(( ماذا قال الشعراء في شيوخ الدغالبه ))
أولا ما قيل في الأمير الشيخ الفارس الأسطوره ( خزام المهري )
يقول فيه الشاعر ( فراج التويجر الدماسي العضياني الروقي العتيبي )
اقفايكم يا خزام كره ٍ عليه = واقبالكم يفتح لصدري مية باب
وهذه مرثية الشاعر ( شداد بن لظا الدغيلبي في الأمير خزام المهري )
وحالي اللي مثل مـوم المخاييـل = هملن وعلق له علـى جـال طيّـه
بالله ياللي تتعـب الكنـس الحيـل = وتـــرد زبـــر الـخـيــل رد الـرعـيــه
والله ليفنا الجيل مع ساقة الجيل = وحـــر الـمـواكـر مالقـيـنـا حـلـيّــه
علـيـه تـرفــات الصـبـايـا مغـالـيـل = يبـكـن اخــو نــوره زبـــون الـونـيّـه
يامـا قلـع مـن جـل ذود ٍ جهاميـل = ويامـا قـلـع مــن مـهـرة ٍ زغزغـيـه
حــول عليـهـا والسبـايـا دحامـيـل = متجـنّـد ٍ سيـفـه ســوات الحنـيّـه
من فوق قبّاً تنهض الراس والذيل =تلـقـاه فــوق كــروش و لا العبـيّـه
وايضا ً مما قيل في الأمير الفارس خزام المهري من قصائد لشعراء القبيله :
قال فيه الشاعر ( عبيد بن بريكان اللاصوم الدغيلبي ) :
وخزام صدر له مراسيـم واقـرار = واهل الفعول الناقصات احتقرها
ماياخـذ الفنجـال مـن بـن وبهـار = الا بفـعـل تعـتـرف بــه جـبـرهـا
وقال فيه الشاعر ( جعفر بن مرزوق الدغيلبي ) :
خزام يا شيخ ٍ وفعله يبديه = يا مخلي ٍ روس الطويله عدامي
ابن الرعوجي يالله انك تحييه = معرّب الجدين خال وعمامي
له سطوة ٍ يوم القبايل توليه = عصر ٍ مضى له بين عام ٍوعامي
وقال فيه الشاعر ( مقعد بن محمد بن رماح الدغيلبي ) :
[
خزام أخو نوره خزام مطوع ً كل الصعب = إي والله خزام الخشوم وسعد من هو محزمه
اليا نواها ساقها بمشوك ٍ نار و لهب = فيه الشجاعه تنطبخ من حد راسه لقدمه
وقال فيه الشاعر ( ناصر بن محمد بن حمدان الدغيلبي ) :
بقيادة اللي للصعيبات ورّاد = خيال قب الخيل راع المرادي
اخزام ضداد العداء سم الأكباد = لاجاء نهار ٍ فيه صبح وهجادي
وقال فيه الشاعر ( نايف بن الحميدي الدغيلبي ) :
تحت راية خزام اللي فعوله = شهيره لا امتطى فوق العبيه
اخزام الخيل حمّاي السرايا = سمي المجد لا قلنا سميه
يكفي قول فراج الدماسي = بعد غنى البيوت العالميه
ولا ياخزام قربك سعد عيني = وبعدك خابره كره ٍ عليه
وقال فيه الشاعر ( ماجد بن متعب بن سند الخمسي الدغيلبي ) :
وأخو نوره خزام الخيل فارس فاللقى مغوار = على دربه تشوف الذيب مايرجع على سوره
وقال فيه الشاعر ( تركي بن نايف بن ذعار القبع الدغيلبي )
كنّه خـزام اللـي يفـك المصاغيـر = اليا حدوهـن بيـن ريـع وزبـاره
مقـدام قـومٍ للمـعـادي مناحـيـر = من فـوق شقـرٍ نابيـات الفقـاره
وقال فيه الشاعر تركي بن نايف بن ذعار القبع الدغيلبي أيضا :
بخـزام فكـاك العطّـف والمظاهيـر = بيومن عجاجه زامي(ن) دون قـاره
وقال فيه الشاعر تركي بن نايف بن ذعار القبع الدغيلبي أيضا :
وعيا خزام يطيـع للشـور ويشيـر = شيخن براسه فـي المعانـد دجـاره
قولت بدا تقصـر طـوال المشاويـر = ماترتخـي روسـن وفيهـا نعـاره
وقال فيه الشاعر / فيصل القثامي
اليا انتخى المهري خلافه كما الضل = ياطيب فزعتهم رجالن كراما
اخزام لاقلته علا شعري وضل = فوق القصيد وفوق ايت مقاما
ابى يرد الخيل للي تمثل = في نجد يوم الحرب والاحتداما
ووقت الدواسر ضفرو بشوفة البل = عود واخذها دون ربعه يحاما
جته المنيه بعد مافتكها بل = جته المنيه عقب خلّد رغاما
في صفحة الأمجاد والمجد في ضل = فعل الرجال اللي بوقت الخصاما
ثانيا ً ما قيل في الشيخ ( متعب بن جمل المهري )
يقول فيه الشاعر ( عبيد بن بريكان اللاصوم الدغيلبي )
متعب طويل الباع في كل محضار = لا كبرت القالات ينطح نحرها
ويقول فيه الشاعر ( تركي بن متلع القبع الدغيلبي )
أميرنا اللي للمهمات مقدام = نسل الشيوخ اللي تفك الدبيله
متعب وهو متعب صناديد وخصام = ليا ارتكى للحمل لازم يشيله
