هل الطيب والطالات من صلب قحطاني
محمد محسن السعدي

[مطلق الشيباني]

سلمت ولا هنت على هالقصيده الجزله

ولا اخـــــاوي الداشر ولا احب انا المطفوق
ولا اصد والمضيوم يزهم وينخاني
ولا ارضى خنا الزلة ولا اخطي على مخلوق
ولا اعارض الجاهل على زلة اللساني

ولك خااااااااااالص الشكر و التقدير....

مع تحيات :- مطلق الشيباني............

[ابن شامان]

اخوي مطلق الشيباني شكرا لمرورك
واضافتك الجميله
تحياتي

[((الدلبحي))]

اخوي ابن شامان
تسلم يمناك وصح السان الشاعر والسانك قصيده جزله
تقبل تحياتي:
((الدلبحي))

[طيرشلوى]

بيض الله وجهك يابن شامان
والقصيدة رااااااااااائعة وهذا شي مهوب غريب
لاننا تعودنا منك مواضيعك النتقاه والهادفه

[ابن شامان]

الأخ : الدلبحي))






صح بدنك ولا هنت




تقبّل تحياتي

[ابن شامان]

الاخ العزيز


طيرشلوى
وجه من يقول


يا مرحبا ومسهلا


وشاكرلك على حضورك واطرائك الوافي


وصح الله ابدنك


تقبل تحياتي