الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > معارك وبطولات

« آخـــر الـــمـــشـــاركــــات »
         :: عبيدة والحباب ورفيدة رعيان عند الجحدري (آخر رد :عيد صبي نجد)       :: نمير المنبع الرائق وارواء ظماء الذوائق (آخر رد :امير الصفوى)       :: الخياريين حلفاء بني هاجر اصولهم من قبيلة المشاعله (آخر رد :عيد صبي نجد)       :: ال ربيعة البرامكة الهوازنيين (آخر رد :أبو مروان)       :: يقول من يحرص على فاخر القول (آخر رد :امير الصفوى)       :: هوازن (آخر رد :أبو مروان)       :: خاطرة هوازن (آخر رد :أبو مروان)       :: طلب تغير نك (آخر رد :أبو مروان)       :: قحطان من ولد عاد بن سام وليست من إرفخشد (آخر رد :أبو مروان)       :: نسب بعض الاسر من شتى القبائل العربيه (آخر رد :أبو مروان)      

موضوع مغلق
 
أدوات الموضوع انواع عرض الموضوع
قديم 16-Aug-2013, 09:40 AM رقم المشاركة : 1
معلومات العضو
ابن بليهد
عضو فضي
إحصائية العضو





التوقيت


ابن بليهد غير متواجد حالياً

افتراضي الحافي ووسم العصى

بسم الله الرحمن الرحيم


عبدالله بن تركي بن هثيله ووسم العصى

والقصه وقصيدتها تذكر من الراوي والشاعر سعدون الهرس المرشدي عن الراوي والشاعر عبدالله بن زايد التوم

والقصه وهي كتالي
جاور احد البقوم عبدالله ابن تركي فوسم عبدالله ابن تركي عصى البقمي فقام البقمي يتجول في وسط عتيبه بباعره ولااحد يتعرضه احترام لوسم عبدالله وعندما اراد البقمي الرجوع لديرته مر بلقرب من ديار الشيابين وكانو منزال الشيابين بعيد عن منازل عتيبه فمر البقمي وكان واثق من عتيبه فهجمو عليه عدد من الشيابين بقيادة ابن شاهر الشيباني فقال البقمي انا قصير عبدالله ابن تركي الحافي وهذا وسمه على العصى فقالو انت تكذب على عبدالله بن تركي وتقول وسملي فقامو باخذ ابله ورجع البقمي لعبدالله بن تركي واخبره فقال عبدالله ترجع ابلك بذن الله فارسل قصيده الى الشيخ هذال بن فهيد وعندما وصلت الشيخ هذال قال : ( وجه عتيبه واحد ) كيف تجي من ابن شاهر فطلب ابن شاهر فقال ابن شاهر ياشيخ ضنيت ان البقمي انه يكذب على عبدالله ابن تركي وهو الي وسم عصاه بنفسه لجل محد يتعرضه من عتيبه ومادام ان الوسم صحيح يرجع حق البقمي فرجع حق البقمي عليه


القصيده :

تهيض الحــافي علــى هجعــة المـــــلا *** عقــب غابت الجــوزاء وغــاب رقــيبها

كلامٍ (ن) أحلى من لبن شمـخ الــــــذرا *** مـــنابيب قلبي مـن ضميري تجيبـــها

ياراكب (ن) مــن عنــدنا فــــوق حـــزب *** عيرات ياطـن الخــــبأ مع جذيبـــــــهـا

يـلفن شيخ (ن) منقع الـجود والصــــخاء *** هــذال زبـن الـلــــي تـــردا خــبيبـــها

يذبح ســمان الـضـان مــع شمـخ الــذرا *** حيل (ن) تطاها كل يــوم (ن)عصـيبـها

يابــو جـهز يامسنـــــدي ياشــفـــاتـــي *** مـاعـاد غـيرك عـزوة (ن) اعـتزي بــــها

قــله تـرى نـــــار الـرفـــاقه كـلتــــــني *** اذن ابـو سـلطــــان يـطــــفى لهيبـــها

عيــنت ابن شــاهر يــفــادي خـــويتــي *** ياكل فلوس (ن) كنـــها مــادري بـــــها

انكــان مــاعـــدوا عــلــيه لــــوايــمـــي *** عـــودت ليـــمنـايه رداهـــــــا وطـيبــها

ــــــــــــــــــــــــــــ

جهر هو الابن الاكبر لشيخ هذال بن فهيد
سلطان من ابناء الشيخ هذال بن فهيد















قديم 29-Aug-2013, 04:38 PM رقم المشاركة : 2
معلومات العضو
الكرمان
عضو ماسي
إحصائية العضو





التوقيت


الكرمان غير متواجد حالياً

افتراضي

ابن بليهد

الله يعطيك العافيه نقل رائع


ونعم بالشخ هذال بن فهيد جمع بين شيخه وشجاعه وفروسيه وكرم , وكان رحمه الله مساوي بين قبيلة عتيبه بينهم وبين بعض في خصوماتهم حتى مع القبائل الاخرى