إمارته غصب ٍ على كل الأقزام = وحنا تحت رايه وكلن يجيله
ويقول فيه الشاعر ( ماجد بن نايف الدغيلبي )
في راي شيخ ٍ ما انثنى عزمه وياصل للمراد = متعب زبون اللي حداه الوقت واقفى وانكسر
يرسي كما ترسي إرم ذات الصلابه والعماد = اللي رست من عهد هود ال وقتنا هذا عبر
ويقول فيه الشاعر ( خالد بن ذياب الدغيلبي )
بقيادة اللي يرخي المتن ويشيل = لا طوقوها من يمين و يسارا
أميرنا متعب جمل وافي الكيل = يمناه تعطي ما حسب للخسارا
حر ٍ شهر وأدرك جميع المحاصيل = متعب تعب وأريح عيون ٍ سهارا
ثالثا ً وآخرا ً مما قيل في أبناء الأمير ( خزام المهري )
يقول الشاعر خالد بن ذياب الدغيلبي في الأمير ( محماس بن خزام المهري )
ومحماس محماس العدا فالاكاوين = سعد الصويب اليا شكى من صوابه
جاب الجموع الطيبين الكريمين = ومشكور جعل الله يطول شبابه
ويقول الشاعر عبدالرحمن بن سعود العطاوي في الأمير ( عبدالرحمن بن خزام المهري )
فـرّاج مدحـه يالعطـاوي الـى وآن = قلـت التويجـر منفـرد للمـهـارى
أحيا بذكـر خـزام حمـاي الأوطـان = حتى غدالـي مـن قصيـده منـارى
نعم الشيوخ اللي على الـدوم عتبـان = قـدم ويميـن ولا تنحـوّ يـسـارى
أفخر بهم وأثنـي علـى عبدالرحمـن = روقـي وبرقـاوي ركونـه قـرارى
ولد خـزام ومـن مرابـط كحيـلان = شيـخٍ مجانيـة البيـوت الكـبـارى
يوم أمدحـه ماقالـوا النـاس غلطـان = شيخٍ بيوتـي فـي وصوفـه غيـارى
ويقول أيضا الشاعر عبدالرحمن بن سعود العطاوي في الأمير ( عبدالرحمن بن خزام المهري )
ولـــــــــــــــد خزام أعنيك ياطير غيمار=ومدايحي في غير مثلك غدن عور
ياعـابـد الرحـمـن يــا شـبـل الأخـيــار = هـي دوك أخذههـا ساميـه مـن جبـل طـور
ابيّـن مـن المشعـل علـى ضـلـع سنـجـار = واضــح سنـاهـا فـاضـحٍ كــل ديـجـور
مهـريـة بـنـت مـهـري ساقـهـا الـحـار = تكبـر معـك يـا كابـرٍ مـا أنــت مكـبـور
وتقـول يـا شيـخ الـعـرب يــدك والـحـار = صـر مثـل جـدك فـاضـحٍ كــل منـعـور
جـــــــــــــــدك خزام الشيخ حمّال الأوطار = الّلي نماري به ورى كل حيذور
ويقول الشاعر خالد بن ذياب الدغيلبي في الأمير ( محماس بن خزام المهري )
سلام مني عد ماشعشع النور = للي ليا لسلمت قد السلامي
سلام يامحماس ماقيس بشبور = ياكاسب ودي وكل احترامي
ينصاك ياذخر وذرى كل معسور = يانور من وقته كساه الظلامي
مشكور ياأمير المهمات مشكور = وقفت وقفة صيرمين قطامي
مثلتنا في موقف صار مشهور = وذكره ظهر من بين كل الاسامي
ياعزنا ياكامل العرف والشور = ربعك تفاخربك جنوب وشامي
مانيب عن مدحك يابوبدر معذور = ولوبأتكلم مايفيد الكلامي
ذكرك ظهر مابين غياب وحضور = وقدرك تعلا فوق رووس الغمامي
مذكور لاعدوا هل الطيب مذكور = لاحميت الهيجاء وحصل الزحامي
والياحصل فالوقت ميلات ودهور = مدهال سمحين الوجيه الحشامي
له مجلس بأهل المواجيب معمور = الطيب ساسه من خوال وعمامي
الشعر مايوفي مزاياك بسطور = ياعالي الهمه بعيد المرامي
جعلك تدوم سنين وايام وشهور = حيثك كريم ومدهلن للكرامي
وختامها ياكامل العرف والشور = تبدى سلام وتنتهي بالسلامي
ويقول الشاعر ماجد بن نايف الدغيلبي في الأمير ( محماس بن خزام المهري )
من خاطري والشعر تفكير واحساس = ماهوب صف حروف من غير معنى
ان ما نضمنا شعرنا مثل الالماس = وحنا ليا منا بدعنا بدعنا
يحرم علينا الشعر يا مير محماس = ان كان في وقفتك ذي ما صدعنا
اقولها بين العرب رافع الراس = جينا قدم كل الرجال وطلعنا
ويقول الشاعر خالد بن ذياب الدغيلبي في الأمير ( عبدالله بن ذعار المهري )
وعبدالله بن ذعار ماقلت ناسيـن = ميقافه اللي كل شخـص احتفابـه
ريف الهثالا ولضعوف المساكيـن = ومشرع لاهـل المواجيـب بابـه
هذا ما لدي مما سجله الشعراء من مديح وثناء على شيوخ الدغالبه " المهارى " 
« آخـــر الـــمـــشـــاركــــات »
20-Sep-2008, 06:53 AM
ماقيل عن شيوخ الدغالبه
العرض المتطور
