حبيب العازمي وملفي المورقي والمعنى الملغوم

[ابو فايح]

طاروق فايف ستار

من لقاء البارحه فالمويه الذي جمع ( حبيب وملفي وزيد وحمود السمي )



طاروق معنى من الدرجه الأولى

معناه أنا متأكد أنه لم يناقش سابقا


طاروق أتوقع انه في محاولة حبيب العازمي في الحصول على ختم أماره قبليه
أو معنى أخر لا يصلح للنشر


أترككم مع الطاروق

ملفي المورقي

الك يالعازمي مده تحوش الغنايم = مار جوها الرجال الطامعين وخذوها
هم خذوها الضحى من يدك وألا أنت نايم = يا عساها تجيهم بالبلاء وين جوها

حبيب العازمي

أفطر العازمي هاك السنه وأنت صايم =طمعتك كلبوها روحت كلبوها
أنت غلطان يا ملفي لكن الظلايم = لا تهد البيوت اللي جنودك بنوها

ملفي المورقي

وين راحتك علومك يا قوي العزايم = ربعك اللي تسمع هرجتك ما لقوها
جبت وحده من الثنتين وألا أنت دايم = السواليف في روس العرب ما نسوها

حبيب العازمي

دامت الروس حيه ما تطيح العمايم = باروا القوم فيه والعهود نقضوها
لو عطيت العرب كبدي لابد الشتايم = جيت ابا ابرد اللقمه وربعي كلوها

ملفي المورقي

لو أبا أسمع هروج مروجين النمايم = قلت يا أهل الحبال حبالكم قطعوها
إحمد الله ما دام إنك لقيت الولايم = والتعب يا حبيب لأم سلمى وأبوها

حبيب العازمي

لا تذم الرجال ولا تعز البهايم = نعنبوها حياة المهزله نعنبوها
يصبح حوار نافر يمسي حوار رايم = طابت النفس منها درروا وارضعوها

ملفي المورقي

ما نجاهد مع اللي يفعلون الجرايم = يوم بعض الاوادم يا حبيب رضوها
رد سمحه علينا لا تذب الخرايم = لا تزعلك يوم ديوسها صرروها

حبيب العازمي

أنت ترمي شبك لكل خفاق حايم = ثم قلت الصقور إن ماعرفوها شووها
جعلها ما تثني لو عليها الوسايم= وأنتم اللي تبون ديوسها واحلبوها

[السامي الجعيد]

وش أقول عن ملفي وحبيب العازمي


طاروق جميله وجزل مع ضجة المهاترات


عمالقة واساتذه والمعنى واضح جدآ


تبقى عملاق يابو فايح في النشر والاختيار مشكور

[جمال منير]

.
.
.

ههههههههههههههه

لو عطيت العرب كبدي لابد الشتايم # جيـت ابـا ابـرد اللقمـه وربعـي كلـوهـا

ياسلام ياسلام عليك يابو فيصل
لو ماقلت غير هذا البيت كفيت ووفيت

تطربني دائما الله يطرب حياتك << دعوة ماجاء زينها

الوكاد محاورة عمالقه وطاروق فايف ستار *****

ودمت للشعر يابو فيصل أنت وبو وافي

ولاهنت يامشرفنا القدير أبو فايح

[فهد علي العازمي]

يا ابو فايح حبيب العازمي لم يحصل على الختم والأمارة حتى يجي أحد ياخذها من يده
أتوقع أنها قناة المرقاب اللي وخذت من يده والله أعلم

وبيض الله وجهك على المحاورة المميزة بتميّز عمالقتها

[محمد@الجعيد]

تسلم يابو فايح وصحت السنت الشعار والمعنى قناة المرقاب

[مجري الهياب]

المعنى واضح وضوح الشمس

قناة المرقاب

[الجوراسي]

لو عطيت العرب كبدي لابد الشتايم # جيـت ابـا ابـرد اللقمـه وربعـي كلـوهـا


مثل ماقال اخوي جمال البيت ذا غير

وشكرا جزيلا ياابو فايح

[مرزوق الجعيد]

محاوره من الطراز الفريد

وللاسف كثرررة تحليلات اغلب محاورات العملاق حبيب العازمي الى (قناة المرقاب)

وهذا غير صحيح

لاهنت يبو فايح

[الحسيب]

عملااااق يابو فيصل ......

[ابومسلط الحليفي]

طاروق جزل ومن شعار جزلين

لاهنت على نقلك الطيب يابوفايح