ومواقفه الطيبه كثيره لاتحصى ومنها يوم قطعت العواني عن قبيلة الحفاه بسبب وقعه على ماء تنضبه وقتل الحفاه احد شيوخ عتيبه , فتفق جميع مشايخ عتيبه على ان الحفاه يجلون فذهب فرز بن مفرز لبني الحارث فطلبهم الجو فقبلو لجو قبيلة الحفاه فقال فرز سوف اذهب لشيخ هذال ابن فهيد ان تدخل وحلها اخو هملاء فانا برسلكم مراسيل اخبركم وان لم اجد طلبي عنده فحنا على ماحنا عليه يابني الحارث , فذهب فرز الى هذال ابن فهيد فقال الشيخ هذال انا اولابكم من بني الحارث فتم الصلح بين الحفاه وخصماهم

وقد تدخل الشيخ هذال ابن فهيد في الصلح بين الجنادخه من الحفاه وخصماهم بسبب دم جلو بسببه بعض الجنادخه من المهاثله مع الذويبي..وهذا بعد ما وصلتت القصيده المرسله وهي

قصيدة غطروش بنت فرز بن مفرز بن هثيله المرسوله لشيخ هذال

و غطروش تسند قصيدتها لاخيها بدر

عقـّبت واره والديار الغياره = لاوالله الا رحت يابدر للعيش

وأقفيت عن حي ٍّ كثير ٍ بذاره = وصحونهم يلقابهن ّ العراميش

يالله ياللي ماعليك إختياره = يالله ياللي تنهض الطير بالريش

إنـّك ترد اللي يبا صوب داره = ياللي من الغربه ترد ّ الدراويش

ياخوي يامشكاي ويش البصاره = دموع عيني فوق خدي رشاريش

من لامني حزمة عليه الجباره = ولا تولـّوه العيال المداغيش

هجس ٍ إنـّي أجدد حسين الوثاره = وأحطها على خيار ٍ من الجيش

ركـّابها حط الجوا من يساره = ملفاه اخو هملاء مروّ المراييش

إن كان ماقد ّم كثير الخساره = ولا نكست ولا ش فالحال تفتيش


ومن قصيده اخرى لغطروش في الشيخ هذال ومنها :

ياليت مجلايه مع ابن فهيد .... حتى اتمذه في الحياه

فمهما ذكرنا عن الشيخ هذال ابن فهيد فلاً نوفيه حقه رحمه الله















آخر تعديل الكرمان يوم 29-Aug-2013 في 04:41 PM.
قديم 20-Sep-2013, 03:04 PM رقم المشاركة : 3
معلومات العضو
ابن بليهد
عضو فضي
إحصائية العضو





التوقيت


ابن بليهد غير متواجد حالياً

افتراضي

تسلم مرور مشرف

احترامي















قديم 24-Oct-2013, 07:54 PM رقم المشاركة : 4
معلومات العضو
فهد بن جميل العتيبي
عضو ماسي
إحصائية العضو






التوقيت


فهد بن جميل العتيبي غير متواجد حالياً

افتراضي

هذي القصة اللي اعترضوا عليها الدواسر ويقول ماياسم الا العصى غير هم وانها غير صحيحه


مشكور على التوضيح وسرد القصة و القصيده















قديم 29-Jan-2014, 05:19 AM رقم المشاركة : 5
معلومات العضو
العملا111ق

رابطة محبي الهيلا


الصورة الرمزية العملا111ق

إحصائية العضو





التوقيت


العملا111ق غير متواجد حالياً

افتراضي

يعطيك العافيه















قديم 06-Mar-2014, 01:15 AM رقم المشاركة : 6
معلومات العضو
الكرمان
عضو ماسي
إحصائية العضو





التوقيت


الكرمان غير متواجد حالياً

افتراضي

فهد بن جميل العتيبي

نعم هذي القصيده التي حاج بها الباحث والراوي سعدون الهرس الدواسر بها

تحياتي لك















قديم 06-Mar-2014, 01:16 AM رقم المشاركة : 7
معلومات العضو
الكرمان
عضو ماسي
إحصائية العضو





التوقيت


الكرمان غير متواجد حالياً

افتراضي

العملاااق

اشكرك على المرور تحياتي لك















قديم 06-Mar-2014, 01:13 PM رقم المشاركة : 8
معلومات العضو
ابن بليهد
عضو فضي
إحصائية العضو





التوقيت


ابن بليهد غير متواجد حالياً

افتراضي

هههههه شطحه قويه يالكرمان

شكلك تكتب وانت سهران

اشكرك بالرد بالنيابه عني

تقبل تحياتي















قديم 07-Mar-2014, 09:38 AM رقم المشاركة : 9
معلومات العضو
ابو يزيد الحافي
عضو ذهبي
إحصائية العضو






التوقيت


ابو يزيد الحافي غير متواجد حالياً

افتراضي

هههههه شطحه قويه يالكرمان

شكلك تكتب وانت سهران

اشكرك بالرد بالنيابه عني

تقبل تحياتي
على مان ههههههه















قديم 07-Mar-2014, 08:10 PM رقم المشاركة : 10
معلومات العضو
فهد بن جميل العتيبي
عضو ماسي
إحصائية العضو






التوقيت


فهد بن جميل العتيبي غير متواجد حالياً

افتراضي

كل شي واضح ياصاحبي















موضوع مغلق

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »08:07 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2022, Jelsoft Enterprises Ltd
اتصل بنا تسجيل خروج   تصميم: حمد المقاطي