الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > معارك وبطولات

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 06-Sep-2013, 06:01 PM رقم المشاركة : 1
معلومات العضو
ابي قبيس
عضو نشيط
إحصائية العضو





التوقيت


ابي قبيس غير متواجد حالياً

افتراضي مغزى الروقه على التومان

مغزى الروقة على التومان



في احدى السنين اغاروا الروقة من عتيبة على التومان من شمر
وكانوا عقدا القوم من الروقة هم
حباب بن زريبه امير الجذعان
واخوة غازي بن زريبه وهم من اشهر فرسان عتيبه ولهم اماره وشيخة
وكان معهم احد ابناء مسلط بن ربيعان وهو من اكبر شيوخ عتيبه
وكذلك احد ابناء الضيط وهو امير العضيان ومن اشهر فرسانهم على الاطلاق وكان معهم
امير الحفاه فراج بن طويق من شيوخ الروقة وكان حكيم في رايه
المهم الرجال حددوا مكان البل هالوضح اللي تزين الارض ابل شمر
اغاروا عليها واخذوها ما عندها الا الرعيان ويوم وصل النذير لشمر
البل وخذت
فزعوا التومان يبون فكة الحلال وهي لك تصير ذبحة وكان من ضمن الفزاعة مثقال الربع
فارس مشهور واهله شيوخ وفريس
صار الطراد بين مثقال وحباب وشمر يجيدون طراد الخيل اكثر من غيرهم
وعرف غازي ابن زريبه ان اخوة حباب فرسة ماهي مثل فرس مثقال
ولحقه من وراه ورماه بالشلفا وذبحوة
ويوم طاح مثقال انكسرت شمر(على ما قال لاطاح راس القوم )
قالوا العتبان شمر انكسروا
وهم لك يعرضون فريس التومان بخيلهم وهم يقومون يحدون على الخيل ويقولون

حباب جاء وقت الفنا..................... من سربة تتلى الامير
الفين تطعن بالقنا.......................... والفين ترمي بالذخير

قال واحد منهم هذولا شمر هل الردات وهذي عاداتهم
وهم لك يميلون عليهم واول من طاح بنحورهم غازي بن زريبه ذباح مثقال
وهم يردعونه بخوة الشيخ حباب واللي ذبحة من التمياط
وهي لك تصير على الروقة
وخبرك اكا الوقت المنع من عادات البدو في حروبهم لكن شمر رفعوا المنع بعد ذبحة
مثقال لانه فارس وعزيز عليهم
وصارت الدعوى ثار وفرسان شمر ما منعوا احد وصارت ذبحة على الروقة
ابن ربيعان والضيط دريوا انه ما فيه احد يمنعهم
وزبنوا على بيت التمياط ودخلوا بوجهه وزبنهم البيت
ويوم جوا شمر بيذبحونهم قال التمياط ياشمر هذولا بوجهي ودخلا على بيتي
قالوا يالتمياط رجالنا مذبوح والمنع مرفوع
قال انا داخل على الله ثم عليكم هذولا دخلا بيتي وفي وجهه ولا تذبحون وجيهنا مع ذبحة رجالنا
والتمياط عزم على حمايتهم يوم درى انهم من روس القوم
وتنازلوا التومان عنهم كرامة لوجه اميرهم وبيته وقطع للفتنه.

مسلط ابن ربيعان من اشهر فرسان الجزيرة العربية كان شيخ كبير وكان يتحرى علوم الغزو
وجته علوم انهم كسروا وقتل منهم ناس وطاح ناس
وجاه واحد يبشره وقال ابشر ياطويل العمر
وان ولدك وولد الضيط سالمين فكهم التمياط وزبنهم
قال اللي يبي البشاره يبشرني بحباب ابن زريبه
قالوا له حباب ذبح هو واخوة وهو اول من طاح بنحور شمر
ويقولون انه بكى عليه لان حباب كان شيخ وفارس مشهور


ودمتم سالمين اتمنى انها تحوز على الرضا






















آخر تعديل حبس الضعن يوم 2006-10-10 في 04:54 pm.















رد مع اقتباس
غير مقروء 10-Sep-2013, 02:53 PM رقم المشاركة : 2
معلومات العضو
ابن بليهد
عضو فضي
إحصائية العضو





التوقيت


ابن بليهد غير متواجد حالياً

افتراضي

هذا الموضوع منقول من منتديات شمر وموجود بعناوين كثيره مثل:

1ـ غارت الروقه على التومان
2ـ التومان والروقه
3ـ مغزى الروقه على التومان
4ـ الروقه والتومان
والعناوين اكثر مما ذكر؟؟

والقصه كثيره عناوينها في منتديات شمر

الموضوع الايختلف في اي منتدى من منتديات فنفس القصه والنص ولقصيده واسماء الشيوخ والفرسان

الاختلاف لاحضته هنا بنقل اخينا ابو قبيس الى هذا المنتدى بذكر فراج بن طويق
فجميع المنتديات الموجود فيها موضوع الروقه و التومان تفحصتها جميع ولم يذكر فيها فراج بن طويق
فارجو من اخونا ابو قبيس النتباه ..















رد مع اقتباس
غير مقروء 31-Jan-2014, 07:57 PM رقم المشاركة : 3
معلومات العضو
ابو يزيد الحافي
عضو ذهبي
إحصائية العضو






التوقيت


ابو يزيد الحافي غير متواجد حالياً

افتراضي

الاخ ابن بليهد

اذا ما سمعت وما جلست مع الرياجيل مو مشكلتي لتمنى انك تسأل كبار السن ومشايخ القبائل ويدلونك


تحياتي















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »10:44 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي