ياناس حنا من ضنا نجد عتبان ؟؟

[فواز العتب]

السلام عليكم أخواني عندي سؤال وطلب لو تسمحون ابي القصيده الي تحت من له والطلب انه واحد يدلني وين اقدر احصلها بالصوت وشكرا
أتركم مع القصيده

ياناس حنا من ضنا نجد عتبان
يشهد لنا التاريخ لو قلت حنا

حنا فياض وان قسى الوقت ضلعان
حنا البحر ما دم هالأرض منا

حنا الرعد حنا زلازل وبركان
حنا دمار الكون لو قيل عنا

حنا شعاع الشمس والليل خسران
حنا الليالي لاقبلن ماوطنا

حنا غدير يعشقه كل ضميان
حنا غرام العذارى هونا

حنا الكرم والطيب شايب وشبان
حنا عتيبه من لنا المجد غنا

حنا سلاطين الجزيره الى الان
ماهمنا اللي بالنوايا امتحنا

حنا سيوف هابنا كل خوان
حنا السنين الماضيه من بكنا

حنا السماء لاصار بالارض نقصان
بعد الولي في الكون منا وعلنا

حنا هنا واعرف بلاكان ماكان
حنا هنا وهناك كنا وعنا

حنا وحنا لوبغى القول برهان
المجد والعزة سوى اكتبنا

شاعر وجيت من الفخر حيل طربان
دام الطروق اللي تغنى لحنا

حنا قصيدة شامخه تحت عنوان
حنا عتيبه وانشد الكل عنا

[محب الهيلا]

صح لسان الشاعر جابر بن هايف

مشكور وماقصرت

[سلطان العصيمي]

عندي يا فواز


بس اسمح باستلام الرسائل من الاعضاء من خلال لوحة التحكم

ثم الخيارات

آخر تعديل سلطان العصيمي يوم 18-Mar-2008 في 03:04 PM.

[فواز العتب]

الله يعطيكم العافيه وماقصرتوا

ناصر فتحت مال الرسائل بأنتظار رسالتك طال عمرك

[ابو ناصر المقاطي]

تفضل يا فواز هذي القصيده الي انت كاتبها

http://www.vip32.org/view.php?file=ead6798528

وشكرا على هالقصيده الرائعه

[سلطان العصيمي]

هذي هي يا فواز

http://file8.9q9q.net/Download/17442...-----.amr.html

تأمر امر

آخر تعديل سلطان العصيمي يوم 19-Mar-2008 في 02:09 PM.

[فواز العتب]

كفوو يالربع الله يعطيكم العافيه وماقصرتوا

[فيصل البرقاوي]

مشكوور وصح لسان الشاعر

[عبدالله الجـــذع]

والله ماقصروا الربع..


مشكورين الجميع.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا