نخبـــــــــــــــة النخبه (((مغتاتير فنجال)))

[مقبول الشيباني]

ولا ياحروفي يومك اغلى من الذهبان=طلبتك دقايق لين قصدي تتمينه
تعلي ووفي واحدن جمع العربان=الا ياكثر ربعه وما اكثر محبينه
يسوق الجهام اللي تتالا مع الصمان=غزايز ابكارن ساق فيها ملايينه
بنا مجده بيمناه يوم الكريم معان=ولا جا التحدي ماله الا سلاطينه
الا ياعفر فنجال شرفتي العتبان=وكم واحدن من زود حبك بكت عينه
ذبحتي شباب وكم جلدتي من الشيبان=وهذا فريتي كبده وذا تذكينه
مسرت صديق انتي مضره على العدوان=وكمن خفوقن بمعلوقه تتلينه
ولا احدن يلوم المغرم العاشق الولهان=لو ايصيح بعلى الصوت دامك تلوعينه
ولا قد وطا عرق النفود او وطا الريضان=بحجم الجمال اللي لحالك تشيلينه
عليك من الاعين دوم بسم الله الرحمن=وماشالله ويكفيك فنجال ترضينه
ولو ننشد اصحاب النظر واهل الذيدان=يقولون نور الشمس محنا مغطينه
فهقتي طروشن تحتشد داخل الميدان=ولامن عرضتي دايم الوضع تنهينه
يجي في نهار الحسم تدقيق وستبيان=وفوزك ماكنك غار جيتي تعيدينه
تطيشين لاوازنتي المحفل المليان=ولابه جديد و كل عامن ترودينه
تشوشين من مابك تحدي وزود جنان=شويه على الجمهور لا لا توطينه
لو ايصيح ابو خالد تطبين فالنيران=وهاذي تداريب الاصيل وتمارينه
منفذتن امره كنك الجندي الفهمان=مطبعك راع العرف ونتي تطيعينه
ولافيك لاقشرا ولاطبعها العصيان=ولو يضرب ابك البحر الاحمر تخوضينه
ومن شاف زينك قال زينن ماصار وكان=تشيلين هم قلوب واخر تحطينه
حرام ان شوفك يجلي الهم والاحزان=اتداوين جرح الوقت ويضن تخيطينه
وراك الكازز كلها وارد اليابان=وموكبك يذهل ونتي اللي تجرينه
وفرصه كبيره يوم شوفتك بالمجان=لو التفرجه بفلوس كلن شكا دينه
تجمهر وراك الخلق من ساير الاوطان=ومن لايحب البل عليها تحدينه
ماباقي لبو خالد ماباقي لبو سلطان=يكوده يجي ثم ياخذ السيف بيمينه
يجي عند مشعل راعي الذود اخو سلمان=وذا طبعنا دايم ولناا مخلينه
اقوله ونا اذكر طيبن تتعب الفرسان=على دربه اللي صعب ماهم بماشينه
هو المفخره فنجال فنجال طيبه بان=وصل نويويورك وراعي الصين في صينه
وش البيت لولا شدت الطنب والعمدان=وهذا عمود البيت للضيق حاسينه
بنا الطيب طوبه طوبه وجود البنيان=على ساس مامال الجدار وموازينه
عزومن صرومن فالمواقف وشانه وشان=ولاكبرت القاله قصدناه ناصينه
نجيله لون الموت من دون وصله حان=لو الموت يشرى دون فنجال شارينه
اقوله قبل وردد اللي نطقت الان=وعيده وقولي ثابتاتن براهينه
ولاني بقايلها هروجن مع الخليان=كلام الخلا لضعوف الاريا مخلينه

التوقيع

Mqbol_778@hotmail.com صفحتي على التويتر https://twitter.com/#!/mqbol778

[عبدالرحمن الهيلوم]

بالتوفيق لبو خاااااااااااااااااالد


وصح السانك يالغالي

[بندر المرشدي]

مقبول الشيباني



صح لسااااااانك وانت شاعر جزل

[(البرقـاوي)]

صح لسانك شاعرنا المبدع مقبول الشيباني

وبيض الله وجهك على هالرائعه

ويستاهل فنجال وتستاهل ابله

تحيااتي

التوقيع

خ ـالد الـ ش ـيباني

[مقبول الشيباني]

المشاركة الأصلية كتبت بواسطة عبدالرحمن الهيلوم

بالتوفيق لبو خاااااااااااااااااالد


وصح السانك يالغالي

------------------------------


مشكووووووووووور


وصح بدنك ولاهنت

[مقبول الشيباني]

المشاركة الأصلية كتبت بواسطة بندر المرشدي

مقبول الشيباني



صح لسااااااانك وانت شاعر جزل

------------------------


مشكوووووووووووور


اخوي بندر ولاهنت

[مقبول الشيباني]

المشاركة الأصلية كتبت بواسطة (البرقـاوي)

صح لسانك شاعرنا المبدع مقبول الشيباني

وبيض الله وجهك على هالرائعه

ويستاهل فنجال وتستاهل ابله

تحيااتي

----------------------------------


صح بدنك


مشكووووووووووووور




ولاهنت يالقرم...........

[العازمي ]

صح لسانك
يا الذيب كفو

[مقبول الشيباني]

المشاركة الأصلية كتبت بواسطة العازمي 

صح لسانك
يا الذيب كفو

------------------------------


الف شكر اخــــــــــــــــــوي لاهنت

[خلف الروقي]

صح لسااااااانك






ولاهنت